അന്ന് പ്രിയതാരത്തെ കാണാനെത്തിയ കുഞ്ഞ് ആരാധകൻ, ഇന്ന് ഷാരൂഖിനൊപ്പം നൃത്തച്ചുവടുകളുമായി വേദിയിൽ

തന്റെ പ്രിയതാരം ഷാരൂഖ് ഖാനെ നേരിൽ കണ്ടതിന്റെയും ഒപ്പം ചിത്രമെടുക്കാനായതിന്റെയും സന്തോഷത്തിൽ നിൽക്കുന്ന ഒരു കുട്ടി ഫാൻ. 2001ൽ അശോക എന്ന ചിത്രത്തിന്റെ ലൊക്കേഷനിൽ സാക്ഷാൽ കിങ് ഖാനെ കാണാൻ എത്തിയതായിരുന്നു ആ കുട്ടി.

Just how fast night changes @iamsrk. pic.twitter.com/osKyMjgnfJ

— Asma (@asmasun01) September 28, 2024

കാലം ഒളിപ്പിച്ചുവച്ച ചില കൗതുകങ്ങളും സർപ്രൈസുകളുമുണ്ട്. അതുപോലൊരു ചിത്രമാണിത്. അന്ന് കിങ് ഖാനെ കാണാൻ ലൊക്കേഷനിലെത്തിയ ആ കുട്ടി വളർന്നപ്പോൾ നടനായി. സാക്ഷാൽ ഷാരൂഖ് ഖാനൊപ്പം ഡുങ്കി എന്ന ചിത്രത്തിൽ അഭിനയിച്ചു. നിരവധി വേദികൾ പങ്കിട്ടു. കഴിഞ്ഞ ദിവസം ഇൻ്റർനാഷണൽ ഇന്ത്യൻ ഫിലിം അക്കാദമി (ഐഐഎഫ്എ) അവാർഡ് 2024ന്റെ വേദിയിൽ ഷാരൂഖിനൊപ്പം ചുവടുവച്ച് സോഷ്യൽ മീഡിയയുടെ ശ്രദ്ധ കവർന്നതും ആ ചെറുപ്പക്കാരൻ തന്നെ. മറ്റാരുമല്ല, വിക്കി കൗശാൽ ആണ് ആ ചെറുപ്പക്കാരൻ. 

View this post on Instagram

A post shared by Instant Bollywood (@instantbollywood)

സ്വപ്നസമാനമായ ഈ നിമിഷങ്ങളെ കുറിച്ച് വിക്കിയും തന്റെ ഇൻസ്റ്റഗ്രാമിൽ ഹൃദയസ്പർശിയായ കുറിപ്പ് പങ്കുവച്ചിട്ടുണ്ട്.  "അദ്ദേഹം തൻ്റെ ആതിഥേയത്വവും സ്റ്റേജിലെ പ്രകടനങ്ങളും കൊണ്ട് മാജിക് സൃഷ്ടിക്കുന്നത് കണ്ടു വളർന്നത് മുതൽ... ഇന്നലെ രാത്രി വരെ.... ഒപ്പം വേദി പങ്കിടുകയും അതേ മാജിക്കിൻ്റെ ഭാഗമാകുകയും ചെയ്തു... ഞാൻ ഒരുപാട് സ്വപ്നങ്ങൾ കണ്ടു! നന്ദി ഷാരൂഖ് സാർ. നിങ്ങളെപ്പോലെ ആരും ഉണ്ടാകില്ല."

View this post on Instagram

A post shared by Vicky Kaushal (@vickykaushal09)

ആക്ഷന്‍ ഡയറക്ടറായ ഷാം കൗശലിന്റെ മകനാണ് വിക്കി കൗശല്‍. വളരെ കഷ്ടപ്പാടുകളിലൂടെയായിരുന്നു വിക്കിയുടെ കടന്നുവരവ്.  സിനിമയിലേക്ക് വന്നപ്പോഴും ആദ്യചിത്രങ്ങളിൽ പ്രതിഫലം വളരെ കുറവായിരുന്നു. എന്നാൽ അവിടെ നിന്നും കോടികൾ പ്രതിഫലം വാങ്ങുന്ന താരമായി വിക്കി വളരുകയായിരുന്നു. 

View this post on Instagram

A post shared by Vicky Kaushal (@vickykaushal09)

ആദ്യ ചിത്രം ഗാങ് ഓഫ് വസ്സിപൂർ ആയിരുന്നു. എന്നാൽ വിക്കിയെ ശ്രദ്ധേയനാക്കിയ ആദ്യ ചിത്രങ്ങളിലൊന്ന് മസ്സാൻ (2015) ആണ്. രാമൻ രാഘവ് 2.0 (2016), റാസി, സഞ്ജു (2018), നെറ്റ്ഫ്ലിക്സ് സിനിമകളായ ലവ് പെർ സ്‌ക്വർ ഫീറ്റ്, ലറ്റ് സ്റ്റോറിസ്, ഉറി: ദി സർജിക്കൽ സ്ട്രൈക്ക് എന്നിവയൊക്കെ വിക്കിയെ ശ്രദ്ധേയനാക്കി. ഉറി: ദി സർജിക്കൽ സ്ട്രൈക്ക് എന്ന ചിത്രത്തിലെ അഭിനയത്തിന് മികച്ച നടനുള്ള ദേശീയ ചലച്ചിത്ര അവാർഡും വിക്കി നേടി. ബോളിവുഡ് നടി കത്രീന കൈഫ് ആണ് വിക്കിയുടെ ജീവിതപങ്കാളി.

• LatestmalayalamOTTReleases: ഒടിടിയിൽ കാണാം ഏറ്റവും പുതിയ 30 മലയാള ചിത്രങ്ങൾ
• 'ഇതു കണ്ട് എന്റെ അമ്മ ഞെട്ടും;' മഞ്ജു പിള്ളയ്ക്ക് സർപ്രൈസുമായി മകൾ
• ഇപ്പോഴും വാടകവീട്ടിൽ താമസിക്കാൻ കാരണമിതാണ്...: വെളിപ്പെടുത്തി വിദ്യാ ബാലൻ
• അന്ന് അടികൊണ്ട് ചോരതുപ്പി, ഇനിയെങ്കിലും ജീവിക്കാൻ അനുവദിക്കണം; ബാലയ്‌ക്കെതിരെ അമൃത സുരേഷ്
• കുടിച്ചു വന്ന് അമ്മയെ തല്ലുമായിരുന്നു, അച്ഛനെ സ്‌നേഹിക്കാന്‍ എനിക്കൊരു കാരണമില്ല: ബാലയ്ക്ക് എതിരെ മകള്‍
• നിന്നോട് തര്‍ക്കിക്കാന്‍ അപ്പാ ഇല്ല, ഇനി ഞാന്‍ വരില്ല; മകളോട് ബാല
• New OTT Release: ഇന്ന് അർദ്ധരാത്രിയോടെ ഒടിടിയിൽ എത്തുന്ന 7 ചിത്രങ്ങൾ
• വേട്ടയ്യനിലെ ട്രെൻഡിംഗ് ഗാനത്തിനൊപ്പം വേദിയിൽ ചുവടുവച്ച് മഞ്ജു വാര്യർ; വീഡിയോ