ഇതാണ് ആ നായികയും നായകനും; ചിത്രവുമായി മമ്മൂട്ടി

കഴിഞ്ഞ ദിവസം മമ്മൂട്ടി കമ്പനി പുറത്തുവിട്ട ആരോ  എന്ന ഹ്രസ്വചിത്രത്തിന്റെ പോസ്റ്റർ വലിയ രീതിയിൽ ശ്രദ്ധിക്കപ്പെട്ടിരുന്നു.  വാതിലിനരികിൽ കയ്യിലൊരു കട്ടനും ബീഡിയുമായി വിദൂരതയിലേക്ക് നോക്കി നിൽക്കുന്ന നായകനും അരികിലേക്ക് നടന്നടുക്കുന്ന നായികയുമായിരുന്നു പോസ്റ്ററിൽ ഉണ്ടായിരുന്നത്.  ഇപ്പോഴിതാ, ആ നായികയും നായകനും മമ്മൂട്ടിയ്ക്ക് ഒപ്പം നിൽക്കുന്ന ചിത്രമാണ് ശ്രദ്ധ കവരുന്നത്. 

Also Read: പിറന്നാളിനൊപ്പം ആ ചുണക്കുട്ടി പെൺകുട്ടികളുടെ വിജയവും ആഘോഷിച്ച് ചാക്കോച്ചൻ; നിങ്ങള് മാസ്സാണെന്ന് ആരാധകർ

മമ്മൂട്ടി കമ്പനിയുടെ പുതിയ പ്രൊജക്റ്റാണ് ആരോ എന്നു പേരിട്ടിരിക്കുന്ന ഈ ഷോർട്ട് ഫിലിം. സംവിധായകൻ രഞ്ജിത്ത് ആദ്യമായി സംവിധാനം ചെയ്യുന്ന ഹ്രസ്വ ചിത്രം, മമ്മൂട്ടി കമ്പനി ആദ്യമായി നിർമ്മിക്കുന്ന  ഹ്രസ്വചിത്രം തുടങ്ങിയ പ്രത്യേകതകളും ഈ ചിത്രത്തിനുണ്ട്. ശ്യാമപ്രസാദും മഞ്ജുവാര്യരുമാണ് ഈ ഹ്രസ്വചിത്രത്തിലെ പ്രധാന അഭിനേതാക്കൾ. അസീസ് നെടുമങ്ങാടും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.  

Also Read: ബിഗ് ബോസിൽ നിന്നും സിനിമയിലേക്ക്, ഇപ്പോഴിതാ സ്വപ്നവാഹനവും സ്വന്തമാക്കി; സന്തോഷം പങ്കിട്ട് ദിൽഷ

കഴിഞ്ഞ ദിവസം ചിത്രത്തിന്റെ പ്രിവ്യൂ ഷോ നടന്നിരുന്നു. ഷോ കാണാൻ മമ്മൂട്ടിയും മഞ്ജു വാര്യരും ശ്യാമപ്രസാദും രഞ്ജിത്തും ജോർജുമെല്ലാം എത്തിയിരുന്നു. പ്രിവ്യൂ ഷോയ്ക്ക് ശേഷമെടുത്ത ചിത്രം പങ്കിട്ടിരിക്കുകയാണ് മെഗാസ്റ്റാർ.

Also Read: 'ഹാപ്പി ബർത്ത്ഡേ അളിയാ', ഷാരൂഖിന് ആശംസയുമായി ഷറഫുദീൻ; 'റേഷൻ കട മറന്ന് മണ്ണെണ്ണ വാങ്ങണോ?' എന്ന് ആരാധകൻ

മമ്മൂട്ടിയെ നായകനാക്കി നിരവധി ഹിറ്റ് ചിത്രങ്ങൾ ഒരുക്കിയ സംവിധായകനാണ് രഞ്ജിത്ത്. കൈ​യൊ​പ്പ് ,​ ​പ്രാ​ഞ്ചി​യേ​ട്ട​ൻ​ ​ആ​ന്റ് ​ദ​ ​സെ​യ്ന്റ് ,​ ​ബ്ളാ​ക്ക്,​ ​പ്ര​ജാ​പ​തി,​ ​പു​ത്ത​ൻ​പ​ണം,​ ​ക​ട​ൽ​ ​ക​ട​ന്നൊ​രു​ ​മാ​ത്തു​ക്കു​ട്ടി​ ,​ ​പാ​ലേ​രി​ ​മാ​ണി​ക്യം​ ​എ​ന്നിവയെല്ലാം ഇതിൽ ശ്രദ്ധേയം. മമ്മൂട്ടി നായകനായ കടുഗണ്ണാവ ഒരു യാത്രക്കുറിപ്പ് ആണ് രഞ്ജിത്തിന്റെ സംവിധാനത്തിൽ അവസാനം പുറത്തിറങ്ങിയ ചിത്രം. എം.ടിയുടെ ചെറുകഥകളെ ആസ്പദമാക്കി ഒരുക്കിയ മനോരഥങ്ങൾ ആന്തോളജിയിലെ ചെറുചിത്രം ആണിത്.

Also Read: മമ്മൂട്ടി കമ്പനിയുടെ പുതിയ പടം; ആ നടന്നുവരുന്ന നായികയെ മനസ്സിലായോ?