മുടക്കുമുതൽ 75 കോടി, ആകെ നേടിയത് 23.5 കോടി; ഫെബ്രുവരി ചിത്രങ്ങളുടെ ബോക്സ് ഓഫീസ് കണക്കുകളിങ്ങനെ

ഫെബ്രുവരി മാസത്തെ റിലീസുകളുടെ ബജറ്റും കളക്ഷനും പുറത്തുവിട്ട് പ്രൊഡ്യൂസേഴ്സ് അസോസിയേഷൻ. 1.6 കോടി ബജറ്റിലൊരുക്കിയ ലവ്‍ഡെയില്‍ എന്ന ചിത്രത്തിന്റെ ബോക്സ് ഓഫീസ് കളക്ഷൻ വെറും 10,000 രൂപയാണ്

Written byEntertainment Desk

ഫെബ്രുവരി മാസത്തെ റിലീസുകളുടെ ബജറ്റും കളക്ഷനും പുറത്തുവിട്ട് പ്രൊഡ്യൂസേഴ്സ് അസോസിയേഷൻ. 1.6 കോടി ബജറ്റിലൊരുക്കിയ ലവ്‍ഡെയില്‍ എന്ന ചിത്രത്തിന്റെ ബോക്സ് ഓഫീസ് കളക്ഷൻ വെറും 10,000 രൂപയാണ്

Entertainment Desk

20 Mar 2025 13:43 IST

New Update

February 2025 Box Office Report — February Box Office Report: Malayalam Cinema Faces 52 Crore Loss

1/18

മലയാള സിനിമകളുടെ ബോക്സ് ഓഫീസ് കളക്ഷനുകൾ പെരുപ്പിച്ചു കാണിക്കുന്നതിനെതിരെ കടുത്ത വിമർശനങ്ങളുമായി പ്രൊഡ്യൂസേഴ്സ് അസോസിയേഷൻ പലകുറി സംസാരിച്ചിട്ടുണ്ട്. ഈ പ്രവണതയെ ഇല്ലാതാക്കാനായി ഓരോ മാസത്തെയും റിലീസുകളുടെ ബജറ്റും കളക്ഷനും ഔദ്യോഗികമായി പ്രസിദ്ധീകരിക്കുക എന്ന നടപടിയും പ്രൊഡ്യൂസേഴ്സ് അസോസിയേഷൻ കൈകൊണ്ടിരുന്നു.

2/18

ഇപ്പോഴിതാ, ഫെബ്രുവരി മാസം റിലീസ് ചെയ്ത 16 ചിത്രങ്ങളുടെ ബജറ്റ്, കളക്ഷൻ എന്നിവ സംബന്ധിച്ച വിവരങ്ങൾ പങ്കുവച്ചിരിക്കുകയാണ് പ്രൊഡ്യൂസേഴ്സ് അസോസിയേഷന്‍. ഈ 16 ചിത്രങ്ങൾക്കും കൂടി ആകെ മുതല്‍മുടക്ക് 75 കോടിയാണ്. അതേസമയം ഇവയുടെ തിയേറ്റർ ഷെയറായി ലഭിച്ചത് 23.5 കോടിയാണെന്നാണ് അസോസിയേഷൻ സ്ഥിരീകരിക്കുന്നത്. തിയേറ്ററില്‍ നിന്നും ലഭിക്കുന്ന കളക്ഷനില്‍ നിന്ന് വിനോദ നികുതി ഉള്‍പ്പെടെയുള്ളവ നീക്കിയതിന് ശേഷമുള്ള തുകയാണ് തിയേറ്റര്‍ ഷെയര്‍ അഥവാ നെറ്റ് കളക്ഷന്‍ എന്നു പറയുന്നത്. പ്രൊഡ്യൂസേഴ്സ് അസോസിയേഷന്‍ പ്രസിദ്ധീകരിച്ച ലിസ്റ്റ് പ്രകാരം ഓരോ ചിത്രങ്ങളുടെ ബജറ്റും കളക്ഷനും എത്രയെന്നു നോക്കാം.