തങ്കമേ, എൻ ഉലകമായവളേ; നയൻതാരയ്ക്കു സ്നേഹചുംബനമേകി വിഘ്നേഷ്, ചിത്രങ്ങൾ

തെന്നിന്ത്യയുടെ പ്രിയപ്പെട്ട താരദമ്പതികളാണ് നടി നയൻതാരയും സംവിധായകൻ വിഘ്നേഷ് ശിവനും. സോഷ്യൽ മീഡിയയിൽ സജീവമായ താരങ്ങൾ ഇടക്കിടെ കുടുംബത്തോടൊപ്പമുള്ള സന്തോഷ നിമിഷങ്ങൾ ആരാധകരുമായി പങ്കുവയ്ക്കാറുണ്ട്.

കഴിഞ്ഞ ദിവസം, ഏഷ്യയിലെ ഏറ്റവും വലിയ ധനികനും റിലയൻസ് ഇ‍ൻഡസ്ട്രീസ് മേധാവിയുമായ മുകേഷ് അംബാനിയുടെയും നിത അംബാനിയുടെയും ഇളയ മകൻ അനന്ത് അംബാനിയുടെയും രാധിക മർച്ചന്റിന്റെയും വിവാഹം കൂടാൻ നയൻ-വിഘ്നേഷ് ദമ്പതികൾ മുംബൈയിൽ എത്തിയിരുന്നു.

ഗോൾഡൻ കളർ ടിഷ്യൂ സാരിയിൽ അതിസുന്ദരിയായാണ് നയൻതാര വിവാഹത്തിനെത്തിയത്. മനോഹരമായ സ്റ്റേറ്റ്‌മെന്റ് നെക്ലേസുകൾ നയൻതാരയുടെ ലുക്കിനു മാറ്റുകൂട്ടി

വിഘ്നേഷിനൊപ്പമുള്ള അതിമനോഹരമായ ഏതാനും ചിത്രങ്ങൾ പങ്കിട്ടിരിക്കുകയാണ് നയൻതാര ഇപ്പോൾ

പ്രിയപ്പെട്ടവളുടെ നെറുകയിൽ ചുംബിക്കുന്ന വിഘ്നേഷിന്റെ ചിത്രവും ആരാധകരുടെ ഇഷ്ടം കവരുകയാണ്.

തമിഴകത്തു നിന്നും നയൻതാരയേയും വിഘ്നേഷ് ശിവനെയും കൂടാതെ സൂര്യ- ജ്യോതിക ദമ്പതികളും വിവാഹാഘോഷത്തിൽ പങ്കെടുത്തിരുന്നു. മലയാളത്തിൽ നിന്നും നടൻ പൃഥ്വിരാജും സുപ്രിയയും അംബാനി വിവാഹത്തിൽ പങ്കെടുത്തു.