Bigg Boss Malayalam 6 Host: ബിഗ് ബോസിനായി മോഹൻലാൽ വാങ്ങുന്ന പ്രതിഫലം

Bigg Boss 6 malayalam  Host Mohanlal Remuneration: ബിഗ് ബോസ് മലയാളം സീസൺ ആറിന് തിരശ്ശീല ഉയരാൻ ഇനി അഞ്ചു ദിവസങ്ങൾ മാത്രം ബാക്കി.  ബിഗ് ബോസ് മത്സരാർത്ഥികളെ കുറിച്ചുള്ള പ്രവചനങ്ങളും ഊഹാപോഹങ്ങളുമൊക്കെയായി സോഷ്യൽ മീഡിയയും സജീവമാണ്. അതേസമയം,  ബിഗ് ബോസിനായി മോഹൻലാൽ വാങ്ങുന്ന പ്രതിഫലത്തെ കുറിച്ചുള്ള ചർച്ചകളും ഒരു വശത്ത് നടക്കുന്നുണ്ട്.

ഇന്ത്യയിലെ ഏറ്റവും പ്രിയപ്പെട്ട റിയാലിറ്റി ടെലിവിഷൻ ഷോകളിൽ ഒന്നാണ് ബിഗ് ബോസ്. 2006ൽ ഹിന്ദിയിൽ ആരംഭിച്ച ഫ്രാഞ്ചൈസി ഇന്ന് കന്നഡ, തമിഴ്, തെലുങ്ക്, മറാഠി, മലയാളം എന്നിങ്ങനെ വിവിധ ഇന്ത്യൻ ഭാഷകളിലേക്ക് വ്യാപിച്ചിരിക്കുന്നു. ഓരോ ഭാഷകളിലും അതാതു ഇൻഡസ്ട്രിയിലെ സൂപ്പർതാര പരിവേഷമുള്ള താരങ്ങളാണ് അവതാരകരായി എത്തുന്നത്. ഹിന്ദിയിൽ സൽമാൻ ഖാനും തമിഴിൽ കമൽഹാസനും കന്നഡയിൽ കിച്ച സുദീപും തെലുങ്കിൽ നാഗാർജുനയും മലയാളത്തിൽ മോഹൻലാലുമാണ് അവതാരകരായി എത്തുന്നത്.

ബിഗ് ബോസിനായി താരങ്ങൾ വാങ്ങുന്ന പ്രതിഫലം എത്രയാണെന്നറിയാമോ? 

സൽമാൻ ഖാൻ

ബിഗ് ബോസ് ഷോ അവതരിപ്പിക്കാൻ ഏറ്റവും കൂടുതൽ പ്രതിഫലം വാങ്ങുന്ന താരം സൽമാൻ ഖാനാണ്. തുടക്കത്തിൽ സൽമാന്റെ ഒരാഴ്ചയിലെ പ്രതിഫലം 2.5 കോടി രൂപ എന്ന കണക്കിലായിരുന്നു. എന്നാൽ പിന്നീട് പ്രതിഫലം ക്രമാനുഗതമായി ഇയർന്നു. ബിഗ് ബോസ് സീസൺ 17ന്റെ ഒരു വീക്കിലി എപ്പിസോഡിന് 12 കോടി എന്ന കണക്കിൽ ആണ് സൽമാൻ പ്രതിഫലം ഈടാക്കിയതെന്നും റിപ്പോർട്ടുണ്ട്. 

കിച്ച സുദീപ് 

ഹിന്ദി പതിപ്പിൻ്റെ വിജയത്തെ തുടർന്നാണ് ബിഗ് ബോസ് കന്നഡയിലും ആരംഭിക്കുന്നത്. 2013ലാണ് കന്നഡ ബിഗ് ബോസ് സംപ്രേഷണം ചെയ്തു തുടങ്ങിയത്. കന്നഡ ബിഗ് ബോസിന്റെ ഇതുവരെയുള്ള 11 സീസണുകളുടെയും അവതാരകൻ കിച്ച സുദീപ് ആണ്. 2015ൽ കളേഴ്‌സ് ചാനലുമായി ഉണ്ടാക്കിയ കരാറിൽ കിച്ച സുദീപിന്റെ പ്രതിഫലം 20 കോടി രൂപയായിരുന്നു. എന്നാൽ,  ഏറ്റവും പുതിയ സീസണിൽ കിച്ച സുദീപ് തന്റെ പ്രതിഫലം ഉയർത്തിയെന്നും റിപ്പോർട്ടുകളുണ്ട്. 

