ആലിയ-രൺബീർ വിവാഹം ഷൂട്ട് ചെയ്യാൻ വിളിച്ചെങ്കിലും നിരസിച്ചു: കാരണം വ്യക്തമാക്കി സെലിബ്രിറ്റി ഫോട്ടോഗ്രാഫർ

ദീപിക പദുക്കോൺ-രൺവീർ സിംഗ്, അനുഷ്‌ക ശർമ്മ-വിരാട് കോഹ്‌ലി തുടങ്ങിയ താരങ്ങളുടെ ബോളിവുഡ് ആഘോഷമാക്കിയ സ്വപ്നതുല്യമായ വിവാഹ വീഡിയോകൾ ചിത്രീകരിച്ചത്  'ദ വെഡിംഗ് ഫിലിമർ' എന്നറിയപ്പെടുന്ന വിശാൽ പഞ്ചാബിയാണ്. എന്നാൽ ആലിയ- രൺബീർ വിവാഹം ഷൂട്ട് ചെയ്യാനുള്ള ഓഫർ വന്നപ്പോൾ താൻ നിരസിക്കുകയായിരുന്നുവെന്ന് അടുത്തിടെ വിശാൽ പഞ്ചാബി വെളിപ്പെടുത്തിയിരുന്നു. വിവാഹത്തിനു ഏതാനും ആഴ്ചകൾക്കു മുൻപെയാണ് ആലിയയും രൺബീറും തന്നെ സമീപിച്ചതെന്നും എന്നാൽ തന്റെ ഡേറ്റുകളെല്ലാം നേരത്തെ ബുക്ക് ചെയ്യപ്പെട്ടിരുന്നു എന്നുമാണ് വിശാൽ പറഞ്ഞത്. 

ശിവാനി പാവുവിൻ്റെ പോഡ്‌കാസ്റ്റിലാണ് വിശാൽ  പഞ്ചാബി ഇക്കാര്യങ്ങൾ പറഞ്ഞത്, “രൺബീർ കപൂറും ആലിയ ഭട്ടും അവരുടെ വിവാഹത്തിന് എന്നെ വിളിച്ചപ്പോൾ ഞാൻ അവെയ്‌ലബിൾ ആയിരുന്നില്ല. ഈ സെലിബ്രിറ്റികളിൽ പലരും അവരുടെ വിവാഹത്തിന് രണ്ടാഴ്ച മുമ്പ് എന്നെ വിളിക്കുന്നു, കാരണം പലരും രഹസ്യമായാണ് പ്ലാൻ ചെയ്യുന്നത്." 

“ഇതിൻ്റെ പോരായ്മ... മിക്കവർക്കും ഞാൻ അവെയ്‌ലബിൾ ആവില്ല എന്നതാണ്. ഒരു സെലിബ്രിറ്റിയുടെ കല്യാണം കവർ ചെയ്യാൻ ഞാൻ ഒരിക്കലും മറ്റൊരു കല്യാണം റദ്ദാക്കിയിട്ടില്ല. ആലിയയുടെയും രൺബീറിൻ്റെയും വിവാഹഷൂട്ട് ഞാൻ നടത്തിയില്ല, കാരണം വളരെ സുന്ദരിയായ ഒരു വധുവിൻ്റെ കല്യാണം ലണ്ടനിൽ ഷൂട്ട് ചെയ്യാനായി അവരെന്നെ ബുക്ക് ചെയ്തിരുന്നു.  ആർക്കു വേണ്ടിയും ഞാനത് മാറ്റില്ല, ഇപ്പോഴുമതെ.  രൺബീറിനും ആലിയയ്ക്കും നല്ലൊരു വിവാഹ വീഡിയോ ലഭിക്കുമായിരുന്നു."

ആലിയ ഭട്ടും രൺബീർ കപൂറും 2022 ഏപ്രിൽ 14 ന് മുംബൈയിലെ വസതിയിൽ വച്ചാണ് വിവാഹിതരായത്. അടുത്ത സുഹൃത്തുക്കളും കുടുംബാംഗങ്ങളും മാത്രമാണ് വിവാഹത്തിൽ പങ്കെടുത്തത്. ഹൗസ് ഓൺ ദ ക്ലൗഡ്‌സിൻ്റെ സ്ഥാപകനായ സിദ്ധാർത്ഥ് ശർമ്മയാണ് ഇരുവരുടെയും വിവാഹം പകർത്തിയത്. 

Read More Entertainment Stories

• വരൻ മിസ്സിംഗാണ് ഗയ്സ്, കണ്ടുപിടിക്കാൻ സഹായിക്കാമോ: മണവാട്ടി ലുക്കിൽ ഹൻസിക
• അച്ഛന്റെ അടുത്ത സിനിമ മോഹൻലാലിനൊപ്പം, സന്തോഷ വാർത്ത പങ്കിട്ട് അനൂപ് സത്യൻ
• ബോൾഡ് ലുക്കിൽ ചടുലമായ നൃത്തച്ചുവടുകളുമായി താരപുത്രി
• ഞങ്ങൾ ആരുടെ വയറ്റിലാണ് ജനിച്ചത്? മക്കൾ അമ്മയെ അന്വേഷിച്ചു തുടങ്ങിയെന്ന് കരൺ
• Thalavan OTT: തലവൻ ഒടിടിയിലേക്ക്
• Maharaja OTT: വിജയ് സേതുപതിയുടെ 'മഹാരാജ' ഒടിടിയിലേക്ക്
• തെലുങ്കിലും ദുൽഖറിന് വലിയ കൈയ്യടി, ഡീക്യു പാൻ ഇന്ത്യൻ സ്റ്റാറാണ്: അന്ന ബെൻ
• കമ്പനിക്കാരുടെ കണക്കിനെ തോൽപ്പിക്കുന്ന ശരീരമാണ് എൻ്റേത്: ഇന്ദ്രൻസ്