War 2 Teaser: ഈ യുദ്ധം ഇന്ത്യയിലെ ഏറ്റവും മികച്ച സൈനികനുമായി; വാർ 2 ടീസർ

War 2 Teaser: ആരാധകർ ഏറെ പ്രതീക്ഷയോടെ കാത്തിരിക്കുന്ന അയാൻ മുഖർജിയുടെ വാർ 2 എന്ന ചിത്രത്തിന്റെ ടീസർ എത്തി.  ജൂനിയർ എൻടിആറിന്റെ ജന്മദിനത്തോട് അനുബന്ധിച്ചാണ് ടീസർ പുറത്തുവിട്ടിരിക്കുന്നത്. ജൂനിയർ എൻടിആറിന്റെ ഹിന്ദി  അരങ്ങേറ്റചിത്രമാണിത്. ഹൃത്വിക് റോഷനും ജൂനിയർ എൻടിആറിനുമൊപ്പം കിയാര അദ്വാനിയും ഈ ചിത്രത്തിലുണ്ട്. 

 റോ ഏജന്റ് മേജർ കബീർ ധലിവാളായി ഹൃത്വിക് വീണ്ടും അഭിനയിക്കുമ്പോൾ, ഹിന്ദി സിനിമയിലെ തന്റെ അരങ്ങേറ്റം ഗംഭീരമാക്കാനുള്ള തയ്യാറെടുപ്പിലാണ് ജൂനിയർ എൻടിആർ. 

ഹൃതിക് റോഷന്റെ കബീറിനെ കാണാനുള്ള തന്റെ ആഗ്രഹം പ്രകടിപ്പിക്കുന്ന എൻ‌ടി‌ആർ ജൂനിയറിന്റെ വോയ്‌സ്‌ഓവറോടെയാണ് ടീസർ ആരംഭിക്കുന്നത്,  "ഇന്ത്യയിലെ ഏറ്റവും മികച്ച സൈനികനും റോയുടെ ഏറ്റവും മികച്ച ഏജന്റും" എന്നാണ് കബീറിനെ വിശേഷിപ്പിക്കുന്നത്.   "നിങ്ങൾക്ക് എന്നെ അറിയില്ല, പക്ഷേ നിങ്ങൾ ഉടൻ എന്നെ അറിയും," എന്ന എൻടിആർ ജൂനിയറിന്റെ ടീസറിലെ വാക്കുകൾ  സ്ഫോടനാത്മകമായ ഏറ്റുമുട്ടലിനെക്കുറിച്ചുള്ള സൂചനയാണ് നൽകുന്നത്. 

ഏക് താ ടൈഗർ, ടൈഗർ സിന്ദാ ഹേ, വാർ, പത്താൻ, ടൈഗർ 3 എന്നിവയ്ക്ക് ശേഷം യാഷ് രാജ് ഫിലിംസിന്റെ സ്പൈ യൂണിവേഴ്‌സിലെ ആറാമത്തെ ഭാഗമാണ് വാർ 2. ആലിയ ഭട്ടും ഷർവാരിയും അഭിനയിക്കുന്ന വരാനിരിക്കുന്ന ആൽഫയിലൂടെ ഫ്രാഞ്ചൈസി കൂടുതൽ വികസിക്കും. 

ടൈഗർ ഷ്രോഫിനെ നായകനാക്കി സിദ്ധാർത്ഥ് ആനന്ദ് സംവിധാനം ചെയ്ത, വാർ (2019 )  ബ്ലോക്ക്ബസ്റ്ററായിരുന്നു.  ആ റെക്കോർഡുകൾ മറികടക്കുമെന്ന് വാഗ്ദാനം ചെയ്തുകൊണ്ടാണ് വാർ 2ന്റെ വരവ്. ഇറ്റലി, സ്പെയിൻ, ജപ്പാൻ, അബുദാബി, റഷ്യ, മുംബൈ എന്നീ ആറ് രാജ്യങ്ങളിലായി ചിത്രീകരിച്ച ആക്ഷൻ സീക്വൻസുകളാണ് ചിത്രത്തിലെ ഹൈലൈറ്റ്. വൈആർഎഫ് ചാരലോകത്തിലേക്ക് മറ്റു താരങ്ങൾ അതിഥി വേഷങ്ങളിൽ എത്തുമെന്ന അഭ്യൂഹങ്ങളും നിലനിൽക്കുന്നുണ്ട്. 2025 ആഗസ്റ്റ് 15നാണ് ചിത്രം തിയേറ്ററുകളിലെത്തുക. 

Read More

• തുടരെ ആശുപത്രിവാസം, കടം വാങ്ങിയവരുടെ ചീത്തവിളി, പലരും ഫോൺ പോലും എടുക്കാതെയായി: കുറിപ്പുമായി മനീഷ
• അവതാരകയുടെ ചോദ്യങ്ങൾ അതിരുകടന്നു, അഭിമുഖത്തിൽ നിന്നിറങ്ങിപ്പോയി രേണു സുധി, വീഡിയോ
• യൂണിഫോം അണിഞ്ഞ് സ്കൂള്‍ കൂട്ടിയായി രേണു സുധി; വൈറലായി വീഡിയോ
• അവർ റെക്കോർഡുകളെ കുറിച്ച് സംസാരിക്കും, ഞാൻ ആരും കാണാത്ത നിങ്ങളുടെ പോരാട്ടങ്ങളും: അനുഷ്ക ശർമ
• അന്ന് നായികയ്ക്കു മുൻപെ നടന്ന വഴിപ്പോക്കൻ; ഇന്ന് നായകനെ വിറപ്പിച്ച എണ്ണം പറഞ്ഞ വില്ലൻ
• ജയിലർ 2 ചിത്രീകരണം; രജനീകാന്ത് കോഴിക്കോട്ടേക്ക്
• കീർത്തി സുരേഷിന്റെ ആസ്തി എത്രയെന്നറിയാമോ?