പ്രിയദർശൻ, അക്ഷയ് കുമാർ 'കോമ്പോ' വീണ്ടും ഒന്നിക്കുന്നു; ഇത്തവണ ഹൊറർ കോമഡി

ചലച്ചിത്ര പ്രേമികൾ ഇരുകൈകളും നീട്ടി സ്വീകരിച്ച കൂട്ടുകെട്ടാണ് അക്ഷയ് കുമാർ- പ്രിയദർശൻ കോമ്പോ. ഇരുവരും വീണ്ടും ഒന്നിക്കുന്നതിന്റെ വാർത്തകളാണ് ഇപ്പോൾ ബോളിവുഡിൽ ചർച്ചയാകുന്നത്. ഏക്താ കപൂർ നിർമ്മിക്കുന്ന പുതിയ ചിത്രത്തിൽ അക്ഷയ് കുമാർ നായകനാകുമെന്ന് സംവിധായകൻ പ്രിയദർശൻ പ്രഖ്യാപിച്ചു. ഹൊറർ- ഫാന്റസി ജോണറിലായിരിക്കും പുതിയ ചിത്രം പുറത്തിറങ്ങുക.

ഇരുവരും ഒന്നിക്കുന്നുവെന്ന അഭ്യൂഹങ്ങൾ നേരത്തെതന്നെ ബോളിവുഡിൽ സജീവമായിരുന്നു. എന്നാൽ കഴിഞ്ഞ ദിവസമാണ് പ്രിയദർശന്റെ ഭാഗത്തുനിന്ന് സ്ഥിരീകരണം ഉണ്ടായത്. രാമക്ഷേത്രത്തിൻ്റെ ചരിത്രത്തെക്കുറിച്ചുള്ള തൻ്റെ ഡോക്യു-സീരീസ് പൂർത്തിയയെന്നും, വളരെ പ്രധാനപ്പെട്ട ഒരു ചിത്രം ആരംഭിക്കാൻ പോകുകയാണെന്നും പ്രിയദർശൻ പറഞ്ഞു.

ബ്ലോക്ബസ്റ്റർ ചിത്രമായ 'ഭൂൽ ഭുലയ്യ' പോലെയാണോ പുതിയ സിനിമ എന്ന ചോദ്യത്തിന്, 'ഭൂൽ ഭുലയ്യ ഒരു സൈക്കോളജിക്കൽ ത്രില്ലറായിരുന്നെന്നും, പുതിയ പ്രൊജക്റ്റ് "ഫാൻ്റസി, ബ്ലാക്ക് മാജിക് പശ്ചാത്തലത്തിൽ, ഇന്ത്യയിലെ പഴയ അന്ധവിശ്വാസങ്ങളെ കുറിച്ചുള്ളതായിരിക്കും എന്നും പിയാദർശൻ പറഞ്ഞു.

"ആദ്യ സിനിമ മുതൽ, അക്ഷയ്ക്കൊപ്പം സഹകരിക്കുന്നത് സന്തോഷമാണ്. അദ്ദേഹം വികാരങ്ങൾ നന്നായി കൈകാര്യം ചെയ്യുന്ന നടനാണ്. അദ്ദേഹത്തിനൊപ്പം ഒരു നല്ല സിനിമ ചെയ്യാൻ കാത്തിരിക്കുകയായിരുന്നു. ഇത് തീർച്ചയായും​ അത്തരമൊരു ചിത്രമാകുമെന്നാണ് കരുതുന്നത്," പ്രിയദർശൻ കൂട്ടിച്ചേർത്തു

ഹേരാ ഫേരി, ഗരം മസാല, ഭാഗം ഭാഗ്, ദേ ദന ദാൻ തുടങ്ങി നിരവധി ഹിറ്റ് കോമഡി ചിത്രങ്ങൾ അക്ഷയ്- പ്രിയദർശൻ കൂട്ടുകെട്ടിൽ പുറത്തിറങ്ങിയിട്ടുണ്ട്. 2010-ൽ പുറത്തിറങ്ങിയ ഖട്ടാ മീതയാണ് ഇരുവരും ഒന്നിച്ച അവസാന ചിത്രം. തുടർ പരാജയങ്ങൾ ഏറ്റുവാങ്ങുന്ന അക്ഷയ് കുമാറിന് ഗംഭീര തിരിച്ചുവരവാകും ചിത്രമെന്നാണ് ആരാധകരുടെ പ്രതീക്ഷ.

Read More Entertainment Stories Here

• ആ വേഷം ചെയ്യില്ലെന്ന് പറഞ്ഞ ജ്യോതികയെ നിർബന്ധിച്ചത് സൂര്യ
• ഷാരൂഖിനും അജയ് ദേവ്ഗണിനും ഒപ്പം വിമൽ സിനിമാറ്റിക് യൂണിവേഴ്‌സിലേക്ക് ടൈഗർ ഷ്‌റോഫ്
• തിരഞ്ഞെടുപ്പു ചൂടിലും നിസ്കാരം മുടക്കാതെ മമ്മൂക്ക
• ലാലേട്ടനെ ചുംബിച്ചപ്പോൾ മമ്മൂട്ടി ധരിച്ച വാച്ചിന്റെ വില അറിയാമോ
• ഓട്ടോ ചേട്ടനോട് ലോഹ്യം പറഞ്ഞ്, കാസർഗോഡൻ തെരുവിൽ ചുറ്റികറങ്ങി സണ്ണി ലിയോൺ; വീഡിയോ
• ബേബി ശാലിനിയുടെ ഷൂട്ടിങ് കണ്ടിട്ടുണ്ട്, ഒരിക്കലും വിവാഹം കഴിക്കുമെന്ന് പ്രതീക്ഷിച്ചില്ല: അജിത്
• സൂപ്പർസ്റ്റാറിന്റെ പ്രതിഫലം 100 കോടി, ബഡ്ജറ്റ് 600 കോടി; തിയേറ്ററിൽ കൂപ്പുകുത്തി ബോളിവുഡ് ചിത്രങ്ങൾ
• 63-ാം വയസ്സിലും എന്തൊരു എനർജി; ലാലേട്ടൻ സൂപ്പറാ, കയ്യടിച്ച് സോഷ്യൽ മീഡിയ