'എന്നെന്നും നിന്റേത്,' സുചിത്രയ്ക്ക് വിവാഹ വാർഷികം ആശംസിച്ച് മോഹൻലാൽ

Mohanlal and Suchitra Mohanlal 37th Wedding Anniversary: സുചിത്രയ്ക്ക് വിവാഹ വാർഷികം ആശംസിച്ച് മലയാളികളുടെ പ്രിയ താരം മോഹൻലാൽ. ആശംസകൾക്കൊപ്പം മോഹൻലാൽ പങ്കുവച്ച ഇരുവരുടെയും ചിത്രവും സോഷ്യൽ മീഡിയയിൽ ശ്രദ്ധനേടുകയാണ്. 37-ാം വിവാഹ വാര്‍ഷികമാണ് ഇരുവരും ആഘോഷിക്കുന്നത്.

'പ്രിയപ്പെട്ട സുചി, വിവാഹ വാര്‍ഷിക ആശംസകള്‍. എന്നെന്നും നന്ദിയോടെ, എന്നെന്നും നിന്റേത്' എന്ന കുറിപ്പോടെയാണ് മോഹൻലാൽ ആശംസ നേർന്നത്. സുചിത്രയ്ക്ക് ചുംബനം നൽകുന്ന ചിത്രമാണ് താരം പങ്കുവച്ചത്. ചലച്ചിത്ര താരങ്ങളടക്കം നിരവധി പേർ കമന്റിൽ ആശംസ പങ്കുവച്ചിട്ടുണ്ട്.

View this post on Instagram

A post shared by Mohanlal (@mohanlal)

1988 ഏപ്രിൽ 28നാണ് മോഹൻലാലും സുചിത്രയും വിവാഹിതരായത്. തമിഴ് സിനിമ നിർമാതാവ് കെ. ബാലാജിയുടെ മകളാണ് സുചിത്ര. നടൻ പ്രണവ് മോഹൻലാലും വിസ്മയ മോഹൻലാലുമാണ് ഇവരുടെയും മക്കൾ.

ജാതകം ചേരില്ലെന്ന കാരണത്താൽ ആദ്യം വേണ്ടെന്നു വച്ച കല്യാണാലോചന രണ്ടു വർഷങ്ങൾക്കു ശേഷം വീണ്ടും നിയോഗം പോലെ വീട്ടുകാർ നടത്തികൊടുക്കുകയായിരുന്നു. വീട്ടുകാർ പറഞ്ഞുറപ്പിച്ച വിവാഹമായിരുന്നെങ്കിലും വിവാഹത്തിനു മുൻപേ സുചിത്ര മോഹൻലാലിന്റെ ആരാധികയായിരുന്നുവെന്ന കാര്യം ഒരിക്കൽ സുചിത്രയുടെ സഹോദരൻ സുരേഷ് ബാലാജി തന്നെ വെളിപ്പെടുത്തിയിരുന്നു.

അതേസമയം, മോഹൻലാലിനെ നായകനാക്കി തരുൺ മൂർത്തി സംവിധാനം ചെയ്ത 'തുടരും' എന്ന ചിത്രം ഗംഭീര പ്രതികരണവുമായി പ്രദർശനം തുടരുകയാണ്. ഷൺമുഖൻ എന്ന ടാക്സി ഡ്രൈവറുടെ കഥാപാത്രമായെത്തിയ മോഹൻലാലിനെ ഇരുകൈകളും നീട്ടിയാണ് ആരാധകർ ഏറ്റെടുത്തിരിക്കുന്നത്. 

Read More

• Thudarum Box Office Collection: ബോക്സ് ഓഫീസിലും ഒരേയൊരു രാജാവ്; കുതിപ്പ് 'തുടരു'ന്നു
• ഏപ്രിലിൽ ഒടിടിയിൽ എത്തിയ 21 മലയാള ചിത്രങ്ങൾ
• 'ഇൻഡസ്ട്രിയെ മുഴുവൻ സംശയത്തിന്റെ മുനയിൽ നിർത്തുന്ന പ്രവൃത്തി, അഗ്നി ശുദ്ധി വരുത്തി മുന്നോട്ട് പോകും:' അഭിലാഷ് പിള്ള
• Hybrid Ganja Case: ഹൈബ്രിഡ് കഞ്ചാവ് കേസ്; സംവിധായകരെ ഫെഫ്ക സസ്‌പെൻഡ് ചെയ്തു; സമീർ താഹിറിനെ എക്‌സൈസ് ചോദ്യം ചെയ്യും
• "ശക്തമായി പ്രതികരിക്കാന്‍ തീരുമാനിച്ചു;" വ്യാജ പ്രചരണങ്ങൾക്കെതിരെ നടി പ്രയാഗ മാർട്ടിൻ
• കിമോണോ സുന്ദരികൾ ജപ്പാനിൽ; ചിത്രങ്ങളുമായി അഹാന കൃഷ്ണ
• സാമൂഹ്യ മാധ്യമങ്ങളിലൂടെ അശ്ലീല പരാമർശം; നടിമാരുടെ പരാതിയിൽ 'ആറാട്ടണ്ണൻ' കസ്റ്റഡിയിൽ