Bigg Boss Malayalam Season 6: ബിഗ് ബോസ് മാമാങ്കം കൊടിയേറാൻ ഇനി 6 ദിവസങ്ങൾ മാത്രം

Bigg Boss malayalam Season 6:ബിഗ് ബോസ് മലയാളം സീസൺ ആറിന് തിരശ്ശീല ഉയരാൻ ഇനി ആറു നാളുകൾ മാത്രം ബാക്കി. മത്സാർത്ഥികൾ ആരൊക്കെയാണെന്ന് ആകാംക്ഷയോടെ കാത്തിരിക്കുന്ന പ്രേക്ഷകർക്കായി ഞായറാഴ്ച രണ്ട്‌ മത്സാർത്ഥികളെ  മോഹൻലാൽ പരിചയപ്പെടുത്തിയിരുന്നു.  ബിഗ് ബോസ് മലയാളത്തിന്റെ ചരിത്രത്തിൽ തന്നെ ആദ്യമാണ് ഷോ തുടങ്ങും മുൻപ് ഇത്തരത്തിലുള്ള ഒരു പരിചയപ്പെടുത്തൽ. ഫിസിക്കൽ എഡ്യൂക്കേഷൻ ടീച്ചറും ബൈക്ക് റൈഡറുമായ  രസ്മിൻ ഭായിയും യാത്രകൾ ഒരുപാടിഷ്ടപ്പെടുന്ന നിഷാനയുമാണ് സാധാരണക്കാരുടെ പ്രതിനിധിയായി ഈ സീസണിൽ മത്സരിക്കാനെത്തുന്നത്. 

പുതിയ കൗണ്ട് ഡൗൺ പ്രമോ പുറത്തുവിട്ടിരിക്കുകയാണ് ചാനൽ ഇപ്പോൾ. മാർച്ച് 10 ഞായറാഴ്ച രാത്രി ഏഴു മണിക്കാണ് ലോഞ്ച് എപ്പിസോഡ് സംപ്രേഷണം ചെയ്യുക. 

ഈ വർഷം  ചെന്നൈ ആണ് ബിഗ് ബോസിനു വേദിയാവുന്നത് എന്നാണ് റിപ്പോർട്ട്. രണ്ടും മൂന്നും സീസണുകൾ ചിത്രീകരിച്ചതും ചെന്നൈയിലെ ലൊക്കേഷനിലായിരുന്നു. ബാക്കിയെല്ലാ സീസണുകളിലും ബിഗ് ബോസ് ഹൗസൊരുക്കിയത് മുംബൈയിൽ ആയിരുന്നു.

ആറാം സീസണിന്റെ ഘടനയില്‍ തന്നെ മാറ്റമുണ്ടെന്നും നിരവധി  മാറ്റങ്ങളോടെയും ട്വിസ്റ്റുകളോടെയുമാണ് ഈ സീസൺ എത്തുന്നത് എന്നുമുള്ള  സൂചനയാണ് പ്രമോ നൽകുന്നത്. ഈ സീസണിൽ, നാലു ബെഡ് റൂമുകളുണ്ടാവുമെന്ന് പ്രൊമോ വീഡിയോയിൽ മോഹൻലാൽ വ്യക്തമാക്കുന്നുണ്ട്.  മറ്റു ഭാഷകളിലുള്ള ബിഗ് ബോസിൽ ഒന്നിലധികം ബെഡ് റൂമുകളും രണ്ട് വീടുമെല്ലാം പ്രേക്ഷകർ കണ്ട് പരിചരിച്ചതാണ്. എന്നാൽ മലയാളത്തില്‍ ഇതുവരേയും ഒരു വീടും ഒരു ബെഡ് റൂമുമായിരുന്നു മത്സരാർത്ഥികൾക്ക് ഉണ്ടായിരുന്നത്. അതിനാൽ തന്നെ, ബിഗ് ബോസ് വീടിനകത്തെ നാല് ബെഡ് റൂം എന്ന കൺസെപ്റ്റ് പ്രേക്ഷകർക്ക് പുതുമ സമ്മാനിക്കും. 

Read More Entertainment Stories Here

• Bigg Boss Malayalam 6 Contestants: ബിഗ് ബോസിൽ ആരെയൊക്കെ പ്രതീക്ഷിക്കാം?
• Bigg Boss Malayalam Season 6: യാത്രാപ്രേമി, സാഹസിക, ഫ്രീക്കത്തി വീട്ടമ്മ; നിഷാനയെ കുറിച്ചറിയാം
• Bigg Boss Malayalam Season 6: ആ വൈറൽ വീഡിയോയിലെ ടീച്ചർമാരിൽ ഒരാൾ: ബിഗ് ബോസ് മത്സരാർത്ഥി രസ്മിൻ ഭായിയെ കുറിച്ച് കൂടുതലറിയാം
• Bigg Boss Malayalam Season 6: ബിഗ്ഗ് ബോസ്സ് സീസൺ 6ൽ ഇവരുമുണ്ടാകും
• Bigg Boss Malayalam Season 6: ബീന ആന്റണി ബിഗ് ബോസിലേക്കോ?
• ചില മനുഷ്യരോട് എങ്ങനെയൊക്കെ നന്ദി പറഞ്ഞാലാണ് കടപ്പാട് തീരുക: സന്തോഷം പങ്കിട്ട് ജുനൈസ്
• 30 വർഷത്തെ കഷ്ടപ്പാട്, നല്ല വേഷത്തിനായി പലരോടും കെഞ്ചി, കളിയാക്കലുകൾ കേട്ടു, ഒടുവിൽ ഒരു മലയാളി വേണ്ടി വന്നു: കരച്ചിലടക്കാനാവാതെ തമിഴ് നടൻ