Indian Women Cricket Team: ഇന്ത്യൻ പെൺപടയ്ക്ക് അഞ്ച് കോടി; പാരിതോഷികം പ്രഖ്യാപിച്ച് ബിസിസിഐ

തുടരെ രണ്ടാം വട്ടവും അണ്ടർ 19 വനിതാ ട്വന്റി20 ലോക കിരീടത്തിൽ മുത്തമിട്ട ഇന്ത്യൻ ടീമിന് അഞ്ച് കോടി രൂപ പാരിതോഷികം പ്രഖ്യാപിച്ച് ബിസിസിഐ. മലേഷ്യയിൽ നടന്ന ടൂർണമെന്റിൽ ഒരു മത്സരം പോലും തോൽക്കാതെയാണ് ഇന്ത്യ കിരീടം ചൂടിയത്. കലാശപ്പോരിൽ ദക്ഷിണാഫ്രിക്കയെ ഇന്ത്യ തോൽപ്പിച്ചത് ഒൻപത് വിക്കറ്റിന്. 

"തുടരെ രണ്ടാം വട്ടവും അണ്ടർ 19 ട്വന്റി20 ലോക കിരീടത്തിൽ മുത്തമിട്ട ഇന്ത്യൻ വനിതാ ടീമിന് ഹൃദയം നിറഞ്ഞ അഭിനന്ദനങ്ങൾ. ഈ വലിയ നേട്ടത്തിനുള്ള ആദര സൂചകമായി കിരീടം ചൂടിയ ഇന്ത്യൻ ടീമിന് ബിസിസിഐ അഞ്ച് കോടി രൂപ പാരിതോഷികം പ്രഖ്യാപിക്കുന്നു", ബിസിസിഐയുടെ പ്രസ്താവനയിൽ പറയുന്നു. 

ഇന്ത്യൻ ടീം അംഗങ്ങൾ, സപ്പോർട്ട് സ്റ്റാഫ് എന്നിവർക്കുൾപ്പെടെയാണ് അഞ്ച് കോടി രൂപ പാരിതോഷികം പ്രഖ്യാപിച്ചത്. ഈ കിരീട ജയം ഇന്ത്യയിലെ വനിതാ ക്രിക്കറ്റിന്റെ വളർച്ചയെയാണ് സൂചിപ്പിക്കുന്നതെന്ന് ബിസിസിഐ പ്രസിഡന്റ് റോജർ ബിന്നി പറഞ്ഞു. 

📸 📸

𝗠. 𝗢. 𝗢. 𝗗 straight after a memorable title triumph! ☺️ 🏆#TeamIndia 🇮🇳 | #U19WorldCuppic.twitter.com/nJOELSNO1f

— BCCI Women (@BCCIWomen) February 2, 2025

ബാറ്റിങ്ങിലും ബോളിങ്ങിലും തിളങ്ങിയ ജി തൃഷയാണ് കലാശപ്പോരിലേയും ടൂർണമെന്റിലേയും താരം. 309 റൺസ് ആണ് തൃഷ സ്കോർ ചെയ്തത്. വീഴ്ത്തിയത് ഏഴ് വിക്കറ്റും. ഫൈനലിലെ ദക്ഷിണാഫ്രിക്കയ്ക്ക് എതിരായ മൂന്ന് വിക്കറ്റ് നേട്ടവും ഇതിൽ ഉൾപ്പെടുന്നു. അണ്ടർ 19 ട്വന്റി20 വനിതാ ലോകകപ്പിൽ സെഞ്ചുറി നേടുന്ന ആദ്യ താരവുമായി തൃഷ മാറിയിരുന്നു. സ്കോട്ട്ലൻഡിന് എതിരെ സൂപ്പർ സിക്സ് മത്സരത്തിലാണ് തൃഷയുടെ ബാറ്റിൽ നിന്ന് മിന്നും സെഞ്ചുറി വന്നത്. 

ടൂർണമെന്റിൽ ഒരു ടീം പോലും ഇന്ത്യക്ക് വലിയ ഭീഷണി ഉയർത്തിയില്ല. സ്പിന്നർമാർ ഇന്ത്യക്കായി കരുത്ത് കാണിച്ച ടൂർണമെന്റായിരുന്നു ഇത്. വൈഷ്ണവി ശർമ 17 വിക്കറ്റഉം ആയുഷി ശുക്ല 14 വിക്കറ്റുമാണ് വീഴ്ത്തിയത്. ഫൈനലിൽ ദക്ഷിണാഫ്രിക്കയെ 82 റൺസിൽ ഇന്ത്യ ഒതുക്കിയിരുന്നു. പിന്നാലെ 33 പന്തിൽ നിന്ന് 44 റൺസ് നേടിയ തൃഷയുടെ ബാറ്റിങ് കരുത്തിൽ ഇന്ത്യ അനായാസം വിജയ ലക്ഷ്യം മറികടന്നു. 

Read More

• Abhishek Sharma Century: വാങ്കഡേയിൽ 'അഭിഷേക് ഷോ'; 37 പന്തിൽ സെഞ്ചുറി
• india Vs England Twenty20: വീണ്ടും നിരാശപ്പെടുത്തി സഞ്ജു; അഞ്ചാം വട്ടവും വീണത് ഷോർട്ട് പിച്ച് പന്തിൽ
• India Women Cricket Team: രണ്ടാം വയസിൽ പ്ലാസ്റ്റിക് ബാറ്റിൽ പരിശീലനം; മകളിലൂടെ സ്വപ്നം കയ്യെത്തിപ്പിടിച്ച ഒരു അച്ഛൻ
• Under 19 Twenty20 World Cup: കൗമാരക്കപ്പ് വീണ്ടും റാഞ്ചി പെൺപട; അണ്ടർ 19 ട്വന്റി20 ലോക കിരീടത്തിൽ ഇന്ത്യൻ മുത്തം
• ടീമുള്ള 'ദ് ഹണ്ട്രഡ്' ക്രിക്കറ്റ് ടൂർണമെന്റ് എന്താണ്?