എന്തെല്ലാം തരത്തിലുള്ള ചിരികളാ, ഇതൊക്കെ എങ്ങനെ സാധിക്കുന്നു; വൈറലായി വീഡിയോ

മമ്മൂട്ടിയെ കേന്ദ്രകഥാപാത്രമാക്കി രാഹുൽ സദാശിവൻ സംവിധാനം ചെയ്യുന്ന 'ഭ്രമയുഗം' ആണ് ഇപ്പോൾ എവിടെയും ചർച്ച. ചിത്രത്തിൽ മമ്മൂട്ടി അവതരിപ്പിക്കുന്ന കൊടുമൺ പോറ്റിയുടെ വെറ്റില്ലക്കറ പുരണ്ട പല്ലുകൾ കാട്ടിയുള്ള വന്യവും പൈശാചികവും നിഗൂഢവുമായ ആ ചിരിയും വലിയ രീതിയിൽ സമൂഹമാധ്യമങ്ങളിൽ ചർച്ചയാവുകയാണ്. 

അതിനൊപ്പം തന്നെ, മമ്മൂട്ടിയുടെ  പല തരം ചിരികൾ ഓർമ്മപ്പെടുത്തുന്ന ഒരു വീഡിയോയും വൈറലാവുന്നുണ്ട്.  മുന്നറിയിപ്പിലെ സി കെ രാഘവൻ, പാലേരിമാണിക്യത്തിലെ സാഹിബ്,  രാജമാണിക്യം, മതിലുകളിലെ ബഷീർ, മൃഗയയിലെ വാറുണ്ണി, തനിയാവർത്തനത്തിലെ ബാലൻ മാഷ്,  വടക്കൻ വീരഗാഥയിലെ ചന്തു, വിധേയനിലെ ഭാസ്കര പട്ടേലർ, അമരം, ഷൈലോക്ക്, പേരൻപ്, ഉണ്ട തുടങ്ങി മമ്മൂട്ടി അനശ്വരമാക്കിയ നിരവധി കഥാപാത്രങ്ങളുടെ വേറിട്ട ചിരികൾ മിന്നിമറഞ്ഞുപോവുകയാണ് വീഡിയോയിൽ.

View this post on Instagram

A post shared by IMDb india (@imdb_in)

നടന വിസ്മയം. ഇദ്ദേഹത്തിന് ഇതൊക്കെ എങ്ങനെ കഴിയുന്നു?, ചിരിക്കുന്നത് ഒരാളാണെങ്കിലും ചിരികൾ ഓരോന്നും വ്യത്യസ്തമാണ്, എന്തെല്ലാം തരത്തിലുള്ള ചിരികളാ... ഇങ്ങനെ പോവുന്നു ആരാധകരുടെ കമന്റുകൾ.

ബ്ലാക്ക് ആന്‍ഡ് വൈറ്റില്‍ ഒരുക്കിയ ഭ്രമയുഗം ഹൊറർ പശ്ചാത്തലത്തിലുള്ള ചിത്രമാണ്. ഇ നൈറ്റ് ഷിഫ്റ്റ് സ്റ്റുഡിയോസിന്‍റെ ബാനറില്‍ ചക്രവര്‍ത്തി രാമചന്ദ്രനും എസ് ശശികാന്തും ചേര്‍ന്നാണ് ഭ്രമയു​ഗം നിര്‍മ്മിച്ചിരിക്കുന്നത്.  പ്രമുഖ തമിഴ് സിനിമാ ബാനര്‍ വൈ നോട്ട് സ്റ്റുഡിയോസിന്‍റെ കീഴിലുള്ള മറ്റൊരു ബാനര്‍ ആണ് നൈറ്റ് ഷിഫ്റ്റ് സ്റ്റുഡിയോസ്. ഹൊറര്‍ ത്രില്ലര്‍ ചിത്രങ്ങള്‍ക്കു മാത്രമായുള്ള ബാനറാണിത്. അവരുടെ ആദ്യ പ്രൊഡക്‌ഷനാണ് ഭ്രമയുഗം. 

മമ്മൂട്ടിക്കൊപ്പം അര്‍ജുന്‍ അശോകന്‍, സിദ്ധാര്‍ത്ഥ് ഭരതന്‍, അമാര്‍ഡ ലിസ്,  മണികണ്ഠന്‍ ആചാരി എന്നിവരും ചിത്രത്തിലുണ്ട്. ടി ഡി രാമകൃഷ്ണൻ രചനയും സംഭാഷണവും നിർവ്വഹിച്ചിരിക്കുന്നു. മലയാളം, തമിഴ്, തെലുങ്ക്, കന്നഡ, ഹിന്ദി ഭാഷകളിലായി ‘ഭ്രമയുഗം’ റിലീസിനെത്തും. ഷെഹ്‌നാദ് ജലാൽ ഛായാഗ്രഹണവും ഷഫീഖ് മുഹമ്മദ് അലി എഡിറ്റിംഗും  ക്രിസ്റ്റോ സേവ്യർ സംഗീതവും നിർവ്വഹിക്കുന്നു.

Read More Entertainment Stories Here

• താണ്ഡവമാടി പോറ്റി, ധീരമായ പരീക്ഷണം: 'ഭ്രമയുഗം' റിവ്യൂ: Bhramayugam Movie Review
• അറിയാൻ പാടില്ലാഞ്ഞിട്ടു ചോദിക്കുവാ എന്താ വാപ്പച്ചിയുടെ ഉദ്ദേശം; ട്രോളുകളിൽ നിറയുന്ന ദുൽഖറും മമ്മൂട്ടിയും
• ചെക്കൻ പെണ്ണിനെ കണ്ടത് നിശ്ചയത്തിനു ശേഷം മാത്രം: ആ വിവാഹം നടന്നതിങ്ങനെ
• മലയാളികളുടെ സ്വപ്നസുന്ദരി; സഹോദരനൊപ്പം നിൽക്കുന്ന ഈ പെൺകുട്ടിയെ മനസ്സിലായോ?
• നിന്റെ ഹൃദയത്തോടും ആത്മാവിനോടും പ്രണയമാണ്'; കാൻസർ അതിജീവിതയായ ഭാര്യയെ പിന്തുണച്ച് നടൻ ആയുഷ്മാൻ ഖുറാന
• ശ്രീദേവിയോട് 'യെസ്' പറയിപ്പിക്കാൻ ബച്ചൻ ഇറക്കിയത് ഒരു ട്രക്ക് നിറയെ റോസാപൂക്കൾ