ജവാനു കൈകൊടുക്കാൻ കാരണം ഷാരൂഖിനോടുള്ള ആരാധന: നയൻതാര

തെന്നിന്ത്യൻ സിനിമയിലെ സൂപ്പർസ്റ്റാറായ നയൻതാര, 2023 ലെ ബ്ലോക്ക്ബസ്റ്റർ ഹിറ്റായ ജവാനിൽ ഷാരൂഖ് ഖാനൊപ്പം അഭിനയിച്ചുകൊണ്ട് ബോളിവുഡിലും അരങ്ങേറ്റം കുറിച്ചു. അടുത്തിടെ നൽകിയ ഒരു അഭിമുഖത്തിൽ, ഹിന്ദി സിനിമയിലേക്ക് കടക്കാനുള്ള ശരിയായ അവസരത്തിനായി താൻ കാത്തിരിക്കുകയായിരുന്നുവെന്നും ജവാൻ തികച്ചും അനുയോജ്യമാണെന്ന് തോന്നിയതിനാലാണ് സ്വീകരിച്ചതെന്നും തുറന്നു പറഞ്ഞു. ബോളിവുഡ് ബാദുഷയുടെ വലിയൊരു ആരാധികയാണ് താനെന്നും,  ഷാരൂഖിനൊപ്പം പ്രവർത്തിക്കാനുള്ള അവസരം തന്നെയായിരുന്നു ജവാനിലേക്ക് തന്നെ ആകർഷിച്ചതെന്നുമാണ് നയൻതാര പറഞ്ഞത്. 

“ആരാണ് ഷാരൂഖിന്റെ ആരാധകരല്ലാത്തത്? നാമെല്ലാവരും അദ്ദേഹത്തിൻ്റെ സിനിമകൾ കണ്ടു വളർന്നവരാണ്, നമുക്കെല്ലാവർക്കും അവ ഇഷ്ടമാണ്. അദ്ദേഹം വലിയൊരു താരമെന്നതിലുപരി, സ്ത്രീകളെ വളരെയധികം ബഹുമാനിക്കുന്ന ഒരു വ്യക്തിയാണെന്ന വസ്തുതയെ ഞാൻ ശരിക്കും അഭിനന്ദിക്കുന്നു," നയൻതാരയുടെ വാക്കുകളിങ്ങനെ. 

ലോകമെമ്പാടുമായി 1,148 കോടി രൂപ നേടിയ ജവാൻ 2023ലെ ഏറ്റവും കൂടുതൽ കളക്ഷൻ നേടിയ ചിത്രമായി മാറിയിരുന്നു.
 
അന്നപൂരണി: ദ ഗോഡസ് ഓഫ് ഫുഡ് ആണ് ഒടുവിൽ റിലീസിനെത്തിയ നയൻതാര ചിത്രം. എന്നാൽ ചിത്രം പിന്നീട് നെറ്റ്ഫ്ളിക്സിൽ സ്ട്രീം ചെയ്തതിനു പിന്നാലെ  ചിത്രം വിവാദങ്ങൾ നേരിട്ടു. ഹിന്ദു വികാരങ്ങളെ വ്രണപ്പെടുത്തുന്നു എന്ന ആരോപണത്തെത്തുടർന്ന് നെറ്റ്ഫ്ളിക്സ് ചിത്രം നീക്കം ചെയ്തു.

ടെസ്റ്റ്, മണ്ണങ്ങാട്ടി സിൻസ് 1960 എന്നിവയുൾപ്പെടെ നിരവധി പ്രൊജക്റ്റുകൾ നയൻതാരയുടേതായി അണിയറയിൽ ഒരുങ്ങുന്നുണ്ട്. യൂട്യൂബർ ഡ്യൂഡ് വിക്കി സംവിധാനം ചെയ്ത മണ്ണങ്ങാട്ടിയിൽ യോഗി ബാബു, ദേവദർശിനി, ഗൗരി കിഷൻ, നരേന്ദ്ര പ്രസാത്, തുടങ്ങിയവർ ഉൾപ്പെടുന്ന ഒരു മികച്ച താരനിരയുണ്ട്. 

Read More Entertainment Stories Here

• അച്ഛനേക്കാളും പത്തിരട്ടി വരുമാനം; അഹാനയുടെയും അനിയത്തിമാരുടെയും വരുമാന കണക്കുകളിങ്ങനെ
• ഒന്നിനു പിറകെ ഒന്നായി പൊട്ടിയത് 66 തമിഴ് സിനിമകൾ; തിയേറ്ററുകൾക്ക് ആശ്വാസമായി മലയാള ചിത്രങ്ങൾ
• കൊറിയയിലെ 'ലാലേട്ടൻ' വിവാഹിതനാകുന്നു
• ഐസ്ക്രീം നുണഞ്ഞ്, കൊച്ചിയിൽ കറങ്ങി നയൻതാര; വീഡിയോ
• സ്വപ്ന സാക്ഷാത്കാരം; പുതിയ ഓഫീസ് കെട്ടിടത്തിന്റെ ചിത്രങ്ങളുമായി നയൻതാര
• ഇതാണ് ആ രണ്ടുവരി പാട്ട്; അമ്മയ്ക്കൊപ്പം ഗംഭീര പ്രകടനവുമായി ഇന്ദ്രജിത്ത്