/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/Iqz0lIhbFgJ5huVqJTad.jpg)
തന്റെ സോഷ്യൽ മീഡിയ അക്കൗണ്ടുകളിലൂടെയാണ് മീനാക്ഷിയുടെ നേട്ടം ദിലീപ് പങ്കുവെച്ചത് (ഫൊട്ടോ-ദിലീപ് ഫെയ്സ്ബുക്ക്)
മകള്‍ മീനാക്ഷി ,എംബിബിഎസ് വിജയകരമായി പൂർത്തിയാക്കിയതിന്റെ സന്തോഷം പങ്കുവെച്ച് നടൻ ദിലീപ്. തന്റെ സോഷ്യൽ മീഡിയ അക്കൗണ്ടുകളിലൂടെയാണ് മീനാക്ഷിയുടെ നേട്ടം ദിലീപ് പങ്കുവെച്ചത്. കാലങ്ങളായി കണ്ട സ്വപ്നം യാഥാർത്ഥ്യമായതിൽ ദൈവത്തിന് നന്ദിയെന്ന് കുറിച്ചുകൊണ്ടാണ് ദിലീപ് തന്റെ ഇൻസ്റ്റഗ്രാമിലും ഫെയ്സ്ബുക്കിലും മീനീക്ഷിയുടെ ബിരുദദാന ചടങ്ങിനിടയിലെ ഫോട്ടോ പങ്കുവെച്ചത്.
ദിലീപിനും മീനാക്ഷിക്കുമൊപ്പമുള്ള ബിരുദദാന ചടങ്ങിന്റെ ചിത്രം കാവ്യാ മാധവനും ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്. ഒടുവിൽ നീ അത് നേടിയെന്നും അർപ്പണബോധവും കഠിനാധ്വാനവുമാണ് ഈ നേട്ടത്തിന് പിന്നിലെന്നും മീനാക്ഷിയെ അഭിനന്ദിച്ചുകൊണ്ട് കാവ്യ തന്റെ പോസ്റ്റിൽ കുറിച്ചു. മീനാക്ഷിയെ ഓർത്ത് അഭിമാനിക്കുന്നുവെന്നും ദൈവം അനുഗ്രഹിക്കട്ടേയെന്നും കാവ്യ തന്റെ പോസ്റ്റിൽ എഴുതി.
ദിലീപ് മഞ്ജു വാര്യർ താരദമ്പതികളുടെ മകളെന്നതിലുപരി സോഷ്യൽ മീഡിയയിലും ഏറെ ഫോളോവേഴ്സുള്ളയാളാണ് മീനാക്ഷി. മീനാക്ഷി സംവിധായകന്‍ അല്‍ഫോന്‍സ് പുത്രന്‍റെ പങ്കാളി അലീനയ്ക്കൊപ്പം നൃത്തം ചെയ്യുന്നതും ബാല്യകാല സുഹൃത്തും നാദിര്‍ഷയുടെ മകളുമായ ആയിഷയുടെ വിവാഹ സല്‍ക്കാരത്തിന് നമിത പ്രമോദിനൊപ്പം ചുവടുവച്ച വീഡിയോയും സോഷ്യല്‍ മീഡിയയില്‍ വൈറലായിരുന്നു. ചെന്നൈയിലാണ് മീനാക്ഷി എംബിബിഎസ് പഠനം പൂര്‍ത്തിയാക്കിയത്.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.