ബിഗ് ബോസിൽ നിന്നും സിനിമയിലേക്ക്, ഇപ്പോഴിതാ സ്വപ്നവാഹനവും സ്വന്തമാക്കി; സന്തോഷം പങ്കിട്ട് ദിൽഷ

ബിഗ് ബോസ് മലയാളം നാലാം സീസണിന്റെ ടൈറ്റിൽ വിന്നറാണ് ദിൽഷ പ്രസന്നൻ. ബിഗ് ബോസ് മലയാളത്തിന്റെ ചരിത്രത്തിൽ ടൈറ്റിൽ വിന്നറായ ആദ്യത്തെ വനിത മത്സരാർത്ഥിയെന്ന വിശേഷണവും ദിൽഷയ്ക്ക് സ്വന്തം.

Also Read: തുടക്കക്കാരിയായ ഷംല മുതൽ മഹാമേരുവായ മമ്മൂട്ടി വരെ, സംസ്ഥാന പുരസ്കാര ജേതാക്കൾ ഇവർ: Kerala State Film Awards

ബിഗ് ബോസിനു ശേഷം സിനിമയിലും അരങ്ങേറ്റം കുറിച്ചിരുന്നു ദിൽഷ. അനൂപ് മേനോൻ ചിത്രം  ഓ സിൻഡ്രെല്ലയിലൂടെയായിരുന്നു അരങ്ങേറ്റം. ദിൽഷ നായികയായ സീ ഓഫ് ലവ് എന്ന ചിത്രവും അടുത്തിടെ പുറത്തിറങ്ങിയിരുന്നു.

Also Read: 'ഹാപ്പി ബർത്ത്ഡേ അളിയാ', ഷാരൂഖിന് ആശംസയുമായി ഷറഫുദീൻ; 'റേഷൻ കട മറന്ന് മണ്ണെണ്ണ വാങ്ങണോ?' എന്ന് ആരാധകൻ

ഇപ്പോഴിതാ, സ്വപ്നവാഹനം സ്വന്തമാക്കിയിരിക്കുകയാണ് ദിൽഷ. മഹീന്ദ്ര ഥാർ റോക്സ് ആണ് ദിൽഷ സ്വന്തമാക്കിയിരിക്കുന്നത്. ഏതാണ്ട് 25 ലക്ഷത്തോളമാണ് ഥാർ റോക്സിന്റെ ടോപ്പ് എൻഡ് മോഡലിന്റെ വില. കുടുംബത്തിനും സുഹൃത്തുക്കൾക്കുമൊപ്പം എത്തിയാണ് പുതിയ കാർ ദിൽഷ ഏറ്റുവാങ്ങിയത്.

Also Read: Dude OTT: മമിത ബൈജു - പ്രദീപ് രംഗനാഥൻ ചിത്രം ഡ്യൂഡ് ഒടിടിയിലേക്ക്; എവിടെ കാണാം?

View this post on Instagram

A post shared by Dilsha Prasannan (@dilsha__prasannan__)

ദിൽഷ പ്രസന്നൻ തന്റെ കലാജീവിതം ആരംഭിച്ചത് 2014-ൽ, ഡാൻസ് റിയാലിറ്റി പ്രോഗ്രാമായ D 4 ഡാൻസിലൂടെയാണ്. മികച്ച പ്രകടനങ്ങളിലൂടെ ശ്രദ്ധ നേടിയ ദിൽഷ, ആ സീസണിൽ അഞ്ചാം സ്ഥാനത്ത് എത്തി. എന്നാൽ ദിൽഷ പിന്മാറിയില്ല, തുടർന്ന് D 4 ഡാൻസ് റീലോഡഡ് എഡിഷനിൽ വീണ്ടും മത്സരിച്ചു വിജയിയായി കിരീടം നേടി.

Also Read: അവിടെ വച്ച് ഞാൻ നിനക്കെന്റെ  പ്രേമം തരും: ലാലേട്ടന്റെ കണ്ണിൽ വീണ്ടും സോളമനെ കണ്ടെന്ന് ആരാധകർ

ടെലിവിഷൻ ലോകത്തും ദിൽഷ തന്റെ കഴിവ് തെളിയിച്ചു. അവർ അഭിനയിച്ച കണാ കൺമണി (2016) എന്ന ടെലിവിഷൻ സീരിയൽ ഏറെ പ്രേക്ഷക പ്രശംസ നേടി. മികച്ച അഭിനയത്തിനുള്ള അംഗീകാരമായി 2016-ലെ ഏഷ്യാനെറ്റ് ടെലിവിഷൻ അവാർഡിൽ മികച്ച അഭിനേത്രി അവാർഡ് അവർക്ക് ലഭിച്ചു.

Also Read: Kerala State Film Awards: ആരാവും മികച്ച നടൻ? മമ്മൂട്ടിയോ? വിജയരാഘവനോ? ആസിഫോ?

2017-ൽ, ദിൽഷ ഡെയർ ദി ഫിയർ എന്ന റിയാലിറ്റി ഷോയിൽ പങ്കെടുത്ത് ഫൈനൽ റൗണ്ടിൽ എത്തി, തൻ്റെ ധൈര്യവും ആത്മവിശ്വാസവും വീണ്ടും തെളിയിച്ചു.

2022 മാർച്ചിൽ, ദിൽഷ ജീവിതത്തിലെ മറ്റൊരു പ്രധാന ഘട്ടത്തിലേക്ക് കടന്നു — ബിഗ് ബോസ് മലയാളം സീസൺ 4-ലൂടെ. പതിനാലാഴ്ച നീണ്ട മത്സരത്തിനുശേഷം, അവർ വിജയിയായി കിരീടം നേടി. ഇതോടെ ബിഗ് ബോസ് മലയാളം ചരിത്രത്തിൽ കിരീടം നേടുന്ന ആദ്യ വനിതാ മത്സരാർത്ഥിയായി ദിൽഷ പ്രസന്നൻ മാറി.

തൻ്റെ കഠിനാധ്വാനവും പ്രതിഭയും മുഖേന, ഡാൻസറായും അഭിനേത്രിയായും റിയാലിറ്റി ഷോ വിജയിയായും ദിൽഷ മലയാളി പ്രേക്ഷകരുടെ മനസിൽ സ്ഥാനമുറപ്പിച്ചു.

Also Read: 27 വർഷങ്ങൾക്കു ശേഷം ആമിയും, രവിശങ്കറും, ഡെന്നീസും മടങ്ങിയെത്തുന്നു; 'സമ്മര്‍ ഇന്‍ ബത്‌ലഹേം' റീ റിലീസ്