India Vs England Twenty20: 'ഞങ്ങളുടെ നാല് ഇംപാക്റ്റ് സബ്സ്റ്റിറ്റ്യൂഷനുകൾ'; ഇന്ത്യയെ പരിഹസിച്ച് ബട്ട്ലർ

ഇംഗ്ലണ്ടിനെതിരായ ട്വന്റി20 പരമ്പര 4-1ന് സ്വന്തമാക്കിയെങ്കിലും പുനെയിൽ ഇന്ത്യ കൺകഷൻ സബ്സ്റ്റിറ്റ്യൂട്ടിനെ ഇറക്കിയത് സംബന്ധിച്ച വിവാദം ഇതുവരെ കെട്ടടങ്ങിയിട്ടില്ല. വാങ്കഡെയിൽ നടന്ന അഞ്ചാം ട്വന്റിയിൽ ടോസിന്റെ സമയം ഇന്ത്യയെ പരിഹസിച്ച് ഇംഗ്ലണ്ട് ക്യാപ്റ്റൻ ജോസ് ബട്ട്ലറും. 

ഞങ്ങളുടെ നാല് ഇംപാക്റ്റ് സബുകൾ എന്ന് പറഞ്ഞായിരുന്നു നാല് കളിക്കാരുടെ പേരുകൾ ജോസ് ബട്ട്ലർ ടോസിന്റെ സമയം പറഞ്ഞത്. "ഇന്ന് ഞങ്ങളുടെ നാല് ഇംപാക്റ്റ് സബുകൾ, റെഹാം അഹ്മദ്, സാഖിബ് മഹ്മൂദ്, ജാമി സ്മിത്ത്, അറ്റ്കിൻസൻ," ഇങ്ങനെയായിരുന്നു വാങ്കഡെയിൽ ടോസ് ജയിച്ചതിന് പിന്നാലെ ബട്ട്ലറിന്റെ വാക്കുകൾ. 

Jos Buttler not holding back.🔥
He actually announced 4 impact subs at toss itself.🤣😭 pic.twitter.com/TcHQEZsZ9D

— KS (@161atOptus) February 2, 2025

പുനെ ട്വന്റി20യിൽ ബാറ്റിങ്ങിനിടെ ഹെൽമറ്റിൽ പന്ത് കൊണ്ടതിനെ തുടർന്നാണ് ഓൾറൌണ്ടർ ശിവം ദുബെയ്ക്ക് പകരം പേസർ ഹർഷിത് റാണയെ ഇന്ത്യ കൺകഷൻ സബ്സ്റ്റ്യുട്ടായി ഇറക്കിയത്. ഓൾ റൌണ്ടർക്ക് പകരം പേസറെ കൺകഷൻ സബ്സ്റ്റിറ്റ്യൂട്ടായി ഇന്ത്യ ഇറക്കിയത് ചോദ്യം ചെയ്ത് നിരവധി പ്രതികരണങ്ങളാണ് ഉയർന്നത്. 

പുനെയിൽ ഹാർഡ് ഹിറ്റിങ്ങിലൂടെ അർധ ശതകം പിന്നിട്ട ദുബെയ്ക്ക് പകരം ഹർഷിതിനെ കൺകഷൻ സബ്സ്റ്റിറ്റ്യൂട്ടായി ഇറക്കാൻ അനുവദിച്ച മാച്ച് റഫറി ജവഗൽ ശ്രീനാഥിന്റെ തീരുമാനം ഇംഗ്ലീഷ് ക്യാപ്റ്റനേയും പ്രകോപിപ്പിച്ചിരുന്നു. "ലൈക്ക് ഫോർ ലൈക്ക്" പകരക്കാരനല്ല ഇത്. ഞങ്ങൾ ഇതിനോട് യോജിക്കുന്നില്ല. ദുബെയുടെ ബോളിങ്ങിന്റെ വേഗം കൂടിയോ? അതോ ഹർഷിത് തന്റെ ബാറ്റിങ് മെച്ചപ്പെടുത്തിയോ. ഞങ്ങൾ മത്സരം ജയിക്കേണ്ടതായിരുന്നു. ഈ തീരുമാനത്തോട് ഞങ്ങൾ വിയോജിക്കുന്നു. മാച്ച് റഫറിയോട് ഞങ്ങൾ ഇത് സംബന്ധിച്ച് ഏതാനും ചോദ്യങ്ങൾ ചോദിക്കും" , 15 റൺസിന് പുനെയിൽ തോൽവി വഴങ്ങിയതിന് പിന്നാലെ ബട്ട്ലർ പറഞ്ഞത് ഇങ്ങനെ. 

പുനെയിൽ ചെയ്സ് ചെയ്ത് ഇറങ്ങിയ ഇംഗ്ലണ്ടിനെ ഹർഷിതിന്റെ ബോളിങ് പിന്നോട്ട് വലിച്ചിരുന്നു. നാല് ഓവർ എറിഞ്ഞ ഹർഷിത് മൂന്ന് വിക്കറ്റാണ് വീഴ്ത്തിയത്. എന്നാൽ കൺകഷൻ സബ്സ്റ്റിറ്റ്യൂട്ടായി ഇറങ്ങി ട്വന്റി20യിലെ അരങ്ങേറ്റം ആഘോഷമാക്കിയെങ്കിലും പിന്നാലെ വന്ന വാങ്കഡെ ട്വന്റി20യിൽ പ്ലേയിങ് ഇലവനിൽ ഇടം പിടിക്കാൻ ഹർഷിതിന് സാധിച്ചില്ല. 

Read More

• india Vs England Twenty20: 97 റൺസിന് ഇംഗ്ലണ്ട് പുറത്ത്; ഇന്ത്യക്ക് കൂറ്റൻ ജയം
• Indian Women Cricket Team: ഇന്ത്യൻ പെൺപടയ്ക്ക് അഞ്ച് കോടി; പാരിതോഷികം
•  പ്രഖ്യാപിച്ച് ബിസിസിഐ
• Abhishek Sharma Century: വാങ്കഡേയിൽ 'അഭിഷേക് ഷോ'; 37 പന്തിൽ സെഞ്ചുറി
• India Vs England Twenty20: വീണ്ടും നിരാശപ്പെടുത്തി സഞ്ജു; അഞ്ചാം വട്ടവും വീണത് ഷോർട്ട് പിച്ച് പന്തിൽ
• India Women Cricket Team: രണ്ടാം വയസിൽ പ്ലാസ്റ്റിക് ബാറ്റിൽ പരിശീലനം; മകളിലൂടെ സ്വപ്നം കയ്യെത്തിപ്പിടിച്ച ഒരു അച്ഛൻ