യാത്രകളിൽ പുതിയ കൂട്ട്; പോർഷെ സ്വന്തമാക്കി ചാക്കോച്ചൻ

മലയാളികൾക്ക് എന്നും പ്രിയപ്പെട്ട താരമാണ് കുഞ്ചാക്കോ ബോബൻ. ‘അനിയത്തിപ്രാവി’ലൂടെ വന്ന് പ്രേക്ഷക ഹൃദയം കീഴടക്കിയ ചാക്കോച്ചൻ, ഏറെനാൾ ആരാധകരുടെ ചോക്ലേറ്റ് ഹീറോയായിരുന്നു. റെമാന്റിക് വേഷങ്ങളിൽ നിന്ന് മാറിയ ചാക്കോച്ചന്റെ മാസ്സ് വേഷങ്ങളും ആരാധകർ ഇരുകൈകളും നീട്ടിയാണ് സ്വീകരിച്ചത്. 

യാത്രകളിൽ കൂട്ടായി പുത്തൻ പോർഷെ സ്വന്തമാക്കിയിരിക്കുകയാണ് വാഹന പ്രേമികൂടിയായ കുഞ്ചാക്കോ ബോബൻ. ജർമൻ ആഡംബര വാഹന നിർമാതാക്കളായ പോർഷെയുടെ കയീൻ എസ്‌യുവിയാണ് താരം ഗരാജിലെത്തിച്ചത്. കുടുംബത്തോടൊപ്പമാണ് ചാക്കോച്ചൽ ഷോറൂമിൽ എത്തിയത്. വാഹനത്തിനൊപ്പമുള്ള ചിത്രങ്ങൾ സോഷ്യൽ മീഡിയയിൽ ശ്രദ്ധനേടുന്നുണ്ട്.

View this post on Instagram

A post shared by Wheels of Kerala (WOK) (@wheels_of_kerala_wok)

1.81 കോടി മുതൽ 2.54 കോടി രൂപ വരെയാണ് പോർഷെ കയീൻ എസ്‌യുവിയുടെ വിവിധ വേരിയന്റുകളുടെ വില. 340 ബിഎച്ച്പി 3 ലിറ്റർ വി 6 ടർബോ എഞ്ചിനാണ് വാഹനത്തിനു കരുത്തേകുന്നത്. പൂജ്യത്തിൽ നിന്ന് നൂറിലെത്താൻ 6 സെക്കൻഡുകൾ മാത്രമാണ് ഈ വാഹനത്തു വേണ്ടിവരുന്നത്. അതേസമയം, പരമാവധി വേഗത മണിക്കൂറിൽ 243 കിലോമീറ്ററായി പരിമിതപ്പെടുത്തിയിട്ടുണ്ട്.

അതേസമയം, കുഞ്ചാക്കോ ബോബൻ നായകനാകുന്ന പുതിയ ചിത്രം 'ബേബി ​ഗേൾ'ന്റെ ടൈറ്റിൽ പോസ്റ്റർ പുറത്തിറക്കി. അരുൺ വർമ്മ സംവിധാനം ചെയ്യുന്ന ചിത്രത്തിന്റെ നിർമ്മാണം ലിസ്റ്റൻ സ്റ്റീഫനാണ്. ത്രില്ലർ വിഭാഗത്തിലൊരുങ്ങുന്ന ചിത്രത്തിന്റെ രചന ബോബി -സഞ്ജയ് ആണ് നിർവഹിക്കുന്നത്. ട്രാഫിക്കിനു ശേഷം ലിസ്റ്റിൻ സ്റ്റീഫനും കുഞ്ചാക്കോ ബോബനും വീണ്ടും ഒന്നിക്കുന്ന ചിത്രംകൂടിയാണിത്.

Read More

• എന്തിനാണ് സിനിമകളിൽ ഇത്രയും വയലൻസ്?
• New OTT Release: ഒടിടിയിൽ പുതിയ സിനിമകൾ തിരയുന്നവരാണോ? ഇപ്പോൾ കാണാം 20 ചിത്രങ്ങൾ
• ഞാനൊരു വിവാഹം കഴിച്ചു, പിന്നെ ഡിവോഴ്സായി, ഡിപ്രഷനായി, ഇപ്പോൾ തിരിച്ചെത്തി: അർച്ചന കവി
• Identity Review: ട്വിസ്റ്റും ടേണും സസ്പെൻസും അൺലിമിറ്റഡ്; ത്രില്ലടിപ്പിച്ച് ഐഡന്റിറ്റി, റിവ്യൂ
• എൻ്റെ സ്വപ്നങ്ങളാണ് പ്രണവ് സാക്ഷാത്കരിക്കുന്നത്: മോഹൻലാൽ
• ആരായിരുന്നു ഞങ്ങൾക്ക് എംടി? അവർ പറയുന്നു
• അന്നാണ് റാണ ആദ്യമായി വീട്ടിൽ വന്നത്, ഉമ്മച്ചിയ്ക്ക് ആളെ ഒരുപാട് ഇഷ്ടമായി; ദുൽഖർ