റോക്കിയ്ക്ക് പിന്നാലെ സിജോയും പുറത്തേക്കോ? ബിഗ് ബോസ് വീട്ടിൽ സംഭവിക്കുന്നതെന്ത്? Bigg Boss Malayalam 6

Bigg Boss malayalam 6: സഹമത്സരാർത്ഥിയായ സിജോയെ തല്ലിയതിനെ തുടർന്ന് കഴിഞ്ഞ ദിവസം അസി റോക്കിയെ ഷോയിൽ നിന്നും പുറത്താക്കിയിരുന്നു. റോക്കിയും സിജോയും തമ്മിലുള്ള വഴക്ക് കയ്യാങ്കളിയിലെത്തുകയും റോക്കി സിജോയുടെ മുഖത്തടിക്കുകയുമായിരുന്നു. അച്ചടക്ക നടപടിയുടെ ഭാഗമായി റോക്കിയെ ബിഗ് ബോസ് പുറത്താക്കുകയും ചെയ്തു. റോക്കിയുടെ പടിയിറങ്ങൽ വീടിനകത്തെ മത്സരാർത്ഥികളെ പലരെയും ബാധിച്ചിട്ടുണ്ട്.

ഇന്നലത്തെ വഴക്കിനിടെ റോക്കിയുടെ ഇടിയേറ്റ സിജോയുടെ മുഖത്ത് വീക്കം വന്നിരുന്നു. തനിക്ക് രാവിലെ മുതൽ ടോൺസിലൈറ്റിസിന്റെ ബുദ്ധിമുട്ട് ഉണ്ടെന്നും അതിനിടയിൽ ഇടിയും കൂടെ കിട്ടിയതോടെ ഉമിനീര് ഇറക്കാനും സംസാരിക്കാനുമൊക്കെ ബുദ്ധിമുട്ടുണ്ടെന്നും ഡോക്ടർമാർ രണ്ടുദിവസം വിശ്രമം പറഞ്ഞിരിക്കുകയാണെന്നും സിജോ ഇന്നലെ ഷോയ്ക്കിടയിൽ പറഞ്ഞിരുന്നു. ഭക്ഷണം കഴിക്കാനും സിജോ ബുദ്ധിമുട്ട് നേരിടുന്നുണ്ട്.  

ഇപ്പോഴിതാ, റോക്കിയ്ക്കു പിന്നാലെ സിജോയും ബിഗ് ബോസ് വീട്ടിൽ നിന്നും പുറത്തിറങ്ങി എന്ന റിപ്പോർട്ടാണ് പുറത്തുവരുന്നത്. പുതിയ പ്രൊമോയിൽ സിജോയെ കാണാത്തതാണ് ഇത്തരത്തിലുള്ള അഭ്യൂഹങ്ങൾ പടരാൻ കാരണമായിരിക്കുന്നത്. അതേസമയം, ചികിത്സയ്ക്കു വേണ്ടി സിജോയെ മാറ്റിയതാണെന്നും റിപ്പോർട്ടുകളുണ്ട്.വിദഗ്ദ ചികിത്സ ആവശ്യമെങ്കിൽ  സിജോയ്ക്ക് ഷോയിൽ നിന്ന് വിട്ടു നിൽക്കേണ്ടി വരുമെന്നും റിപ്പോർട്ടുകൾ പറയുന്നു.

View this post on Instagram

A post shared by Asianet (@asianet)

ആരോഗ്യാവസ്ഥ മൂലം മുൻപും മത്സരാർത്ഥികളെ ഷോയിൽ നിന്നും മാറ്റി നിർത്തിയിട്ടുണ്ട്. എന്നാൽ, നിശ്ചിത സമയത്തിനു അകത്തു മത്സരാർത്ഥികൾക്കു ആരോഗ്യം മെച്ചപ്പെടുത്തി തിരിച്ചുകയറാൻ കഴിഞ്ഞില്ലെങ്കിൽ പിന്നീട് ഷോയിലേക്ക് തിരിച്ചുകയറാനാവില്ല. മുൻ സീസണിൽ, റിനോഷ് ജോർജും ഈ രീതിയിൽ ഷോയിൽ നിന്നും പുറത്തുപോയിരുന്നു. അതിനാൽ തന്നെ, പെട്ടെന്ന് സുഖം പ്രാപിച്ച് സിജോയ്ക്ക് ബി​ഗ് ബോസിൽ തുടരാനാകുമോ എന്ന ആശങ്കയിലാണ് പ്രേക്ഷകർ. 

Read More Stories Here

• ആദ്യം കൂട്ടുകാരായാവർ, പിന്നീട് ശത്രുക്കളും, ഒടുവിൽ ഒരാൾ കണ്ണീരോടെ പുറത്തേക്ക്
• 6 വർഷത്തെ സ്വപ്നമാണ് കയ്യിൽ നിന്നും പോയത്; അലറിക്കരഞ്ഞും പതം പറഞ്ഞും റോക്കി
• സിജോയെ കയ്യേറ്റം ചെയ്തു; റോക്കി ഷോയിൽ നിന്നും പുറത്തേക്ക്
• ജാസ്മിൻ നല്ല ഗെയിമാണോ കളിച്ചത്?; പൊട്ടിത്തെറിച്ച് മോഹൻലാൽ
• പ്രെഷർ ഉണ്ടെങ്കിൽ വീട്ടിലിരിക്കണം; രതീഷിനോട് പൊട്ടിത്തെറിച്ച് ലാലേട്ടൻ
• അർജുൻ അർഹതപ്പെടാത്ത ക്യാപ്റ്റൻസിയുമായാണ് നിൽക്കുന്നത്: ഫിറോസ് ഖാൻ
• ആദ്യം ചായ ഉണ്ടാക്കാൻ പഠിക്ക്, എന്നിട്ട് ഇണ്ടാക്ക് നിലയും വിലയും: ട്രോൾമഴയിൽ നനഞ്ഞ് ബിഗ് ബോസ്