വയലിൻ വായിച്ച് മമ്മൂട്ടി, ക്രിസ്മസ് വൈബിൽ മോഹൻലാലും ദുൽഖറും താരങ്ങളും; വൈറൽ വീഡിയോ

ലോകം നാളെ ക്രിസ്മസിനെ വരവേൽക്കാൻ ഒരുങ്ങുകയാണ്. നാടും നഗരവുമെല്ലാം ക്രിസ്മസ് ആഘോഷങ്ങളുടെ കാഴ്ചകളാണ്. മമ്മൂട്ടിയും മോഹൻലാലും അമിതാഭ് ബച്ചനും രജനീകാന്തും ഫഹദ് ഫാസിലും ടൊവിനോ തോമസുമെല്ലാം ഒന്നിച്ചെത്തി ആശംസകൾ നേർന്നാലോ?

അത്തരമൊരു വീഡിയോ ആണ് ഇപ്പോൾ സമൂഹമാധ്യമങ്ങളുടെ ശ്രദ്ധ കവരുന്നത്. വയലിൻ വായിക്കുന്ന മമ്മൂട്ടി, ക്രിസ്മസ് തീം ഡ്രസ്സും തൊപ്പിയുമൊക്കെയണിഞ്ഞ് നിറപുഞ്ചിരിയോടെ നിൽക്കുന്ന മോഹൻലാലും രജനീകാന്തും മറ്റു താരങ്ങളും. 

യഹൂദിയായിലെ ഒരു ഗ്രാമത്തിൽ എന്ന ഗാനം വീഡിയോയുടെ പശ്ചാത്തലത്തിൽ കേൾക്കാം. എഐ ആയി സൃഷ്ടിക്കപ്പെട്ട വീഡിയോ ആണിത്. 

@highlight ADVANCE MERRY CHRISTMAS 🎄🎄🎄

Posted by Bilal Joseph on Tuesday, December 24, 2024

അതേസമയം, മലയാളസിനിമയ്ക്ക് ആകമാനം ഏറെ പ്രത്യേകതകളുള്ള ഒരു ക്രിസ്മസ് ആണിത്. മലയാളത്തിന്റെ പ്രിയനടൻ മോഹൻലാൽ ആദ്യമായി സംവിധായകനാവുന്ന ബറോസ് ബുധനാഴ്ച ക്രിസ്മസ് ദിനത്തിൽ റിലീസിനെത്തുകയാണ്.  പ്രിയപ്പെട്ട കൂട്ടുകാരന്റെ ജീവിതത്തിലെ ആ സ്പെഷൽ ഡേയ്ക്ക് അനുഗ്രഹാശ്ശിസ്സുകൾ നേർന്നുകൊണ്ട് മമ്മൂട്ടിയും സമൂഹമാധ്യമങ്ങളിൽ കുറിപ്പു പങ്കിട്ടിരുന്നു. 

"ഇത്ര കാലം അഭിനയ സിദ്ധി കൊണ്ട് നമ്മളെ ത്രസ്സിപ്പിക്കുകയും, അത്ഭുതപ്പെടുത്തുകയും ചെയ്ത മോഹൻലാലിന്റെ ആദ്യ സിനിമ സംവിധാന സംരംഭമാണ് ‘ബറോസ് .  ഇക്കാലമത്രയും അദ്ദേഹം നേടിയ അറിവും പരിചയവും ഈ സിനിമക്ക് ഉതകുമെന്ന് എനിക്കുറപ്പുണ്ട്. എന്റെ പ്രിയപ്പെട്ട ലാലിന് വിജയാശംസകൾ നേരുന്നു, പ്രാർത്ഥനകളോടെ സസ്നേഹം
സ്വന്തം മമ്മൂട്ടി," എന്നാണ് മെഗാസ്റ്റാറിന്റെ ആശംസ.

Read More

• 'ആശുപത്രിയിലുള്ള കുട്ടിയുടെ വിവരം ഓരോ നിമിഷവും തിരക്കുന്നു' ; അല്ലു അർജുൻ
• 'ഇനി സിനിമ ഹിറ്റായിക്കോളും;' സ്ത്രീ മരച്ചത് അറിഞ്ഞ് അല്ലു അർജുൻ പറഞ്ഞത് ഇങ്ങനെ; ആരോപണവുമായി എംഎൽഎ
• പൃഥ്വിയുടെ അല്ലിയും ഷാരൂഖിന്റെ അബ്രാമും ഐശ്വര്യയുടെ ആരാധ്യയും ഒരേ സ്കൂളിലോ? വൈറലായി വീഡിയോ
• മമ്മൂക്ക മാത്രമല്ല, ഞാനുമുണ്ട്: സ്വയം എയറിൽ കേറി പിഷാരടി
• ബേസിൽ യൂണിവേഴ്സിറ്റിയിലേക്ക് പുതിയ എൻട്രി; മമ്മൂക്കയെ കുടുക്കിയത് കൊച്ചുകുറുമ്പി
• ഇതിപ്പോ ട്രെൻഡായി മാറിയോ?; ബേസിൽ യൂണിവേഴ്സിൽ പുതിയ അഡ്മിഷനായി രമ്യ നമ്പീശൻ