തെങ്ങു കയറിയും വള്ളം തുഴഞ്ഞും റിമ കല്ലിങ്കൽ; ശ്രദ്ധ കവർന്ന് തിയേറ്റർ ടീസർ

റിമ കല്ലിങ്കൽ പ്രധാന വേഷത്തിലെത്തുന്ന ‘തിയേറ്റർ: ദി മിത്ത് ഓഫ് റിയാലിറ്റി’യുടെ ടീസർ എത്തി. ദേശീയ അവാർഡ് കരസ്ഥമാക്കിയ ബിരിയാണിക്ക് ശേഷം സജിൻ ബാബു സംവിധാനം ചെയ്ത ചിത്രമാണിത്. ഈ ചിത്രത്തിലെ അഭിനയത്തിന്  മികച്ച നടിക്കുള്ള കേരള ഫിലിം ക്രിട്ടിക്സിന്റെ അവാർഡ് റിമയ്ക്ക് ലഭിച്ചിരുന്നു. 

സജിൻ ബാബു തന്നെയാണ് ചിത്രത്തിന്റെ രചന നിർവ്വഹിച്ചിരിക്കുന്നത്.  അഞ്ജന ടാക്കീസിന്റെ ബാനറിൽ അഞ്ജന ഫിലിപ്പും ഫിലിപ്പ് സക്കറിയയും ചേർന്നാണ് ചിത്രം നിർമ്മിച്ചിരിക്കുന്നത്. 

റിമ കല്ലിങ്കലിനെ കൂടാതെ സരസ ബാലുശ്ശേരി, ഡെയിന്‍ ഡേവിസ്, പ്രമോദ് വെളിയനാട്, കൃഷ്‌ണൻ ബാലകൃഷ്‌ണൻ, മേഘ രാജൻ, ആൻ സലിം, ബാലാജി ശർമ, ഡി രഘൂത്തമൻ, അഖിൽ കവലയൂർ, അപർണ സെൻ, ലക്ഷ്‌മി പത്മ, മീന രാജൻ, ആർ ജെ അഞ്ജലി, മീനാക്ഷി രവീന്ദ്രൻ, അശ്വതി, അരുൺ സോൾ, രതീഷ് രോഹിണി എന്നിവരാണ് ചിത്രത്തിലെ മറ്റു അഭിനേതാക്കൾ. 

ഛായാഗ്രഹണം ശ്യാമപ്രകാശ് എം എസ്,  എഡിറ്റിംഗ് അപ്പു ഭട്ടത്തിരി, സംഗീത സംവിധാനം  സെയ്‌ദ് അബാസ് എന്നിവർ നിർവ്വഹിച്ചിരിക്കുന്നു.