Rekhachithram & Marco OTT: മാർക്കോയും രേഖാചിത്രവും ഒടിടിയില്‍ എവിടെ കാണാം?

Marco & Rekhachithram OTT Release Date & Platform: തിയേറ്ററിൽ സൂപ്പർഹിറ്റായി ഓടികൊണ്ടിരിക്കുകയാണ് ഉണ്ണിമുകുന്ദൻ ചിത്രം മാർക്കോയും ആസിഫ് അലി- അനശ്വര രാജൻ ചിത്രം രേഖാചിത്രവും. ഡിസംബർ 20നാണ് മാർക്കോ തിയേറ്ററിൽ എത്തിയത്. ജനുവരി ഒമ്പതിന് രേഖാചിത്രവും റിലീസിനെത്തി. മാർക്കോ നൂറു കോടി ക്ലബ്ബിൽ കയറിയപ്പോൾ 75 കോടിയിലേറെയാണ് രേഖാചിത്രം ബോക്സ് ഓഫീസിൽ നിന്നും കളക്റ്റ് ചെയ്തത്. 

ഇരുചിത്രങ്ങളുടെയും ഒടിടി റിലീസിനു വേണ്ടിയാണ് പ്രേക്ഷകർ ഇപ്പോൾ ഉറ്റുനോക്കുന്നത്. മാർക്കോയുടെ ഒടിടി റിലീസ് തീയതി അണിയറപ്രവർത്തകർ ഇതിനകം തന്നെ പ്രഖ്യാപിച്ചു കഴിഞ്ഞു. രേഖാചിത്രത്തിന്റെ ഒടിടി റിലീസുമായി ബന്ധപ്പെട്ടും ചില അപ്ഡേറ്റുകളുണ്ട്. 

Marco OTT: മാർക്കോ ഒടിടിയിലേക്ക്

ഹനീഫ് അദേനി- ഉണ്ണി മുകുന്ദന്‍ കൂട്ടുക്കെട്ടില്‍ പിറന്ന ചിത്രമാണ് 'മാര്‍ക്കോ'. മലയാളത്തിനപ്പുറത്ത്, മറ്റു ഇൻഡസ്ട്രികളിലും ഹിറ്റാണ് മാർക്കോ. മലയാളത്തിലെ ഏറ്റവും വയലൻസ് നിറഞ്ഞ പടം എന്ന വിശേഷണത്തോടെയാണ് മാർക്കോ തിയേറ്ററുകളിലെത്തിയത്. ഉണ്ണി മുകുന്ദനൊപ്പം സിദ്ദിഖ്, ജഗദീഷ്, ആന്‍സണ്‍ പോള്‍, കബീര്‍ ദുഹാന്‍സിങ്, അഭിമന്യു തിലകന്‍, യുക്തി തരേജ തുടങ്ങിയവരും മാർക്കോയിൽ അഭിനയിച്ചിട്ടുണ്ട്.

ക്യൂബ്സ് എന്റർടെയ്ൻമെന്റ്‌സിന്റെ ബാനറിൽ ഷെരീഫ് മുഹമ്മദാണ് മാർക്കോ നിർമ്മിച്ചിരിക്കുന്നത്. സോണി ലിവിലൂടെ ആണ് മാര്‍ക്കോ ഒടിടിയില്‍ എത്തുന്നത്. ഫെബ്രുവരി 14ന് സോണി ലിവിൽ മാർക്കോ സ്ട്രീമിങ് ആരംഭിക്കും.

തിയേറ്റർ റിലീസിനു മുന്നോടിയായി സെൻസർ ബോർഡ് ഡിലീറ്റ് ചെയ്തു മാറ്റിയ സീനുകൾ കൂടി ഉള്‍പ്പെടുത്തിയാവും മാർക്കോ ഒടിടിയില്‍ എത്തുക എന്നാണ് റിപ്പോർട്ട്. മലയാളം, തമിഴ്, കന്നഡ, തെലുഗ്, ഹിന്ദി ഭാഷകളിലും മാർക്കോ ലഭ്യമാവും. 

Rekhachithram OTT: രേഖാചിത്രം ഒടിടിയിലേക്ക്

രാമു സുനിലിന്റെ കഥയ്ക്ക് രാമു സുനിലും ജോൺ മന്ത്രിക്കലും ചേർന്ന് തിരക്കഥയൊരുക്കിയ രേഖാചിത്രത്തിൽ ആസിഫ്, അനശ്വര എന്നിവരെ കൂടാതെ മനോജ് കെ ജയൻ, ഇന്ദ്രൻസ്, ഹരിശ്രീ അശോകൻ, ഭാമ അരുൺ, ജഗദീഷ്, സായികുമാർ, നിഷാന്ത് സാഗർ, പ്രേംപ്രകാശ്, സുധി കോപ്പ, മേഘ തോമസ്, സെറിൻ ശിഹാബ് തുടങ്ങി വലിയൊരു താരനിര തന്നെയുണ്ട്. കാവ്യ ഫിലിം കമ്പനിയും ആൻ മെഗാ മീഡിയയും ചേർന്നാണ് ചിത്രം നിർമിച്ചിരിക്കുന്നത്. 

സോണിലിവാണ് രേഖാചിത്രത്തിന്റെ ഡിജിറ്റൽ റൈറ്റ്  സ്വന്തമാക്കിയത് എന്നാണ് റിപ്പോർട്ട്. ഫെബ്രുവരി അവസാനവാരമോ മാർച്ച് ആദ്യവാരമോ ആയി രേഖാചിത്രം ഒടിടിയിൽ പ്രതീക്ഷിക്കാം. രേഖാചിത്രത്തിന്റെ ഒടിടി റിലീസ് തീയതിയെ കുറിച്ച് ഇതുവരെ ഔദ്യോഗിക സ്ഥിരീകരണങ്ങളൊന്നും പുറത്തുവന്നിട്ടില്ല. 

Read Here

• ഇൻഞ്ചെക്ഷൻ പോലും ഓസിയ്ക്ക് പേടിയാണ്; ഗർഭിണിയാണെന്നു കേട്ടപ്പോൾ ആദ്യം ആക്സെപ്റ്റ് ചെയ്യാൻ ബുദ്ധിമുട്ടായിരുന്നു: അഹാന കൃഷ്ണ
• നിഖില വിമലിന്റെ സഹോദരി സന്യാസം സ്വീകരിച്ചു
• Marco OTT: മാര്‍ക്കോ ഒടിടിയിൽ എവിടെ കാണാം?
• New OTT Release This Week: ഈ ആഴ്ചയിൽ ഒടിടിയിൽ എത്തുന്ന ചിത്രങ്ങൾ
• Rekhachithram OTT: രേഖാചിത്രം ഒടിടിയില്‍ എവിടെ കാണാം? ആരാണ് സ്ട്രീമിംഗ് പാർട്ണർ?
• സ്വയം ട്രോളി ബേസിലും ടൊവിനോയും: ഇവരു രണ്ടും ചേർന്നാൽ സീനാണെന്ന് ആരാധകർ
• സാരിയിൽ തിളങ്ങി മീനാക്ഷി; എവിടെയോ ഒരു ദീപിക പദുകോൺ ലുക്കെന്ന് സോഷ്യൽ മീഡിയ
• ഇത് അൻപല്ല, മുറിവിൽ മുളകു തേക്കലാണ്