ഈ അടിപൊളി പാട്ട് ദേവദൂതനിൽ ഉള്ളതാണെന്ന് നിങ്ങൾക്കറിയാമോ?

24 വർഷങ്ങൾക്കു ശേഷം മോഹൻലാലിന്റെ ക്ലാസിക് റൊമാൻസ് ചിത്രം ദേവദൂതൻ വെള്ളിയാഴ്ച തിയേറ്ററുകളിലേക്ക് എത്തുകയാണ്. പ്രേക്ഷകരുടെ മനസ്സിലിടം പിടിച്ച വിശാൽ കൃഷ്ണമൂർത്തിയേയും മഹേശ്വരിനെയും അലീനയേയും സംഗീത വിസ്മയവുമെല്ലാം വീണ്ടുമൊരിക്കൽ കൂടി ബിഗ് സ്ക്രീനിൽ കാണാൻ കാത്തിരിക്കുകയാണ്  സിനിമാപ്രേമികൾ.

സോഷ്യൽ മീഡിയയിലെങ്ങും ദേവദൂതനുമായി ബന്ധപ്പെട്ട വിശേഷങ്ങളും റീലുകളുമൊക്കെ നിറയുകയാണ്. ചിത്രത്തിലെ ഹിറ്റ് പാട്ടുകളും വീണ്ടും സിനിമാപ്രേമികളുടെ പ്ലേ ലിസ്റ്റിൽ ലൂപ്പിൽ ഓടികൊണ്ടിരിക്കുകയാണ്.

 പൂവേ പൂവേ പാലപ്പൂവേ, കരളേ നിൻ കൈപിടിച്ചാൽ, എൻ ജീവനേ എങ്ങാണു നീ തുടങ്ങിയ ഗാനങ്ങളെല്ലാം ഇതിനകം തന്നെ സംഗീത പ്രേമികളുടെ ഹൃദയം കവർന്നവയാണ്. എന്നാൽ ദേവദൂതനു വേണ്ടി മറ്റൊരു ഗാനം കൂടി വിദ്യാസാഗർ ഒരുക്കിയിരുന്നു, 'മത്താപ്പൂത്തിരി പെൺകുട്ടീ പത്തരമാറ്റിൻ പൊൻ കട്ടീ കണ്ണടച്ച് പാൽ കുടിക്കും രാക്കുറിഞ്ഞീ തേൻ കട്ടീ' എന്നു തുടങ്ങുന്ന ഗാനം.  എന്നാൽ ആ ഗാനം ചിത്രത്തിൽ ഉൾപ്പെടുത്തിയിരുന്നില്ല. ദേവദൂതന്റെ ഓഡിയോ കാസറ്റിൽ ഈ ചിത്രം ഉൾപ്പെടുത്തുകയും ചെയ്തു. 

കൈതപ്രം എഴുതിയ വരികൾക്ക് വിദ്യാസാഗർ സംഗീതം നൽകിയപ്പോൾ ഈ ഗാനം ആലപിച്ചത് എം ജി ശ്രീകുമാറും സുജാത മോഹനും ചേർന്നാണ്. 

സിബി മലയിൽ സംവിധാനം ചെയ്ത ദേവദൂതൻ മികച്ച 4K ദൃശ്യ നിലവാരത്തിലും, ശബ്ദത്തിലുമാണ് തിയേറ്ററുകളിലെത്തുക. റീ മാസ്റ്റേർഡ് & റീ എഡിറ്റഡ് പതിപ്പാണ്  തിയേറ്ററുകളിൽ എത്തുക. രഘുനാഥ് പലേരിയാണ് സിനിമയുടെ തിരക്കഥാകൃത്ത്. 

Read More

• നാഗവല്ലിയല്ലേ ആ മിന്നിമാഞ്ഞു പോയത്?; വൈറലായി വീഡിയോ
• ചേട്ടനെ ടോർച്ചർ ചെയ്യുമ്പോൾ വലിയ സന്തോഷമാണെന്ന് ധനുഷ്: ഇത് ചിന്നതമ്പിയുടെ മധുരപ്രതികാരമെന്ന് ആരാധകർ
• പ്രിയപ്പെട്ട അയൽക്കാരന്റെ വീട്ടിലെ കല്യാണത്തിന് കുടുംബസമേതം എത്തി മമ്മൂട്ടി; വീഡിയോ
• അർമാനും രണ്ടാം ഭാര്യയും ബിഗ് ബോസ് വീട്ടിൽ: വിവാഹ മോചനം പ്രഖ്യാപിച്ച് ഒന്നാം ഭാര്യ പായൽ
• കോടിക്കണക്കിന് ആരാധകരുള്ള താരം, യുവാക്കളുടെ ആവേശം; ആളെ മനസ്സിലായോ?
• കഷ്ടപ്പാടുകളിലേക്ക് ഭാഗ്യദേവതയായി അവൾ എത്തിയപ്പോൾ; മാറിമറിഞ്ഞത് ബാബുവിന്റെ ജീവിതം
• 'സ്വപ്നം യാഥാർത്ഥ്യമായി, ദൈവത്തിന് നന്ദി'; മകൾ മീനാക്ഷി ഡോക്ടറായതിന്റെ സന്തോഷം പങ്കുവെച്ച് ദിലീപ്