സൽമാൻ ഖാനെ കൊലപ്പെടുത്താൻ യൂട്യൂബ് വീഡിയോയിലൂടെ പദ്ധതി; യുവാവ് അറസ്റ്റിൽ

ബോളിവുഡ് താരം സൽമാൻ ഖാനെ കൊലപ്പെടുത്തുമെന്ന് യൂട്യൂബ് വീഡിയോയിൽ പരാമർശിച്ച യുവാവ് അറസ്റ്റിൽ. ബൻവാരിലാൽ ലതുർലാൽ ഗുജാർ എന്ന 25കാരനെയാണ് മുംബൈ പൊലീസ് കസ്റ്റഡിയിലെടുത്തത്. "Are Chhodo Yar" എന്ന ചാനലിലാണ് വീഡിയോ പങ്കുവച്ചത്.

വീഡിയോയിൽ ബിഷ്‌ണോയ് സംഘത്തെ കുറിച്ച് ചർച്ച ചെയ്യുകയും സൽമാൻ ഖാനെ കൊലപ്പെടുത്താനുള്ള പദ്ധതികൾ പരാമർശിക്കുകയും ചെയ്തതാണ് കേസെടുക്കാൻ കാരണം. ഇൻഫർമേഷൻ ടെക്നോളജി നിയമത്തിലെ വിവിധ വകുപ്പുകൾ പ്രകാരമാണ് കേസെടുത്തിരിക്കുന്നത്.

Mumbai Cyber Police registered an offence against an individual who, through a video on the YouTube channel “Are Chhodo Yar,” discussed the Bishnoi Gang and mentioned plans to kill actor Salman Khan.

Mumbai Crime Branch arrested the accused, Banwarilal Laturlal Gujar from Boarda… pic.twitter.com/x2aR7AKnkv

— ANI (@ANI) June 16, 2024

കേസിൻ്റെ ഗൗരവം കണക്കിലെടുത്ത് അന്വേഷണത്തിനായി ഒരു സംഘത്തെ രാജസ്ഥാനിലേക്ക് അയക്കുകയും, പ്രതിയെ പിടികൂടുകയും ചെയ്തതായി പൊലീസ് പറഞ്ഞു. മുംബൈയിലെ സൈബർ പൊലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്.

സൽമാൻ ഖാൻ്റെ ബാന്ദ്രയിലെ വീട്ടിലുണ്ടായ വെടിവെയ്പ്പുമായി ബന്ധപ്പെട്ട് സൽമാൻ ഖാനും സഹോദരൻ അർബാസ് ഖാനും മൊഴി നൽകിയതിന് തൊട്ടുപിന്നാലെയാണ് യുവാവിന്റെ വീഡിയോ പ്രത്യക്ഷപ്പെട്ടത്. ഏപ്രിൽ 14നാണ് സൽമാൻ ഖാൻ്റെ ഉടമസ്ഥതയിലുള്ള ഗാലക്‌സി അപ്പാർട്ട്‌മെൻ്റിന് പുറത്ത് വെടിവയ്പ്പ് നടന്നത്. സംഭവത്തെ തുടർന്ന് നടൻ്റെ സുരക്ഷ വർധിപ്പിക്കുകയും. പ്രതികളെ കസ്റ്റഡിയിലെടുക്കുകയും ചെയ്തിരുന്നു.

1998-ൽ രാജസ്ഥാനിൽ ഒരു സിനിമയുടെ ചിത്രീകരണത്തിനിടെ കൃഷ്ണമൃഗത്തെ വെടിവച്ചതിന് ശേഷം സൽമാൻ ഖാനെതിരെയുള്ള ഭീഷണി ബിഷ്ണോയി സംഘം തുടർന്നുവന്നിരുന്നു. ഇതിന്റെ തുടർക്കഥ പോലെയാണ് സൽമാന്റെ വീടിന് നേരെ വെടിവയ്പ്പുണ്ടായതെന്നാണ് റിപ്പോർട്ട്.

Read More

• 'ലോകത്തിലെ ബെസ്റ്റ് അപ്പ;' വീഡിയോ പങ്കുവച്ച് നയൻതാര
• ഈ ലുക്കിൽ വീഡിയോ പുറത്ത് വിട്ടതിന് വഴക്കുറപ്പാണ്; ഫാദേഴ്‌സ് ഡേ സ്‌പെഷ്യല്‍ പോസ്റ്റുമായി നവ്യ നായർ
• മമ്മൂട്ടി ആ നടനെ അനുകരിക്കുന്നതാണ് ഏറെ ഇഷ്ടപ്പെട്ടത്: വിജയ് സേതുപതി
• ഞാൻ ഭയങ്കര ടോക്സിക്കാണെന്ന് മനസിലാകുന്നത് എന്റെ പാർട്ണർ പറയുമ്പോഴാണ്: ഷൈൻ ടോം ചാക്കോ
• പടം പൊട്ടിയെന്ന് അറിഞ്ഞാൽ ചാക്കോച്ചൻ നേരെ അങ്ങോട്ട് പോകും: സുരാജ്
• ഉണ്ണി ആത്ര നല്ലവനായ ഉണ്ണിയല്ലല്ലോ ഉണ്ണിയേ... എന്തിനും തയ്യാറായി സുരാജും ബിജു മേനോനും; നടന്ന സംഭവം ട്രെയിലർ
• പത്ത് വർഷം കൊണ്ട് സ്റ്റെപ്പ് പഠിച്ചിട്ട് വരുമ്പോഴാണ് അവർ പാട്ട് മറ്റുന്നത്; വീഡിയോ പങ്കുവച്ച് അർച്ചന കവി
• നന്ദിയാൽ പാടുന്നു ദൈവമേ... ലൂർദ് മാതാവിന് മുന്നിൽ ഭക്തി​ഗാനം ആലപിച്ച് സുരേഷ് ഗോപി