Ponman & Oru Jaathi Jathakam OTT: പൊന്മാനും ഒരു ജാതി ജാതകവും എവിടെ കാണാം?

Ponman & Oru Jaathi Jathakam OTT Release Date & Platform:  ജനുവരിയിൽ തിയേറ്ററുകളിലെത്തിയ ചിത്രങ്ങളാണ് ബേസിൽ ജോസഫ്, സജിൻ ഗോപു, ലിജിമോൾ ജോസ് എന്നിവരെ കേന്ദ്രകഥാപാത്രങ്ങളാക്കി  ജ്യോതിഷ് ശങ്കർ സംവിധാനം ചെയ്ത  പൊന്മാനും വിനീത് ശ്രീനിവാസനെ പ്രധാന കഥാപാത്രമാക്കി എം.മോഹനൻ സംവിധാനം ചെയ്ത  ഒരു ജാതി ജാതകവും. ജനുവരി 30നാണ്  പൊന്മാൻ തിയേറ്ററിൽ എത്തിയത്. ജനുവരി 31ന് ഒരു ജാതി ജാതകവും  റിലീസിനെത്തി. ഇരുചിത്രങ്ങളുടെയും ഒടിടി റിലീസ് പ്രഖ്യാപിക്കപ്പെട്ടിരിക്കുകയാണ്. 

പൊന്മാൻ, ഒരു ജാതി ജാതകം എന്നിവ  എപ്പോൾ ഒടിടിയിലെത്തും? ഏതു ഒടിടി പ്ലാറ്റ്ഫോമിലാണ് സ്ട്രീം ചെയ്യുക എന്നുനോക്കാം.

Ponman OTT: പൊൻമാൻ ഒടിടി

ബേസിൽ ജോസഫ്, സജിൻ ഗോപു, ലിജിമോൾ ജോസ്, ആനന്ദ് മന്മഥൻ, ദീപക് പറമ്പോൾ, രാജേഷ് ശർമ്മ, സന്ധ്യ രാജേന്ദ്രൻ, ജയാ കുറുപ്പ്, റെജു ശിവദാസ് എന്നിവരാണ് പൊന്മാനിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. മികച്ച പ്രേക്ഷക- നിരൂപക പ്രശംസ നേടാനും ചിത്രത്തിനു സാധിച്ചിരുന്നു. 

ജ്യോതിഷ് ശങ്കർ സംവിധാനം ചെയ്ത ചിത്രത്തിനായി തിരക്കഥ എഴുതിയത് ജി. ആർ ഇന്ദു ഗോപനാണ്. ഇന്ദുഗോപന്റെ 'നാലഞ്ച് ചെറുപ്പക്കാർ' എന്ന നോവലിനെ ആസ്പദമാക്കിയാണ് പൊൻമാൻ ഒരുക്കിയിരിക്കുന്നത്. ജി. ആർ ഇന്ദുഗോപനും ജസ്റ്റിൻ മാത്യുവും ചേർന്നാണ് തിരക്കഥയും സംഭാഷണവും.

പ്രശസ്ത പ്രൊഡക്ഷൻ ഡിസൈനറായിരുന്ന ജോതിഷ് ശങ്കർ ആദ്യമായി സംവിധായകനയി അരങ്ങേറ്റം കുറിച്ച ചിത്രംകൂടിയാണ് പൊൻമാൻ. അജിത് വിനായക ഫിലിംസിന്റെ ബാനറിൽ വിനായക അജിതാണ് ചിത്രത്തിൽ നിർമ്മാണം. മാർച്ച് 14 മുതൽ ജിയോ ഹോട്ട്സ്റ്റാറിൽ ചിത്രം സ്ട്രീമിങ് ആരംഭിക്കും.

Oru Jaathi Jathakam OTT: ഒരു ജാതി ജാതകം ഒടിടി

വിനീത് ശ്രീനിവാസനെ കേന്ദ്രകഥാപാത്രമാക്കി എം.മോഹനൻ സംവിധാനം ചെയ്ത  'ഒരു ജാതി ജാതകം' ജനുവരിയിലാണ് തിയേറ്ററുകളിലെത്തിയത്. കോമഡിക്ക് പ്രാധാന്യം നൽകി ഒരുക്കിയിരിക്കുന്ന ചിത്രത്തിൽ, പെണ്ണ് അന്വേഷിച്ച് നടന്ന് കുഴയുന്ന ഒരു ചെറുപ്പക്കാരനെയാണ് വിനീത് ശ്രീനിവാസൻ അവതരിപ്പിക്കുന്നത്. നിഖില വിമൽ, യാദു, പ്രശസ്ത ഗായിക സയനോരാ ഫിലിപ്പ്, ഇന്ദു തമ്പി, ഹരിത, ചിപ്പി ദേവസ്സി, രജിത മധു, വര്‍ഷ തുടങ്ങി നിരവധി താരങ്ങൾ അണിനിരക്കുന്നു.

അരവിന്ദന്റെ അതിഥികള്‍ക്കു ശേഷം വിനീത് ശ്രീനിവാസനും എം.മോഹനനും ഒന്നിക്കുന്ന ചിത്രമാണിത്. ബാബു ആന്റണി, പി.പി.കുഞ്ഞിക്കണ്ണൻ, നിർമ്മൽ പാലാഴി, അമൽ താഹ, മുദുൽ നായർ എന്നിവരാണ് ചിത്രത്തിലെ മറ്റു അഭിനേതാക്കൾ.  രാകേഷ് മണ്ടോടിയുടേതാണ് തിരക്കഥ.  സംഗീതം ഗുണസുബ്രഹ്മണ്യം. വർണച്ചിത്രയുടെ ബാനറിൽ മഹാസുബൈർ ആണ് ചിത്രത്തിന്റെ നിർമാണം. ഛായാഗ്രഹണം വിശ്വജിത് ഒടുക്കത്തിൽ, എഡിറ്റിങ് രഞ്ജൻ ഏബ്രഹാം എന്നിവർ നിർവഹിക്കുന്നു.

മനോരമ മാക്സിലൂടെയാണ് ഒരു ജാതി ജാതകം ഒടിടിയിലെത്തുന്നത്. മാർച്ച് 14 മുതൽ മനോരമ മാക്‌സിൽ ചിത്രം സ്ട്രീമിംഗ് ആരംഭിക്കും.

Read More

• New OTT Release: ഈ ആഴ്ച ഒടിടിയിലെത്തിയ 9 മലയാളചിത്രങ്ങൾ
• കഷ്ടപ്പാടുകളിലേക്ക് ഭാഗ്യദേവതയായി അവൾ എത്തിയപ്പോൾ; മാറിമറിഞ്ഞത് ബാബുവിന്റെ ജീവിതം
• അപ്പന്റെ സ്വപ്നം സഫലമാക്കിയ മകൻ; അമ്മയുടെ കയ്യിലിരിക്കുന്ന ഈ കൊച്ചുമിടുക്കൻ മലയാളത്തിന്റെ പ്രിയനടനാണ്
• തിയേറ്ററിൽ ആളില്ലെങ്കിലും പുറത്ത് ഹൗസ്ഫുൾ ബോർഡ്; കണക്കുകൾ പെരുപ്പിച്ച് കാണിക്കുന്ന നിർമാതാക്കളും