അവിടെ വച്ച് ഞാൻ നിനക്കെന്റെ  പ്രേമം തരും: ലാലേട്ടന്റെ കണ്ണിൽ വീണ്ടും സോളമനെ കണ്ടെന്ന് ആരാധകർ

മലയാള സിനിമയിലെ ഏറ്റവും മനോഹരമായ പ്രണയം തുറന്നു പറഞ്ഞ രംഗങ്ങളിലൊന്ന് ‘നമുക്കു പാർക്കാൻ മുന്തിരിത്തോപ്പുകൾ' എന്ന പദ്മരാജൻ ചിത്രത്തിൽ കാണാം. സോളമൻ സോഫിയയെ പ്രപ്പോസ് ചെയ്യുന്ന രംഗം. 

Also Read:  പിറന്നാളിനൊപ്പം ആ ചുണക്കുട്ടി പെൺകുട്ടികളുടെ വിജയവും ആഘോഷിച്ച് ചാക്കോച്ചൻ; നിങ്ങള് മാസ്സാണെന്ന് ആരാധകർ

സോഫിയ മുന്തിരിപ്പാടം കണ്ടിട്ടുണ്ടോ എന്നായിരുന്നു സോളമൻ ആദ്യം ചോദിക്കുന്നത്. ഇല്ലെന്നവൾ പറഞ്ഞപ്പോൾ ഒരിക്കൽ അവളെ അവിടെ കൊണ്ടുപോകാമെന്ന വാക്കു കൊടുക്കലായി. " അതികാലത്തെഴുന്നേറ്റു മുന്തിരിത്തോട്ടങ്ങളിൽ പോയി മുന്തിരിവള്ളി തളിർത്തു പൂ വിടരുകയും മാതളനാരകം പൂക്കയും ചെയ്‌തുവോ എന്നു നോക്കാം. അവിടെ വച്ച്..." എന്ന വരികൾ മുഴുമിക്കാതെ സോളമൻ നിർത്തുന്നു.

Also Read: ബിഗ് ബോസിൽ നിന്നും സിനിമയിലേക്ക്, ഇപ്പോഴിതാ സ്വപ്നവാഹനവും സ്വന്തമാക്കി; സന്തോഷം പങ്കിട്ട് ദിൽഷ

"അവിടെവച്ച്?" എന്ന് സോഫിയ ചോദിക്കുമ്പോൾ, വീട്ടിൽ ചെന്നു വേദപുസ്‌തകത്തിലെ ശലോമോന്റെ ഉത്തമഗീതം ഏഴാമധ്യായത്തിലെ പതിമൂന്നാം വാചകം വായിച്ചുനോക്കൂ എന്നാണ് സോളമന്റെ മറുപടി. 

" നമുക്കു ഗ്രാമങ്ങളില്‍ ചെന്നു രാപ്പാര്‍ക്കാം.
അതികാലത്തെഴുന്നേറ്റ്‌ തോട്ടങ്ങളില്‍
പോയി മുന്തിരി വള്ളികള്‍ തളിര്‍ത്തുവോയെന്നും
മാതള നാരകം പൂത്തുവോയെന്നും നോക്കാം .
അവിടെ വച്ച്‌ നിനക്ക്‌ ഞാനെന്റെ
പ്രണയം നല്‍കും. "  ആ വായനയ്ക്ക് ഒടുവിൽ സോഫിയയുടെ മുഖത്തുവിരിയുന്ന നാണം കലർന്ന ചിരി. മലയാളികൾക്ക് മറക്കാനാവാത്തൊരു പ്രണയരംഗമാണത്. ഒരു മുന്തിരിത്തോട്ടവും സോളമനും പൂച്ചക്കണ്ണുള്ള സോഫിയയും അവരുടെ ടാങ്കര്‍ ലോറിയും ഇന്നും മലയാളികളുടെ പ്രിയപ്പെട്ട കാഴ്ചയാണ്. 

Also Read: 'ഹാപ്പി ബർത്ത്ഡേ അളിയാ', ഷാരൂഖിന് ആശംസയുമായി ഷറഫുദീൻ; 'റേഷൻ കട മറന്ന് മണ്ണെണ്ണ വാങ്ങണോ?' എന്ന് ആരാധകൻ

1986ൽ ആണ് നമുക്ക് പാർക്കാൻ മുന്തിരിത്തോപ്പുകൾ റിലീസ് ചെയ്യുന്നത്. ചിത്രം അതിന്റെ 40-ാം വർഷത്തിലേക്ക് കടക്കുകയാണ്. ചിത്രവുമായി ബന്ധപ്പെട്ട മനോഹരമായൊരു റീലാണ് ഇപ്പോൾ ശ്രദ്ധ നേടുന്നത്.

View this post on Instagram

A post shared by Asianet (@asianet)

ബിഗ് ബോസ് മലയാളം ഏഴാം സീസണിന്റെ പ്രൊമോഷനുമായി ബന്ധപ്പെട്ട് പകർത്തിയതാണ് ഈ റീൽ. മുന്തിരിത്തോട്ടങ്ങളെ ഓർമിപ്പിക്കുന്ന മനോഹരമായ എംബ്രോയിഡറി ചെയ്ത ഒരു ഷർട്ടാണ് റീലിൽ മോഹൻലാൽ അണിയുന്നത്. 

"40 വർഷങ്ങൾ. ഞാനും പപ്പേട്ടനും രണ്ടാമതായി ഒന്നിച്ച ചിത്രം. 1986. മൈസൂർ. നല്ല തണുപ്പ്. ടാങ്കർലോറി," ചിത്രത്തിന്റെ ഓർമകൾ പങ്കിടുകയാണ് മോഹൻലാൽ. ശേഷം ഏവരും ഇന്നും മനസ്സിലേറ്റുന്ന ആ ഐക്കോണിക് ഡയലോഗ് പറയുന്നതും വീഡിയോയിൽ കാണാം.  എന്തായാലും വീഡിയോ ഇതിനകം തന്നെ വൈറലായി കഴിഞ്ഞു. 

Also Read:  ഇതാണ് ആ നായികയും നായകനും; ചിത്രവുമായി മമ്മൂട്ടി