അന്നൊരു മലയാളി പെൺകുട്ടി തന്നെ ഞെട്ടിച്ചെന്ന് അക്ഷയ് കുമാർ, അതു ഞാനെന്ന്  സുരഭി

2017ലെ ദേശീയ പുരസ്കാര ചടങ്ങിനിടെ തന്നെ അമ്പരപ്പിച്ച ഒരു മലയാള നടിയെ കുറിച്ച് അക്ഷയ് കുമാർ സംസാരിക്കുന്ന ഒരു വീഡിയോ ആണ് ഇപ്പോൾ ശ്രദ്ധ നേടുന്നത്.

 'ദേശീയ പുരസ്കാരദാന ചടങ്ങിനിടെ എന്റെ അടുത്ത് ഒരു പെൺകുട്ടി വന്നിരുന്നു. ഞാൻ മലയാള സിനിമയിലെ ഒരു നടി ആണെന്ന് ആ പെൺകുട്ടി പറഞ്ഞു. അങ്ങയുടെ വലിയൊരു ഫാനാണ് ഞാൻ. മികച്ച നടനുള്ള ദേശീയ പുരസ്‌കാരം ലഭിച്ചതിൽ സന്തോഷത്തോടെയും അഭിമാനത്തോടെയും ഇരിക്കുന്ന എന്നോട് അവർ ചോദിച്ചു, "സാർ എത്ര സിനിമ ചെയ്‌തിട്ടുണ്ട്?’’ 135 സിനിമയോളം എന്നു ഞാൻ പറഞ്ഞു. "നിങ്ങൾ എത്ര എത്ര സിനിമകൾ ചെയ്തിട്ടുണ്ട്?’’  ഞാൻ തിരിച്ചുചോദിച്ചു. ആ പെൺകുട്ടി പറഞ്ഞതുകേട്ട് ഞാൻ ഞെട്ടി. സാർ ഇതെന്റെ ആദ്യ സിനിമ ആണെന്നായിരുന്നു അവർ പറഞ്ഞത്. ആദ്യ സിനിമയിൽ തന്നെ ദേശീയ പുരസ്‌കാരം വാങ്ങാൻ എത്തിയിരിക്കുന്ന ആ പെൺകുട്ടിയോട് 135–ാമത്തെ സിനിമയ്ക്ക് പുരസ്‌കാരം വാങ്ങാൻ വന്നിരിക്കുന്ന ഞാൻ എന്താണ് മറുപടി പറയേണ്ടത്?,’’ വീഡിയോയിൽ അക്ഷയ് കുമാർ പറഞ്ഞതിങ്ങനെ.

View this post on Instagram

A post shared by Viral Podcasts (@player_talks)

ആ വീഡിയോയ്ക്ക് താഴെ അക്ഷയ് കുമാറിനെ ഞെട്ടിച്ച ആ മലയാളി പെൺകുട്ടിയും കമന്റുമായി എത്തിയിട്ടുണ്ട്. മറ്റാരുമല്ല, മലയാളികളുടെ പ്രിയപ്പെട്ട സുരഭി ലക്ഷ്മിയാണ് ആ പെൺകുട്ടി.

 ‘‘അദ്ദേഹത്തിന്റെ വാക്കുകൾ എനിക്കെത്ര സന്തോഷം നൽകുന്നുവെന്ന് പറഞ്ഞറിയിക്കാൻ കഴിയില്ല. അദ്ദേഹം ഇപ്പോഴും ആ സംഭാഷണം ഓർത്തിരിക്കുന്നു എന്നറിഞ്ഞതിൽ സന്തോഷമുണ്ട്. ആ വാക്കുകൾ ഒരു ബഹുമതിയായി ഞാൻ കാണുന്നു. എനിക്കേറെ പ്രിയപ്പെട്ട നടനുമായി കുറച്ചുസമയം പങ്കുവയ്ക്കാൻ എനിക്ക് ലഭിച്ച ഒരു പ്രത്യേക നിമിഷമായിരുന്നു അത്. ഞാൻ ആദ്യമായി നായികയായി അഭിനയിച്ച സിനിമയായിരുന്നു മിന്നാമിനുങ്ങ്. അദ്ദേഹം ഇപ്പോഴും എന്നെ ഓർക്കുന്നു എന്നറിഞ്ഞതിൽ സന്തോഷം,’’ എന്നാണ് സുരഭി കുറിച്ചത്.

മിന്നാമിനുങ്ങിലൂടെ സുരഭി ദേശീയ പുരസ്കാരം നേടിയപ്പോൾ റുസ്തം എന്ന ചിത്രമായിരുന്നു അക്ഷയ് കുമാറിനെ പുരസ്കാരത്തിനു അർഹനാക്കിയത്. 

Read More Entertainment Stories Here

• ഷൂട്ടിങ്ങിനിടെ അജിത് കുമാർ ഓടിച്ച കാർ തലകീഴായി മറിഞ്ഞു; നടുക്കുന്ന ദൃശ്യങ്ങൾ പുറത്ത്ഷൂട്ടിങ്ങിനിടെ അജിത് കുമാർ ഓടിച്ച കാർ തലകീഴായി മറിഞ്ഞു; നടുക്കുന്ന ദൃശ്യങ്ങൾ പുറത്ത്
• വളർത്തുനായയ്ക്ക് പേര് കോഫി മേനോൻ; ഐശ്വര്യ മേനോനെ ട്രോളി സോഷ്യൽ മീഡിയ
• നിരന്തരം ക്ലാസ് കട്ട് ചെയ്യും, പഠിക്കില്ല, കളിപ്പാട്ടങ്ങൾ കേടാക്കും; ടീച്ചർമാർക്ക് തലവേദനയായിരുന്ന കുട്ടി
• മമ്മൂട്ടിയുടെ മകളായും കാമുകിയായും അമ്മയായും അഭിനയിച്ച നടിയാണിത്; ആളെ മനസ്സിലായോ?