Abhishek Sharma Century: വാങ്കഡേയിൽ 'അഭിഷേക് ഷോ'; 37 പന്തിൽ സെഞ്ചുറി

വാങ്കഡെയിൽ സിക്സ് മഴ പെയ്യിച്ച് റെക്കോർഡുകൾ തിരുത്തി എഴുതി ശതകം തൊട്ട് ഇന്ത്യൻ ഓപ്പണർ അഭിഷേക് ശർമ. പരമ്പരയിൽ ആശ്വാസ ജയം തേടി ഇറങ്ങിയ ഇംഗ്ലണ്ടിനെ തലങ്ങും വിലങ്ങും പ്രഹരിച്ച് അഭിഷേക് തന്നെ കന്നി ട്വന്റി20 സെഞ്ചുറി ആഘോഷമാക്കി. 37 പന്തിൽ നിന്നാണ് അഭിഷേക് ശർമ സെഞ്ചുറി തികച്ചത്. 

ഇന്ത്യൻ ഇന്നിങ്സിലെ പതിനൊന്നാം ഓവറിൽ ബ്രൈഡനെതിരെ സിംഗിളെടുത്താണ് അഭിഷേക് തന്റെ സ്കോർ മൂന്നക്കം കടത്തിയത്. ട്വന്റി20 ക്രിക്കറ്റിലെ ഒരു ഇന്ത്യൻ താരത്തിന്റെ ഏറ്റവും വേഗമേറിയ രണ്ടാമത്തെ സെഞ്ചുറിയാണ് ഇത്. 35 പന്തിൽ നിന്ന് 2017ൽ ട്വന്റി20 സെഞ്ചുറി നേടിയ രോഹിത് ശർമയുടെ പേരിലാണ് ഇന്ത്യൻ താരത്തിന്റെ വേഗമേറിയ സെഞ്ചുറിയുടെ റെക്കോർഡ്.

View this post on Instagram

A post shared by Team india (@indiancricketteam)

 സെഞ്ചുറി നേടുമ്പോൾ അഭിഷേകിന്റെ ബാറ്റിൽ നിന്ന് 10 സിക്സും അഞ്ച് ഫോറും പറന്ന് കഴിഞ്ഞിരുന്നു. അഭിഷേകിന്റെ ബാറ്റിങ് കരുത്തിൽ പവർപ്ലേയിൽ ഇന്ത്യൻ സ്കോർ ഒരു വിക്കറ്റ് നഷ്ടത്തിൽ 95 റൺസിലേക്ക് എത്തി. ഏഴ് ഓവറിൽ ഇന്ത്യൻ സ്കോർ ഒരു വിക്കറ്റ് നഷ്ടത്തിൽ 112 റൺസ്. വെറും 39 പന്തിൽ നിന്നാണ് ഇന്ത്യൻ സ്കോർ 100 കടന്നത്. ഒൻപത് ഓവറിലേക്ക് ഇന്ത്യൻ ഇന്നിങ്സ് എത്തിയപ്പോൾ 15ന് മുകളിലായിരുന്നു ഇന്ത്യയുടെ റൺറേറ്റ്. 

17 പന്തിൽ നിന്നാണ് അഭിഷേക് അർധ ശതകം കണ്ടെത്തിയത്.  ഒരു ഇന്ത്യൻ താരത്തിന്റെ ട്വന്റി20യിലെ രണ്ടാമത്തെ വേഗമേറിയ അർധ ശതകമാണ് ഇത്. രണ്ടാം വിക്കറ്റിൽ 115 റൺസ് ആണ് അഭിഷേകും തിലകും ചേർന്ന് കണ്ടെത്തിയത്. അതിന് ഇരുവരും എടുത്തത് 43 പന്തുകൾ മാത്രം. അതിൽ 89 റൺസും വന്നത് അഭിഷേക് ശർമയിൽ നിന്ന്. ഈ 89 റൺസ് വന്നത് 28 പന്തിൽ നിന്നാണ് എന്നതും അഭിഷേകിന്റെ ബാറ്റിങ് കരുത്ത് കാണിക്കുന്നു.

Read More

• India Women Cricket Team: രണ്ടാം വയസിൽ പ്ലാസ്റ്റിക് ബാറ്റിൽ പരിശീലനം; മകളിലൂടെ സ്വപ്നം കയ്യെത്തിപ്പിടിച്ച ഒരു അച്ഛൻ
• Under 19 Twenty20 World Cup: കൗമാരക്കപ്പ് വീണ്ടും റാഞ്ചി പെൺപട; അണ്ടർ 19 ട്വന്റി20 ലോക കിരീടത്തിൽ ഇന്ത്യൻ മുത്തം
• ടീമുള്ള 'ദ് ഹണ്ട്രഡ്' ക്രിക്കറ്റ് ടൂർണമെന്റ് എന്താണ്?
• സികെ നായിഡു ട്രോഫിയിൽ കേരളം ശക്തമായ നിലയിൽ; തുടക്കത്തിലേ അടിപതറി കർണാടക