അഭിമുഖങ്ങളിൽ കാണുന്നതല്ല യഥാർത്ഥ ധ്യാൻ: അജു വർഗീസ്

മലയാള സിനിമയിലെ ഇന്‍റര്‍വ്യൂ സ്റ്റാര്‍ എന്ന ലേബലിൽ അറിയപ്പെടുന്ന താരമാണ് ധ്യാൻ ശ്രീനിവാസൻ. ധ്യാനിന്റെ ഇന്റർവ്യൂകൾക്ക് ഒരു പ്രത്യേക ഫാൻ ബേസ് തന്നെയുണ്ട്. തമാശയും തഗ്ഗുമൊക്കെയായി അഭിമുഖങ്ങൾ രസകരമാക്കുന്ന ധ്യാനിനെയാണ് നമുക്കു കാണാനാവുക. 

എന്നാൽ അഭിമുഖങ്ങളിൽ കാണുന്നതല്ല യഥാർത്ഥ ധ്യാൻ ശ്രീനിവാസൻ എന്നാണ് നടൻ അജു വർഗീസ് പറയുന്നത്. ധ്യാനിന്റെ അടുത്ത സുഹൃത്തുക്കളിൽ ഒരാളാണ് അജു വർഗീസ്. 

"ഇന്റർവ്യൂവിൽ ഉള്ള ധ്യാൻ അല്ല ജീവിതത്തിലുള്ള ധ്യാൻ. ഇന്റർവ്യൂവിൽ അയാൾ കുറച്ചുകൂടി എന്റർടെയിനർ ആവുന്നതാണ്. പ്രേക്ഷകർക്ക് ഇഷ്ടമാവുന്നതുകൊണ്ട് പുള്ളി കുറച്ചൊന്നു മണ്ടൻ കളിച്ചു കൊടുക്കുന്നതാണ്. അല്ലാത്തപക്ഷം, അയാൾ വളരെ ബുദ്ധിയുള്ള, വളരെ പ്രാക്റ്റിക്കൽ ആയൊരു ആളാണ്. അബദ്ധങ്ങളൊക്കെ പറ്റിയിട്ടുണ്ടാവും. പക്ഷേ പുള്ളി സ്വന്തം കാര്യമൊക്കെ ജീവിക്കുന്ന വളരെ സാധാരണക്കാരനായൊരു മനുഷ്യനാണ്," അജു വർഗീസ് പറയുന്നു.

2024ൽ ഏറ്റവും കൂടുതൽ സിനിമകളിൽ അഭിനയിച്ച നായക നടൻ ധ്യാൻ ശ്രീനിവാസനാണ്. നായകനായും സഹനടനായും 13 സിനിമകളിൽ ധ്യാൻ പ്രത്യക്ഷപ്പെട്ടു. അയ്യർ ഇൻ അറേബ്യ, വർഷങ്ങൾക്കുശേഷം, മലയാളി ഫ്രം ഇന്ത്യ, കുടുംബശ്രീയും കുഞ്ഞാടും, സ്വർഗ്ഗത്തിലെ കട്ടുറുമ്പ്, നടികർ, പാർട്ട്ണേഴ്സ്, സീക്രട്ട്, സൂപ്പർ സിന്ദഗി, ബാഡ് ബോയ്സ്, ആനന്ദ് ശ്രീബാല, ത്രയം, ഓശാന എന്നീ ചിത്രങ്ങളിലാണ് ധ്യാൻ ഈ വർഷം അഭിനയിച്ചത്.

ഒരു ദിവസം പോലും മടി കാരണം വെറുതെ കളയാത്ത ആളാണ് ധ്യാൻ ശ്രീനിവാസൻ എന്നാണ് ഒരിക്കൽ ജോണി ആന്റണി ധ്യാനിനെ കുറിച്ചു പറഞ്ഞത്. "ഒരു ദിവസം പോലും ധ്യാൻ മടി കാരണം കളയില്ല. എത്രയോ ദിവസം തുടരെ തുടരെ അഭിനയിക്കും. വൈകുന്നേരം വരെ ഒരു സിനിമയുടെ ഷൂട്ടിൽ  ഇരുന്നിട്ട് വൈകുന്നേരമാവുമ്പോൾ അടുത്ത സിനിമയുടെ രണ്ട് സീൻ ചെയ്യാൻ ഉണ്ടെന്നു പറഞ്ഞു അങ്ങോട്ട് പോകും." 

Read More

• എന്തിനാണ് സിനിമകളിൽ ഇത്രയും വയലൻസ്?
• New OTT Release: ഒടിടിയിൽ പുതിയ സിനിമകൾ തിരയുന്നവരാണോ? ഇപ്പോൾ കാണാം 20 ചിത്രങ്ങൾ
• ഞാനൊരു വിവാഹം കഴിച്ചു, പിന്നെ ഡിവോഴ്സായി, ഡിപ്രഷനായി, ഇപ്പോൾ തിരിച്ചെത്തി: അർച്ചന കവി
• Identity Review: ട്വിസ്റ്റും ടേണും സസ്പെൻസും അൺലിമിറ്റഡ്; ത്രില്ലടിപ്പിച്ച് ഐഡന്റിറ്റി, റിവ്യൂ
• എൻ്റെ സ്വപ്നങ്ങളാണ് പ്രണവ് സാക്ഷാത്കരിക്കുന്നത്: മോഹൻലാൽ
• ആരായിരുന്നു ഞങ്ങൾക്ക് എംടി? അവർ പറയുന്നു
• അന്നാണ് റാണ ആദ്യമായി വീട്ടിൽ വന്നത്, ഉമ്മച്ചിയ്ക്ക് ആളെ ഒരുപാട് ഇഷ്ടമായി; ദുൽഖർ
• വിവാഹം, ഡിവോഴ്സ്; വീണ്ടും രഞ്ജിത്തിനെ ജീവിതത്തിലേക്ക് കൂടെ കൂട്ടി പ്രിയാരാമൻ