കമൽഹാസൻ

തമിഴ് ബിഗ് ബോസിന്റെ ശ്രദ്ധേയമുഖം കമൽഹാസനാണ്. ഷോയുടെ ഏഴാം സീസണിനു കമൽഹാസൻ വാങ്ങിയ പ്രതിഫലം വലിയ രീതിയിൽ ശ്രദ്ധ നേടിയിരുന്നു. 130 കോടി രൂപയാണ് തന്റെ പ്രതിഫലമായി കമൽഹാസൻ ആവശ്യപ്പെട്ടതെന്നാണ് റിപ്പോർട്ട്. 

നാഗാർജുന

12 ലക്ഷം രൂപ ഒരു എപ്പിസോഡിന് എന്ന കണക്കിൽ ഏതാണ്ട് 12 കോടി രൂപയാണ് ബിഗ് ബോസ് തെലുങ്ക് 2022ന് നാഗാർജുന പ്രതിഫലം വാങ്ങിയത്. അതേസമയം, ബിഗ് ബോസ് ആറാം സീസൺ ആതിഥേയത്വം വഹിച്ചതിന് 15 കോടി രൂപ പ്രതിഫലം വാങ്ങിയതായും റിപ്പോർട്ടുകളുണ്ട്.

മോഹൻലാൽ

2018ലാണ് മലയാളം ബിഗ് ബോസ് ആരംഭിക്കുന്നത്. ആദ്യം മുതൽ ഇതുവരെയുള്ള എല്ലാ സീസണിലും മോഹൻലാൽ തന്നെയാണ് അവതാരകനായി എത്തിയത്. ആദ്യ സീസണിൽ 12 കോടി രൂപയാണ് താരത്തിന് ലഭിച്ചത്.  തുടർന്നു വന്ന സീസണിൽ പ്രതിഫലം 18 കോടിയായി ഉയർത്തിയെന്നും റിപ്പോർട്ടുകൾ ഉണ്ടായിരുന്നു. 

പുതിയ സീസണിന്റെ പ്രതിഫലം കഴിഞ്ഞ സീസണിന് സമാനമായിരിക്കാം എന്നാണ് റിപ്പോർട്ട്. ഓരോ എപ്പിസോഡിലും 70 ലക്ഷം രൂപ വരെ താരം ഈടാക്കിയിരുന്നു എന്നും റിപ്പോർട്ടുകളുണ്ട്.  

Read More Entertainment Stories Here

• Read More Entertainment Stories Here

  • Bigg Boss Malayalam 6 Contestants: ബിഗ് ബോസിൽ ആരെയൊക്കെ പ്രതീക്ഷിക്കാം?
  • Bigg Boss Malayalam Season 6: ബിഗ് ബോസ് മാമാങ്കം കൊടിയേറാൻ ഇനി 6 ദിവസങ്ങൾ മാത്രം
  • Bigg Boss Malayalam Season 6: യാത്രാപ്രേമി, സാഹസിക, ഫ്രീക്കത്തി വീട്ടമ്മ; നിഷാനയെ കുറിച്ചറിയാം
  • Bigg Boss Malayalam Season 6: ആ വൈറൽ വീഡിയോയിലെ ടീച്ചർമാരിൽ ഒരാൾ: ബിഗ് ബോസ് മത്സരാർത്ഥി രസ്മിൻ ഭായിയെ കുറിച്ച് കൂടുതലറിയാം
  • Bigg Boss Malayalam Season 6: ബിഗ്ഗ് ബോസ്സ് സീസൺ 6ൽ ഇവരുമുണ്ടാകും
  • Bigg Boss Malayalam Season 6: ബീന ആന്റണി ബിഗ് ബോസിലേക്കോ?

: