Dude OTT: മമിത ബൈജു - പ്രദീപ് രംഗനാഥൻ ചിത്രം ഡ്യൂഡ് ഒടിടിയിലേക്ക്; എവിടെ കാണാം?

Dude OTT Release Date, Platform: 'ഡ്രാഗണി'നു ശേഷം പ്രദീപ് രംഗനാഥൻ നായകനായി തിയേറ്ററുകളിലെത്തിയ ഏറ്റവും പുതിയ ചിത്രമാണ് 'ഡ്യൂഡ്.' പ്രദീപിനൊപ്പം മമിത ബൈജുവും പ്രധാനവേഷത്തിലെത്തിയ ചിത്രം മികച്ച പ്രതികരണമാണ് തിയേറ്ററുകളിൽ നേടിയത്. ചിത്രം ഇപ്പോൾ ഒടിടിയിൽ പ്രദർശനത്തിന് തയ്യാറെടുക്കുകയാണ്. 

പ്രദീപ് രംഗനാഥനും മമിത ബൈജുവും സംഗീതലോകത്തെ പുത്തൻ സെൻസേഷനൻ സായ് അഭ്യങ്കറും ഒന്നിച്ച ചിത്രത്തിന്റെ ഒടിടി റിലീസിനായുള്ള കാത്തിരിപ്പിലായിരുന്നു പ്രേക്ഷകർ. കീർത്തീശ്വരൻ എഴുതി സംവിധാനം ചെയ്ത ഡ്യൂഡ് മൈത്രി മൂവി മേക്കേഴ്സിന്‍റെ ബാനറിൽ നവീൻ യെർനേനി, വൈ രവിശങ്കർ എന്നിവർ ചേർന്നാണ് നിർമിച്ചിരിക്കുന്നത്.

Also Read: 27 വർഷങ്ങൾക്കു ശേഷം ആമിയും, രവിശങ്കറും, ഡെന്നീസും മടങ്ങിയെത്തുന്നു; 'സമ്മര്‍ ഇന്‍ ബത്‌ലഹേം' റീ റിലീസ്

ആർ. ശരത് കുമാർ, നേഹ ഷെട്ടി, ഹൃദു ഹരൂൺ, സത്യ, രോഹിണി, ദ്രാവിഡ് സെൽവം, ഐശ്വര്യ ശർമ്മ, ഗരുഡ റാം എന്നിവരാണ് ചിത്രത്തിലെ മറ്റു അഭിനേതാക്കാള്‍. ഛായാഗ്രഹണം നികേത് ബൊമ്മിയും എഡിറ്റിംഗ് ഭരത് വിക്രമനുമാണ് നിർവഹിച്ചിരിക്കുന്നത്.

Also Read: മമ്മൂട്ടി കമ്പനിയുടെ പുതിയ പടം; ആ നടന്നുവരുന്ന നായികയെ മനസ്സിലായോ?

Dude OTT: ഡ്യൂഡ് ഒടിടി

നെറ്റ്ഫ്ലിക്സിലൂടെ ഡ്യൂഡ് ഒടിടിയിലെത്തുമെന്നാണ് റിപ്പോർട്ട്. നവംബര്‍ 14 മുതൽ ചിത്രം സ്ട്രീമിങ് ആരംഭിക്കുമെന്നാണ് സൂചന. അതേസമയം, ചിത്രത്തിന്റെ ഒടിടി റിലീസുമായി ബന്ധപ്പെട്ട ഔദ്യോഗിക സ്ഥിരീകരണം ലഭ്യമാകാനുണ്ട്.

Read More: അന്നു കണ്ട നീയാരോ ഇന്നു കണ്ട നീയാരോ; ഇതാണോ കാലത്തിൻ ഇന്ദ്രജാലം? വൈറലായി ചിത്രങ്ങൾ