Empuraan: സ്റ്റീഫൻ ഗോവർദ്ധനനോട് പറഞ്ഞതെല്ലാം പകൽ പോലെ സത്യം: ആ കത്ത് പങ്കുവച്ച് പൃഥ്വിരാജ്

Only 1 Day Left for the Much-Awaited Empuraan: ഏവരും ആകാംക്ഷയോടെ കാത്തിരിക്കുന്ന എമ്പുരാൻ തിയേറ്ററുകളിൽ എത്താൻ ഇനി മണിക്കൂറുകൾ മാത്രം ബാക്കി. ഏപ്രിൽ 27ന് 6 മണിയ്ക്കാണ് ചിത്രത്തിന്റെ ആദ്യ ഷോ ആരംഭിക്കുക.

റിലീസിനു മുന്നോടിയായി, പൃഥ്വിരാജ് സമൂഹമാധ്യമങ്ങളിൽ പങ്കുവച്ച കത്ത് ലൂസിഫർ പറഞ്ഞു ബാക്കി വച്ചിടത്തു നിന്നുമാണ് എമ്പുരാൻ ആരംഭിക്കുന്നതെന്ന സൂചനയാണ് തരുന്നത്. ലൂസിഫറിൽ സ്റ്റീഫൻ നെടുമ്പള്ളി എന്ന ഖുറേഷി എബ്രാം സത്യാന്വേഷിയായ ഗോവർദ്ധനന് അയക്കുന്ന ഒരു കത്തുണ്ട്. ആ കത്താണ് പൃഥ്വിരാജ് സോഷ്യൽ മീഡിയയിൽ പങ്കിട്ടിരിക്കുന്നത്.

"പ്രിയപ്പെട്ട ഗോവർദ്ധൻ,
താങ്കൾ എന്നെക്കുറിച്ച് മനസ്സിലാക്കിയതൊക്കെ നേരാണ്.
കേരളം ഭയക്കാതിരുന്ന, എന്നാൽ ഭയക്കേണ്ട ഏറ്റവും വലിയ വിഷസർപ്പം 'രാജവെമ്പാല' ഞാൻ തന്നെയാണ്. 
നിങ്ങൾ കണ്ടെത്തിയ മറ്റെല്ലാ സത്യങ്ങളും സത്യം തന്നെയാണ്. നിങ്ങൾ തെരെഞ്ഞെടുതത വഴികളിലൂടെ തുടർന്നു കൊണ്ടേയിരിക്കുക.

സത്യാന്വേഷികളെ ഈ നാടിന് ആവശ്യമാണ്. ഈ കത്ത് നിങ്ങൾ വായിക്കുമ്പോൾ നിങ്ങളറിയാതെ നിങ്ങളെ കാത്തിരിക്കുന്ന മറ്റൊരു സമ്മാനമുണ്ട്. 

ആശ്രയത്തിലേക്ക് ചെല്ലുക.

സസ്നേഹം
നിങ്ങൾ എന്നും വെറുക്കേണ്ട,
നിങ്ങൾ മാത്രം കണ്ടെത്തിയ,
നിങ്ങളുടെ സ്വന്തം L," കത്തിലെ വരികളിങ്ങനെ.

"അന്തിമമായി ഒരു നാമം ഉണ്ടായിരുന്നു.
ആ നാമം ലൂസിഫറിന്റെ പക്കലായിരുന്നു.
ആ നാമവും ലൂസിഫർ തന്നെയായിരുന്നു," എന്ന അടിക്കുറിപ്പോടെയാണ് പൃഥ്വി ഈ പോസ്റ്റ് പങ്കുവച്ചിരിക്കുന്നത്.

ലൂസിഫർ ബാക്കി വച്ച ഒരുപാട് ചോദ്യങ്ങളുണ്ട്. ആ ചോദ്യങ്ങളിലൊന്നാണ്, മറ്റാർക്കുമറിയാത്തൊരു ഖുറേഷി എബ്രാമിനെ ഗോവർദ്ധനൻ കണ്ടെത്തി എന്നത്. ആ ചോദ്യത്തിനുള്ള ഉത്തരം കൂടിയാണ് എമ്പുരാനിൽ പ്രേക്ഷകർ പ്രതീക്ഷിക്കുക.

എമ്പുരാൻ ട്രെയിലറിലും ക്യാരക്ടർ പോസ്റ്ററിലുമെല്ലാം ഗോവർദ്ധനായി അഭിനയിക്കുന്ന ഇന്ദ്രജിത്തിനെയും ഗോവർദ്ധനന്റെ ഭാര്യയായി അഭിനയിക്കുന്ന ശിവദയേയും കാണാം.

Read More

• ജിംഖാനയ്ക്ക് വേണ്ടി ഇടികൊണ്ട് പഴുക്കാൻ വരെ തയ്യാറാണ് ടീംസ്: ആലപ്പുഴ ജിംഖാന ട്രെയിലർ
• ഇന്ത താടിയാലെ ആർക്കാടാ പ്രശ്നം; എക്സ്‌ട്രാ കൂളാണ് ലാലേട്ടൻ, തുടരും ട്രെയിലർ
• വിനീത് ശ്രീനിവാസനില്‍ നിന്നും ഇങ്ങനെ പ്രതീക്ഷിച്ചില്ല, എന്താണ് കാണിച്ചുവച്ചിരിക്കുന്നത്: അഭിഷേക് ജയദീപ്
• മമ്മൂട്ടി ചെമ്പിലെ വീട്ടിലെത്തിയപ്പോൾ; ഒരു പഴയകാല വീഡിയോ
• Bromance OTT: ബ്രോമാൻസ് എപ്പോൾ ഒടിടിയിൽ എത്തും?
• 'ദൃശ്യം 3' ഈ വർഷം? അപ്ഡേറ്റ് പങ്കുവച്ച് മോഹൻലാൽ
• എമ്പുരാനായി പ്രാർത്ഥനയോടെ മല്ലിക സുകുമാരൻ ഗൂരുവായൂർ ക്ഷേത്രത്തിൽ
• ഈ പടക്കളത്തിലേക്കാണല്ലോ ദൈവമേ സ്പ്ലെൻഡറും കൊണ്ട് ഇറങ്ങിയത്!
• മലയാളത്തിന്റെ അഭിമാനതാരം വളർന്ന വീടാണിത്
• 15-ാം വയസ്സുമുതൽ അമ്മയ്ക്കും 5 സഹോദരങ്ങൾക്കും തണലായവൾ; ഈ നടിയെ മനസ്സിലായോ?