ഇത് കുഞ്ചാപ്പാ ഗോദനല്ലേന്ന് കുഞ്ഞ് തങ്കം; അങ്ങനെയെങ്കിൽ അങ്ങനെ എന്ന് ചാക്കോച്ചൻ

മലയാളികളുടെ പ്രിയപ്പെട്ട നടന്മാരിൽ ഒരാളാണ് കുഞ്ചാക്കോ ബോബൻ. കുഞ്ഞുകുട്ടികൾ മുതൽ മുതിർന്നവർ വരെ ചാക്കോച്ചൻ എന്ന് സ്നേഹത്തോടെ വിളിക്കുന്ന നടൻ. ഇപ്പോഴിതാ, ചാക്കോച്ചന് അൽപ്പം വെയ്റ്റുള്ള ഒരു പേരു കൂടി നൽകിയിരിക്കുകയാണ് ഒരു കുട്ടി ആരാധിക. സമൂഹമാധ്യമങ്ങളിൽ ഈ വീഡിയോ വൈറലാവുകയാണ്.

തങ്കം എന്നു വിളിക്കുന്ന മഴ മിത്രയെന്ന കൊച്ചുമിടുക്കിയാണ് ചാക്കോച്ചന്റെ പേര് ഒന്നു പരിഷ്കരിച്ചിരിക്കുന്നത്.  ചാക്കോച്ചന്റെ അഭിമുഖം ടിവിയിൽ കണ്ട് കുഞ്ഞു തങ്കത്തോട് അമ്മ ചോദിക്കുകയാണ് "തങ്കം ആരാ ഇത്?"

"ഭൂലോകം സൃഷ്ടിച്ച കർത്താവിനു സ്തുതി!" എന്ന 
 ചാക്കോച്ചന്റെ സമീപകാലത്ത് ഹിറ്റായ സ്തുതി പാട്ടു പാടി  ആളെ തനിക്കു മനസ്സിലായെന്ന് കുഞ്ഞു തങ്കം പറയുന്നു. 

 "ആൾടെ ശരിക്കുമുള്ള പേര് എന്താ?" എന്ന് അമ്മ വീണ്ടും തിരക്കുമ്പോഴാണ് തങ്കം ആ കടുക്കട്ടി പേരെടുത്ത് കാച്ചുന്നത്, "കുഞ്ചാപ്പാ ഗോദൻ!".

 ചാക്കോച്ചൻ ആരാധകർ ഞങ്ങളോട് ക്ഷമിക്കണം എന്ന അടിക്കുറിപ്പോടെയാണ് കുട്ടിയുടെ അമ്മ ഈ വീഡിയോ ഷെയർ ചെയ്തിരിക്കുന്നത്. 

View this post on Instagram

A post shared by SreeChithira Vividish (@sreechithira_maliyekkal)

കുട്ടിത്താരത്തിന്റെ വീഡിയോ കുഞ്ചാക്കോ ബോബനും ഇൻസ്റ്റഗ്രാം സ്റ്റോറിയിൽ ഷെയർ ചെയ്തിട്ടുണ്ട്. "അങ്ങനെയെങ്കിൽ അങ്ങനെ" എന്ന കമന്റോടെയാണ് ചാക്കോച്ചൻ ഈ വീഡിയോ ഷെയർ ചെയ്തത്.

രസകരമായ ധാരാളം കമന്റുകൾ വീഡിയോയ്ക്ക് താഴെ കാണാം. "കുഞ്ചപ്പാ ഗോതൻ എന്താ ഒരു വെയിറ്റ്," എന്നാണ് നടി സുരഭി ലക്ഷ്മിയുടെ കമന്റ്. 

"New Pronunciation Unlocked.  കുഞ്ചാപ്പ ഗോദൻ. ആ മോൾ ഇത്രയെങ്കിലും പറഞ്ഞല്ലോ. നമ്മളൊക്കെ 'കുഞ്ചാക്കോവൻ' എന്നാണ് പറഞ്ഞിരുന്നത് ചെറുപ്പത്തിൽ," 

"പടച്ചോനെ ഇതു കേട്ടതിൽ പിന്നെ മൂപ്പരുടെ ശരിക്കും ഉള്ള പേര് വായിൽ വരുന്നില്ലല്ലോ"

"എനിക്ക് വേണ്ടി കുഞ്ചാപ്പോ ഗോദയിൽ ഇറങ്ങും" 

"ഞാൻ കുഞ്ഞിൽ പറഞ്ഞത് കുഞ്ചാക്കോപ്പൻ എന്നായിരുന്നു" എന്നിങ്ങനെ പോവുന്നു കമന്റുകൾ. 

Read More

• നടി അഭിനയ വിവാഹിതയാകുന്നു; വിവാഹം ഏപ്രിലിൽ
• കാർത്തിക മുതൽ വിന്ദുജ വരെ; ഒത്തുകൂടി പ്രിയനായികമാർ
• Ponman & Oru Jaathi Jathakam OTT: പൊന്മാനും ഒരു ജാതി ജാതകവും എവിടെ കാണാം?
• Dragon OTT: ബോക്സ് ഓഫീസിൽ 127 കോടി; ഡ്രാഗൺ ഇനി ഒടിടിയിലേക്ക്
• Ponman OTT: പൊൻമാൻ ഒടിടിയിലേക്ക്; സ്ട്രീമിങ് തീയതി പുറത്ത്
• New OTT Release: ഈ ആഴ്ച ഒടിടിയിലെത്തിയ 9 മലയാളചിത്രങ്ങൾ
• കഷ്ടപ്പാടുകളിലേക്ക് ഭാഗ്യദേവതയായി അവൾ എത്തിയപ്പോൾ; മാറിമറിഞ്ഞത് ബാബുവിന്റെ ജീവിതം
• അപ്പന്റെ സ്വപ്നം സഫലമാക്കിയ മകൻ; അമ്മയുടെ കയ്യിലിരിക്കുന്ന ഈ കൊച്ചുമിടുക്കൻ മലയാളത്തിന്റെ പ്രിയനടനാണ്