മലയാളത്തിന്റെ അഭിമാനതാരം വളർന്ന വീടാണിത്

തിരുവനന്തപുരം മുടവൻമുഗളിലെ കേശവദേവ് റോഡിലെ ഹിൽവ്യൂ എന്ന വീട്. ആ വീടിന് ഇന്നൊരു മേൽവിലാസമേയുള്ളൂ, മോഹൻലാൽ. മലയാളത്തിന്റെ അഭിമാനതാരം മോഹൻലാലിന്റെ ബാല്യവും കൗമാരവും യൗവ്വനവുമൊക്കെ ചെലവഴിച്ചത് ഈ വീട്ടിലാണ്.

ഈ വീട്ടിൽ നിന്നുമാണ് മലയാള സിനിമയിലെ ആ സൂപ്പർസ്റ്റാറിന്റെ പിറവി.  മോഹൻലാലിന്റെ സിനിമാജീവിതത്തിലും ഈ വീടിനു ഏറെ പ്രാധാന്യമുണ്ട്. മോഹൻലാലിന്റെ സിനിമാജീവിതം ആരംഭിക്കുന്നതും ഈ വീട്ടിൽ നിന്നാണ്. 1978ല്‍ 'തിരനോട്ടം' എന്ന സിനിമയുടെ ഏതാനും ഭാഗങ്ങൾ ചിത്രീകരിച്ചതും ഈ വീട്ടിലാണ്.

''എന്റെ മൂന്നാമത്തെ വയസ്സിലാണ് മുടവന്‍മുഗളിലെ വീട് അച്ഛന്‍ പണികഴിപ്പിച്ചത്. അതിനുമുമ്പ് തിരുവനന്തപുരത്ത് വാടകവീട്ടിലായിരുന്നു ഞങ്ങള്‍ താമസിച്ചത്. വീടിന് 'ഹില്‍ വ്യൂ' എന്നു പേരിട്ടതും അച്ഛനാണ്. അന്നു മുടവന്‍മുഗള്‍ അധികം വീടുകളൊന്നുമില്ല. വീടിന്റെ മുന്‍ഭാഗത്ത് ഒരു ഹാളും മുകളില്‍ ഒരു മുറിയും പിന്നീടാണ് പണിതത്. കിഴക്ക് മലകളും പടിഞ്ഞാറുഭാഗത്ത് കടലുമായി പ്രകൃതിയുടെ വരദാനം പോലെയാണ് ആ വീട്. അച്ഛനും അമ്മയും ജ്യേഷ്ഠനും ഞാനുമടങ്ങുന്ന ഞങ്ങളുടെ ചെറിയ കുടുംബത്തിന് ഹില്‍ വ്യൂ സ്വര്‍ഗം തന്നെയായിരുന്നു,'' ഏറ്റവും പ്രിയപ്പെട്ട തന്റെ കുടുംബവീടിനെ കുറിച്ച് ഒരിക്കൽ സ്റ്റാര്‍ ആന്റ് സ്‌റ്റൈലിനു നൽകിയ അഭിമുഖത്തിൽ മോഹൻലാൽ പറഞ്ഞതിങ്ങനെ.

"ജീവിതത്തിലെന്നപോലെ സിനിമയിലെയും എന്റെ ആദ്യ വീടാണിത്. തിരനോട്ടത്തിന്റെ കുറെ ഭാഗങ്ങള്‍ ഇവിടെയാണ് ഷൂട്ട് ചെയ്തത്. അശോകും സുരേഷും പ്രിയനും സനലും കുമാറുമെല്ലാം ഒരു കുടുംബം പോലെ ഞങ്ങള്‍ക്കൊപ്പം ഈ വീട്ടില്‍ കഴിഞ്ഞു. വീടിനു മുന്നിലുള്ള റോഡിലൂടെ സൈക്കിള്‍ ചവിട്ടിവരുന്ന രംഗമാണ് ആദ്യം ചിത്രീകരിച്ചത്. അതായിരുന്നു സിനിമയിലെ എന്റെ ആദ്യ ഷോട്ട്," മോഹൻലാൽ പറയുന്നു.

1960 മേയ് 21 നാണ് പത്തനംത്തിട്ട ജില്ലയിലെ ഇലന്തൂരിൽ വിശ്വനാഥൻ നായരുടേയും ശാന്താകുമാരിയുടേയും രണ്ടാമത്തെ പുത്രനായി മോഹൻലാൽ ജനിച്ചത്. പിന്നീട് തിരുവനന്തപുരത്തേക്ക് താമസം മാറുകയായിരുന്നു.  മോഹൻലാലിന്റെയും സുചിത്രയുടെയും വിവാഹം നടന്നതും ഈ വീട്ടിൽ താമസിക്കുമ്പോഴാണ്. 

Read More

• Empuraan and the Illuminati: എന്താണ് സത്യത്തിൽ ഈ ഇല്ലുമിനാറ്റി?
• 'ചേട്ടൻ വിളിച്ചിട്ട് വന്നവൻ' തന്നെ ചേട്ടന് എതിരാവുമോ? എമ്പുരാനിലെ വില്ലൻ ടൊവിനോയോ?
• Empuraan: ആരാണ് എമ്പുരാനിലെ ആ മിസ്റ്ററി ഡ്രാഗൺ മാൻ?
• മുടക്കുമുതൽ 75 കോടി, ആകെ നേടിയത് 23.5 കോടി; ഫെബ്രുവരി ചിത്രങ്ങളുടെ ബോക്സ് ഓഫീസ് കണക്കുകളിങ്ങനെ
• Officer on Duty OTT: ഓഫീസര്‍ ഓൺ ഡ്യൂട്ടി ഒടിടിയിലെത്തി, എവിടെ കാണാം?