ഇതാണ് ആ രണ്ടുവരി പാട്ട്; അമ്മയ്ക്കൊപ്പം ഗംഭീര പ്രകടനവുമായി ഇന്ദ്രജിത്ത്

നടൻ സുകുമാരന്റെ കുടുംബം എന്നും മലയാ​ളികൾക്ക് പ്രിയപ്പെട്ടതാണ്. ആദ്യകാല സിനിമകളിൽ അതുല്യ പ്രകടനം കാഴ്ചവച്ച സുകുമാരന്റെ വിയോഗത്തിന് ശേഷം മക്കളായ ഇന്ദ്രജിത്തിനെയും പൃഥ്വിരാജിനെയും മലയാളികൾ ഏറ്റെടുത്തു. ഇരുവരുടെയും അമ്മ മല്ലികയും മലയാള സിനിമയിൽ സജീവ സാനിധ്യമാണ്. ഇന്ദ്രജിത്ത് വിവാഹം കഴിച്ചതും നടിയായ പൂർണ്ണിമയെയാണ്. മലയാളം സിനിമയിൽ ഇത്ര സജീവമായി നിൽക്കുന്ന മറ്റൊരു താരകുടുംബം ഉണ്ടോ എന്നകാര്യം സംശയമാണ്. അതുകൊണ്ടുതന്നെ സുകുമാരന്റെ കുടുംബത്തിലെ ചെറിയ വിശേഷങ്ങൾപോലും ചലച്ചിത്ര പ്രേമികൾക്കിടയിൽ വാർത്തയാകാറുണ്ട്. . 

ഇന്ദ്രജിത്തും അമ്മ മല്ലികയും വേദിയിൽ ഗാനം ആലപിക്കുന്ന ഒരു പഴയ വീഡിയോയാണ് ഇപ്പോൾ വീണ്ടും സോഷ്യൽ മീഡിയയിൽ വൈറലാകുന്നത്. കൈരളി ടിവി സംഘടിപ്പിച്ച ഒരു പരിപാടിയിൽ നിന്നുള്ള വീഡിയോയാണ് വീണ്ടും പ്രചരിക്കുന്നത്. 

1992ൽ പുറത്തിറങ്ങിയ 'അദ്വൈതം' എന്ന ചിത്രത്തിലെ, എംജി ശ്രീകുമാറും, കെഎസ് ചിത്രയും പാടിയ "അമ്പലപ്പുഴ ഉണ്ണിക്കണ്ണനോട്" എന്നുതടുങ്ങുന്ന ഗാനമാണ് ഇരുവരും ആലപിക്കുന്നത്.

കഴിഞ്ഞ വർഷം പുറത്തിറങ്ങിയ തുറമുഖം, കുഞ്ഞമ്മിണീസ് ഹോസ്പിറ്റൽ തുടങ്ങിയ ചിത്രങ്ങളിലാണ് ഇന്ദ്രജിത്ത് അവസാനമായി അഭിനയിച്ചത്. പൃഥ്വിരാജ് സംവിധാനം ചെയ്യുന്ന എമ്പുരാനാണ് ഇന്ദ്രജിത്തിന്റെ പുറത്തിറങ്ങാനിരിക്കുന്ന ചിത്രം. എമ്പുരാന്റെ ആദ്യഭാഗമായ ലൂസിഫറിലെ ഇന്ദ്രജിത്തിന്റെ 'ഗോവർദൻ'​ എന്ന കഥാപാത്രം ശ്രദ്ധനേടിയിരുന്നു. . 

അതേസമയം, കഴിഞ്ഞ വർഷം പുറത്തിറങ്ങിയ ക്വീൻ എലിസമ്പത്ത്, ഓ സിൻഡ്രല്ല തുടങ്ങിയ ചിത്രങ്ങളിലാണ് മല്ലിക സുകുമാരൻ അവസാനമായി പ്രത്യക്ഷപ്പെട്ടത്. 2022ൽ പുറത്തിറങ്ങിയ മഹാവീര്യർ, പൃഥ്വിരാജ് സംവിധാനം ചെയ്ത ബ്രോ ഡാഡി തുടങ്ങിയ ചിത്രങ്ങളിലെ കഥാപാത്രങ്ങൾ ശ്രദ്ധനേടിയിരുന്നു..

Read More Entertainment Stories Here

• പ്രചോദനമായത് ക്രിസ്റ്റ്യൻ ബെയിൽ; ഞെട്ടിക്കുന്ന ട്രാൻസ്ഫർമേഷൻ ചിത്രങ്ങൾ പങ്കുവച്ച് ഗോകുൽ
• ഞങ്ങൾ പ്രണയത്തിലാകാൻ കാരണം ആ തമിഴ് നടൻ; വെളിപ്പെടുത്തി നയൻതാരയും വിഘ്നേഷും
• വാടക കൊടുക്കാൻ ആളില്ല; കുടുംബത്തിൻ്റെ ഏക ആശ്രയം ഞാനാണ്: നോറ ഫത്തേഹി
• നിന്നെ കാവിലെ പാട്ട് മത്സരത്തിന് കണ്ടോളാം; ധ്യാനിനോട് ബേസിൽ, ഇടയിൽ കുത്തിത്തിരിപ്പുമായി അജു
• ഐസ്ക്രീം നുണഞ്ഞ്, കൊച്ചിയിൽ കറങ്ങി നയൻതാര; വീഡിയോ
• സുപ്രിയ അല്ലേ ആ സ്കൂട്ടറിൽ പോയത്?; വൈറലായി വീഡിയോ
• അന്നൊരു മലയാളി പെൺകുട്ടി തന്നെ ഞെട്ടിച്ചെന്ന് അക്ഷയ് കുമാർ, അതു ഞാനെന്ന് സുരഭി