Bigg Boss: ഇത്തവണ ബിഗ് ബോസ് അൽപ്പം വൈകും; കാരണമിതാണ്

Bigg Boss malayalam Season 7: ലോകമെമ്പാടും നിരവധി ആരാധകരുള്ള റിയാലിറ്റി ഷോയാണ് ബിഗ് ബോസ്. കുറച്ചേറേ മാസങ്ങളായി, മലയാളം ബിഗ് ബോസിന്റെ ഏഴാം സീസണിനു വേണ്ടിയുള്ള കാത്തിരിപ്പിലാണ്  ആരാധകർ. 

ഏഷ്യാനെറ്റോ ബിഗ് ബോസ് അണിയറപ്രവർത്തകരോ ബിഗ് ബോസ് ഏഴാം സീസണിന്റെ  ലോഞ്ച് ഡേറ്റ് ഇതുവരെ പ്രഖ്യാപിച്ചിട്ടില്ല. കഴിഞ്ഞ മാർച്ചിലായിരുന്നു  മലയാളം ബിഗ് ബോസിന്റെ ആറാം സീസൺ ആരംഭിച്ചത്. എന്നാൽ പുതിയ സീസൺ അൽപ്പം വൈകിയേ എത്തൂ എന്നാണ് ഇപ്പോൾ ലഭിക്കുന്ന റിപ്പോർട്ട്.

ഷോയ്ക്കു മുൻപായുള്ള പ്രാരംഭജോലികളൊക്കെ പുരോഗമിക്കുന്നതേയുള്ളൂ. അതുമാത്രമല്ല, ഏഷ്യാനെറ്റിൽ ഐഡിയ സ്റ്റാർ സിംഗർ ആരംഭിക്കാൻ പോവുകയാണ്. സ്റ്റാർ സിംഗർ പൂർത്തിയായി കഴിഞ്ഞതിനു ശേഷം ഓഗസ്റ്റോടെയാവും ബിഗ് ബോസ് സംപ്രേഷണം ചെയ്യുക എന്നാണ് നിലവിലെ റിപ്പോർട്ട്. 

മോഹൻലാൽ ഉണ്ടാവുമോ?
ബിഗ് ബോസിന്റെ പല ഭാഷാ പതിപ്പുകളിലും അവതാരകൻ മാറുന്ന കാഴ്ചയാണ് കണ്ടത്. തമിഴ് ബിഗ് ബോസിന്റെ പുതിയ സീസണിൽ കമൽഹാസൻ ഉണ്ടായിരുന്നില്ല, പകരം അവതാരകനായി എത്തിയത് വിജയ് സേതുപതിയാണ്. അതുപോലെ, കന്നഡ ബിഗ് ബോസിന്റെ അടുത്ത സീസണിൽ കിച്ച സുദീപ് ഉണ്ടാകില്ലെന്നും പ്രഖ്യാപനമുണ്ടായിരുന്നു. മലയാളത്തിലും അവതാരകൻ മാറുമോ? അതോ അവതാരകനായി മോഹൻലാൽ തുടരുമോ? തുടങ്ങിയ സംശയങ്ങൾ പ്രേക്ഷകർക്കുമുണ്ട്. 

മുംബൈയിലോ ചെന്നൈയിലോ?
മുംബൈ, ചെന്നൈ എന്നീ ലൊക്കേഷനുകളിലാണ് പ്രധാനമായും മലയാളം ബിഗ് ബോസിന്റെ ഷൂട്ടിംഗ്. സീസൺ ഒന്നും സീസൺ നാലും അഞ്ചും മുംബൈയിൽ ആയിരുന്നു ചിത്രീകരിച്ചത്. എന്നാൽ ആറാം സീസൺ ചിത്രീകരിച്ചത് ചെന്നൈയിൽ ആണ്. ഈ വർഷം ചെന്നൈയാണോ മുംബൈ ആണോ ബിഗ് ബോസിനു വേദിയാവുക എന്ന കാര്യവും വ്യക്തമല്ല. എന്തൊക്കെ മാറ്റങ്ങളോടെയാണ് ബിഗ് ബോസ് എത്തുക എന്ന് കണ്ടറിയുക തന്നെ വേണം. 

Read More

• എന്തിനാണ് സിനിമകളിൽ ഇത്രയും വയലൻസ്?
• New OTT Release: ഒടിടിയിൽ പുതിയ സിനിമകൾ തിരയുന്നവരാണോ? ഇപ്പോൾ കാണാം 20 ചിത്രങ്ങൾ
• ഞാനൊരു വിവാഹം കഴിച്ചു, പിന്നെ ഡിവോഴ്സായി, ഡിപ്രഷനായി, ഇപ്പോൾ തിരിച്ചെത്തി: അർച്ചന കവി
• എൻ്റെ സ്വപ്നങ്ങളാണ് പ്രണവ് സാക്ഷാത്കരിക്കുന്നത്: മോഹൻലാൽ
• അന്നാണ് റാണ ആദ്യമായി വീട്ടിൽ വന്നത്, ഉമ്മച്ചിയ്ക്ക് ആളെ ഒരുപാട് ഇഷ്ടമായി; ദുൽഖർ
• വിവാഹം, ഡിവോഴ്സ്; വീണ്ടും രഞ്ജിത്തിനെ ജീവിതത്തിലേക്ക് കൂടെ കൂട്ടി പ്രിയാരാമൻ