ക്യൂട്ട് ഭാവങ്ങളുമായി റാഹ; വൈറലായി ചിത്രങ്ങൾ

ഏറെനാൾ മീഡിയയുടെയും പാപ്പരാസികളുടെയും കൺമുന്നിൽ നിന്ന് മകൾ റാഹയുടെ മുഖം മറച്ചുപിടിക്കുകയായിരുന്നു ബോളിവുഡ് താരദമ്പതികളായ ആലിയ ഭട്ടും രൺബീർ കപൂറും.  മകളുടെ മുഖം വ്യക്തമായി കാണുന്ന ചിത്രങ്ങളൊന്നും ആലിയയും രൺബീറും സമൂഹമാധ്യമങ്ങളിൽ പങ്കുവച്ചിരുന്നില്ല. മാത്രമല്ല, മകളുടെ ചിത്രങ്ങൾ പകർത്തരുതെന്ന് ആലിയയും രൺബീറും പാപ്പരാസികളോട് അഭ്യർത്ഥിക്കുകയും ചെയ്തിരുന്നു. കഴിഞ്ഞ ക്രിസ്മസ് ദിനത്തിലാണ് ആദ്യമായി മകളെ ലോകത്തിനു പരിചയപ്പെടുത്തിയത്. 

കഴിഞ്ഞ ദിവസം, അനന്ത് അംബാനിയുടെ പ്രീ- വെഡ്ഡിങ് ആഘോഷങ്ങളിൽ പങ്കെടുക്കാൻ ആലിയയും രൺബീറുമെത്തിയത് റാഹയുമായിട്ടായിരുന്നു. ചടങ്ങിൽ നിന്നുള്ള റാഹയുടെ ചിത്രങ്ങളും വീഡിയോകളും സമൂഹമാധ്യമങ്ങളിൽ വൈറലാണ്.

View this post on Instagram

A post shared by Viral Bhayani (@viralbhayani)

പപ്പയുടെ കൈകളിലിരിക്കുന്ന റാഹയുടെ വീഡിയോയും ശ്രദ്ധ നേടുകയാണ്. ക്യൂട്ട് ഭാവങ്ങളാണ് റാഹയിൽ കാണാനാവുക.

View this post on Instagram

A post shared by Voompla (@voompla)

2022 നവംബർ ആറിനായിരുന്നു റാഹയുടെ ജനനം. സമാധാനം, സ്വാതന്ത്ര്യം, സന്തോഷം എന്നൊക്കെയാണ് പല ഭാഷകളിലായി 'റാഹ' എന്നതിന്റെ അർത്ഥം.

കപൂർ കണ്ണുകൾ ലഭിച്ച പെൺകുട്ടി എന്നാണ് സോഷ്യൽ മീഡിയ റാഹയെ വിശേഷിപ്പിക്കുന്നത്. ആ കണ്ണുകൾ അത്ര സാധാരണമല്ല. കപൂർ കുടുംബാംഗങ്ങളിൽ പലരിലും കണ്ടുവരുന്ന  അൽപ്പം ഇളം നിറമുള്ള കണ്ണുകളാണ് റാഹയ്ക്കും കിട്ടിയിരിക്കുന്നത്. ഇളം നീല കണ്ണുകളായിരുന്നു രാജ് കപൂറിന്, കരീഷ്മ കപൂറിനും സമാനമായ ഇളം നീല കണ്ണുകൾ ലഭിച്ചപ്പോൾ  കരീന കപൂറിന് കിട്ടിയത് ഇളം പച്ച കണ്ണുകളാണ്. രൺബീറിന്റെ പിതാവായ ഋഷി കപൂറിനും ഇളം നീല നിറമുള്ള കണ്ണുകളായിരുന്നു.

Read More Entertainment Stories Here

• ഒടുവിൽ ചിരിച്ചു കണ്ടേ: കുഞ്ഞു റാഹയുടെ ചിരിയിൽ മയങ്ങി ആരാധകർ
• എന്റെ മോൻ സ്മാർട്ടാ, അതാ കൂടെ പോന്നത്; സുപ്രിയയെക്കുറിച്ച് മല്ലിക
• പൂ ചോദിച്ചപ്പോൾ പൂന്തോട്ടം നൽകി മഞ്ഞുമ്മൽ ബോയ്സ്; ആരാധിക ഹാപ്പി
• തിരിച്ചുവിളി കാത്ത് ആരാധകൻ; മകനേ മടങ്ങി വരൂ എന്ന് ബേസിൽ
• ആദ്യ ക്രഷ് ഷാരൂഖ്; എന്നിട്ടും നായികയാവാൻ വിളിച്ചപ്പോൾ നോ പറഞ്ഞ് മധുബാല