മുഹമ്മദ് സിറാജ് സനയ് ഭോസ്ലെയെ ഡേറ്റ് ചെയ്യുന്നോ? വൈറലായി ഫോട്ടോ

നിലവിൽ ഇന്ത്യൻ വൈറ്റ് ബോൾ ടീമിന്റെ ഭാഗമല്ല ഫാസ്റ്റ് ബോളർ മുഹമ്മദ് സിറാജ്. ഐപിഎല്ലിൽ തന്റെ പുതിയ ടീം ഗുജറാത്ത് ടൈറ്റൻസിനായി മികച്ച പ്രകടനം പുറത്തെടുക്കാൻ ഒരുങ്ങുകയാണ് താരം. ഇതിന് ഇടയിൽ മുഹമ്മദ് സിറാജും പ്രശസ്ത ഗായിക ആശാ ഭോസ്ലെയുടെ കൊച്ചുമകളും തമ്മിൽ ഡേറ്റിങ്ങിലാണോ എന്ന നിലയിലെ ചോദ്യങ്ങളാണ് സമൂഹമാധ്യമങ്ങളിൽ ഉയരുന്നത്. സനയ് ഭോസ്ലെയുടെ ജന്മദിനാഘോഷ ചടങ്ങിൽ സിറാജ് പങ്കെടുത്തു എന്ന് പറയപ്പെടുന്ന ഫോട്ടോകളാണ് സമൂഹമാധ്യമങ്ങളിൽ ഇപ്പോൾ വൈറലാവുന്നത്. സനയ് ഭോസ്ലെയുടെ ഇൻസ്റ്റഗ്രാം അക്കൌണ്ട് എന്ന് അവകാശപ്പെടുന്ന പേജിൽ നിന്നാണ് ഫോട്ടോ പങ്കുവെച്ചിരിക്കുന്നത്. ഈ ഫോട്ടോ ചൂണ്ടിയാണ് ആരാധകരുടെ ചോദ്യങ്ങളെല്ലാം വരുന്നത്. 

സനയുടെ 23ാം ജന്മദിനാഘോഷത്തിന്റെ ഭാഗമായ പരിപാടിയിലാണ് ക്രിക്കറ്റ് താരം മുഹമ്മദ് സിറാജ്, ശ്രേയസ് അയ്യർ ഉൾപ്പെടെയുള്ള സെലിബ്രിറ്റികൾ പങ്കെടുത്തത്. ജന്മദിനാഘോഷത്തിന്റെ ചിത്രങ്ങൾ പങ്കുവെച്ചതിന്റെ കൂട്ടത്തിൽ സനയുടേത് എന്ന് പറയപ്പെടുന്ന അക്കൌണ്ടിൽ നിന്ന് മുഹമ്മദ് സിറാജിനൊപ്പമുള്ള ഫോട്ടോയും ഷെയർ ചെയ്തിരുന്നു. ഇതോടെയാണ് ഇരുവരും ഡേറ്റിങ്ങിലാണോ എന്ന അഭ്യൂഹങ്ങൾ ഉയർന്നത്. 

View this post on Instagram

A post shared by Zanai Bhosle💜 (@zanaibhosle)

എന്നാൽ സമൂഹമാധ്യമങ്ങളിൽ ഇവരുടെ ഡേറ്റിങ് സംബന്ധിച്ച് അഭ്യൂഹങ്ങൾ പ്രചരിക്കുമ്പോഴും ഔദ്യോഗികമായി പ്രതികരിക്കാൻ സിറാജും സനയും തയ്യാറായിട്ടില്ല. ഇരുവരും തമ്മിൽ സുഹൃത് ബന്ധമാണോ അതോ റിലേഷൻഷിപ്പിലേക്ക് എത്തിയോ എന്നെല്ലാമാണ് സമൂഹമാധ്യമങ്ങളിൽ ആരാധകരിൽ നിന്ന് ഉയരുന്ന ചോദ്യങ്ങൾ. എന്നാൽ ഇരുവരും ഡേറ്റിങ്ങിലാണ് എന്ന സൂചന നൽകുന്ന മറ്റൊന്നും ഇരു താരങ്ങളിൽ നിന്നും ഇതുവരെ വന്നിട്ടില്ല. 

മുംബൈയിലെ ബാന്ദ്രയിലായിരുന്നു സനയുടെ ജന്മദിനാഘോഷം. നടൻ ജാക്കി ഷ്റോഫ്, നടി കാജോൾ എന്നിവർ ഉൾപ്പെടെ വിവിധ മേഖലകളിൽ നിന്നുള്ള പ്രമുഖർ ആഘോഷ ചടങ്ങുകളിൽ പങ്കെടുക്കാൻ എത്തി. ഡേറ്റിങ് അഭ്യൂഹങ്ങൾ ഒരു വശത്ത് പ്രചരിക്കുമ്പോഴും മറുവശത്ത് തന്റെ കരിയറിൽ ശ്രദ്ധ നൽകി മുൻപോട്ട് പോവുകയാണ് സനയ്. പുതിയ മ്യൂസിക് പ്രോജക്ടിന്റെ സൂചനകൾ സനയ് ആരാധകരുമായി പങ്കുവെച്ചിരുന്നു. 

Read More

• 'സ്ലിപ്പിൽ ഫീൽഡർ,അതോടെ കാര്യം മനസിലായി';അഞ്ച് ബോൾ നേരിട്ട തന്ത്രം
• 'സുന്ദരനായത് എന്റെ തെറ്റാണോ'? പാക് ക്രിക്കറ്റ് താരങ്ങൾ ദ്രോഹിച്ചതായി ഷെഹ്സാദ്
• സിന്നർ കിരീടം നിലനിർത്തുമോ? രണ്ടും കൽപ്പിച്ച് സ്വരേവും; അറിയേണ്ടതെല്ലാം
• ത്രില്ലിങ് തിലക്! കോഹ്ലിയുടെ റെക്കോർഡും കടപുഴക്കിയ ഇന്നിങ്സ്
• 'ചെന്നൈയിൽ പുകമഞ്ഞ് ഉണ്ടായിരുന്നോ'? ഹാരി ബ്രൂക്കിന് പരിഹാസം