മക്കൾക്കു വേണ്ടി കുറച്ചത് 15 കിലോ: ബോണി കപൂർ

പുതിയ ചിത്രം മൈതാനം തിയേറ്ററുകളിൽ എത്തിയ സന്തോഷത്തിലാണ് നിർമ്മാതാവ് ബോണി കപൂർ. അടുത്തിടെയായി, താൻ  തന്നെ കൂടുതൽ പരിപാലിക്കാൻ തുടങ്ങിയതായും ബോണി കപൂർ വെളിപ്പെടുത്തി. മക്കളായ അർജുൻ, ഖുഷി, ജാൻവി, അൻഷുല എന്നിവർ തൻ്റെ ആരോഗ്യത്തെക്കുറിച്ച് ആശങ്കാകുലരാണെന്നും അവർ എല്ലാ ദിവസവും തന്നെ വിളിക്കാറുണ്ടെന്നും ബോണി പറയുന്നു. 

കണക്ട് എഫ്എം കാനഡയ്ക്ക് നൽകിയ അഭിമുഖത്തിനിടയിലാണ് ബോണി ഇക്കാര്യം പറഞ്ഞത്.  “കഴിഞ്ഞ എട്ട് മാസം കൊണ്ട്  എനിക്ക് ഏകദേശം 15 കിലോ കുറഞ്ഞു. ഞാൻ ആരോഗ്യകരമായ ഭക്ഷണം കഴിക്കുന്നു. ഞാൻ ശരിയായി ഉറങ്ങുന്നു. ഞാനെൻ്റെ ആരോഗ്യം ശ്രദ്ധിക്കുന്നു. എന്നെക്കാളധികം, എൻ്റെ കുട്ടികൾ എന്നെക്കുറിച്ച് വേവലാതിപ്പെടുന്നു, എൻ്റെ ആരോഗ്യം ഞാൻ ശ്രദ്ധിക്കുന്നുണ്ടെന്ന് അവർ ഉറപ്പാക്കുന്നു. ജാൻവി-ഖുഷി, അർജുൻ-അൻഷുല, എല്ലാവരും എന്നെ എല്ലാ ദിവസവും വിളിക്കുന്നു."

ബോണി കപൂറിനു ആദ്യഭാര്യ മോനയിലുള്ള മക്കളാണ് അര്‍ജുൻ കപൂറും അൻഷുല കപൂറും. 1983ല്‍ വിവാഹിതരായ ബോണിയും മോനയും 1996ല്‍ വിവാഹ മോചിതരായി. അതേ വര്‍ഷം തന്നെ ബോണി ശ്രീദേവിയെ വിവാഹം ചെയ്തു. ജാന്‍വി കപൂറും ഖുഷി കപൂറുമാണ് ബോണിയുടെയും ശ്രീദേവിയുടെയും മക്കള്‍. 2018ല്‍ ദുബായില്‍ വെച്ച് ബാത്ത് ടബ്ബിലെ വെള്ളത്തില്‍ മുങ്ങി ശീദേവി മരണപ്പെട്ടു. 

View this post on Instagram

A post shared by Boney.kapoor (@boney.kapoor)

ബോണി കപൂറിൻ്റെ നിർമ്മാണ സംരംഭമായ മൈതാനിൽ അജയ് ദേവ്ഗൺ ആണ് നായകൻ. 1962ലെ ഏഷ്യൻ ഗെയിംസിൽ പരിശീലകനായ എസ് എ റഹീമിൻ്റെയും അദ്ദേഹത്തിൻ്റെ ഫുട്ബോൾ ടീമിൻ്റെയും വിജയത്തിൻ്റെ കഥയാണ് മൈതാൻ പറയുന്നത്. സ്‌പോർട്‌സ് ഡ്രാമയായ മൈതാൻ തിയേറ്ററുകളിൽ നിന്നും ആദ്യ ദിവസം ഏകദേശം 2.72 കോടി രൂപ നേടിയെന്നാണ് സാക്നിൽക് റിപ്പോർട്ട്. 

Read More Entertainment Stories Here

• ഇതാണ് ഞങ്ങളുടെ മാഡ് ഹൗസ്; കുട്ടിക്കളി മാറാതെ ഖുറാന സഹോദരങ്ങൾ
• അച്ഛനേക്കാളും പത്തിരട്ടി വരുമാനം; അഹാനയുടെയും അനിയത്തിമാരുടെയും വരുമാന കണക്കുകളിങ്ങനെ
• ഒന്നിനു പിറകെ ഒന്നായി പൊട്ടിയത് 66 തമിഴ് സിനിമകൾ; തിയേറ്ററുകൾക്ക് ആശ്വാസമായി മലയാള ചിത്രങ്ങൾ
• കൊറിയയിലെ 'ലാലേട്ടൻ' വിവാഹിതനാകുന്നു
• ഐസ്ക്രീം നുണഞ്ഞ്, കൊച്ചിയിൽ കറങ്ങി നയൻതാര; വീഡിയോ
• ഇതാണ് ആ രണ്ടുവരി പാട്ട്; അമ്മയ്ക്കൊപ്പം ഗംഭീര പ്രകടനവുമായി ഇന്ദ്രജിത്ത്