India Test Squad: എന്ത് തെറ്റാണ് സർഫറാസ് ചെയ്തത്? അനീതി കാണിക്കേണ്ടി വരുമെന്ന് ചീഫ് സെലക്ടർ

india Test Squad for England tour: ഇന്ത്യൻ ക്രിക്കറ്റ് ടീമിലേക്ക് എട്ട് വർഷത്തിന് ശേഷം കരുൺ നായർ തിരിച്ചെത്തിയതിന്റെ സന്തോഷമുണ്ട് ആരാധകർക്ക്. എന്നാൽ ഇംഗ്ലണ്ട് പര്യടനത്തിനുള്ള സ്ക്വാഡിനെ പ്രഖ്യാപിക്കുമ്പോൾ ഉയരുന്ന പല ചോദ്യങ്ങളുണ്ട്. എന്ത് തെറ്റാണ് സർഫറാസ് ഖാൻ ചെയ്തത് എന്നതാണ് അങ്ങനെ ഉയരുന്ന ചോദ്യങ്ങളിൽ ഒന്ന്. 

അരങ്ങേറ്റ ടെസ്റ്റിലെ രണ്ട് ഇന്നിങ്സിലും പോസിറ്റീവായി ബാറ്റ് വീശി സർഫറാസ് ഖാൻ അർധ ശതകം കണ്ടെത്തിയാണ് തുടങ്ങിയത്. ആറ് ടെസ്റ്റുകളിൽ നിന്ന് 37.10 ആണ് സർഫറാസിന്റെ ബാറ്റിങ് ശരാശരി. ഓസ്ട്രേലിയക്കെതിരെ കളിക്കാൻ സർഫറാസിന് അവസരം ലഭിച്ചില്ല. ഇപ്പോൾ സ്ക്വാഡിൽ നിന്നും ഒഴിവാക്കപ്പെടുന്നു. 

Also Read: Rohit Sharma: രോഹിത് ആഗ്രഹിച്ചത് ധോണി സ്റ്റൈൽ; ബിസിസിഐ അനുവദിച്ചില്ല; റിപ്പോർട്ട്

ഇംഗ്ലണ്ട് പര്യടനത്തിൽ സർഫറാസ് ഖാന് പകരം കരുൺ നായരെ ടീമിലെടുത്തതിന് സെലക്ഷൻ കമ്മറ്റി തലവൻ അജിത് അഗാർക്കർ നൽകുന്ന വിശദീകരണം ഇങ്ങനെ, "സർഫറാസ് ന്യൂസിലൻഡിനെതിരായ മൂന്ന് ടെസ്റ്റുകൾ കളിച്ചു. ആദ്യ ടെസ്റ്റിൽ സെഞ്ചുറി നേടി. പിന്നെ റൺസ് ഉയർത്താനായില്ല. ഓസ്ട്രേലിയയിൽ അവസരം ലഭിച്ചില്ല. ചിലപ്പോൾ ടീം മാനേജ്മെന്റിന് ഇങ്ങനെ ചില തീരുമാനങ്ങൾ എടുക്കേണ്ടി വരും," അഗാർക്കർ പറഞ്ഞു. 

Also Read: കഴിഞ്ഞ ടെസ്റ്റിൽ 'ഡ്രിങ്ക്സ് ബോയ്'; ഇപ്പോൾ ക്യാപ്റ്റൻ; ദുരന്തമാണോ കാത്തിരിക്കുന്നത്?

"ചിലപ്പോൾ ഈ തീരുമാനങ്ങൾ ചില താരങ്ങളോടുള്ള അനീതിയാവും. എന്നാൽ ടീമിന് എന്താണോ ഗുണം ചെയ്യുക എന്നത് മാത്രമാണ് നോക്കേണ്ടത്. കഴിഞ്ഞ സീസണിൽ കരുണിന് നന്നായി റൺസ് കണ്ടെത്താനായി. മുൻപ് ഇന്ത്യക്കായി കരുണിന് ടെസ്റ്റ് കളിച്ച പരിചയവും ഉണ്ട്. കൗണ്ടി ക്രിക്കറ്റും കരുൺ കളിച്ചിട്ടുണ്ട്. നന്നായാണ് കരുൺ ഇപ്പോൾ ബാറ്റ് ചെയ്യുന്നത് എന്നാണ് ഞങ്ങൾക്ക് തോന്നുന്നത്."

Also Read: India Test Squad Announcement: ശുഭ്മാൻ ഗിൽ ഇന്ത്യയുടെ ടെസ്റ്റ് ക്യാപ്റ്റൻ; ഇംഗ്ലണ്ട് പര്യടനത്തിനുള്ള സ്ക്വാഡിൽ ഇവരെല്ലാം

"കോഹ്ലിയുടെ അഭാവത്തിൽ മധ്യനിരയിൽ പരിചയസമ്പത്തുള്ള താരത്തിന്റെ കുറവ് വരുന്നുണ്ട്. യശസ്വിയുടെ ആദ്യ ഇംഗ്ലണ്ട് പര്യടനമാണ്. ഇംഗ്ലണ്ടിൽ ഗിൽ ഒരു ടെസ്റ്റ് കളിച്ചിട്ടുണ്ട്. രാഹുലും പന്തും നേരത്തെ ഇംഗ്ലണ്ടിൽ പരമ്പര കളിച്ചിട്ടുണ്ട്. കരുണിന്റെ പരിചയസമ്പത്ത് ഇവിടെ ഗുണം ചെയ്യുമെന്ന് ഞങ്ങൾ കരുതുന്നു. ചിലപ്പോൾ ആ തീരുമാനം ഏതെങ്കിലും താരത്തിനോടുള്ള അനീതിയാവാം. പക്ഷെ നമുക്ക് ചില തീരുമാനങ്ങൾ എടുക്കേണ്ടതായി വരും," അഗാർക്കർ പറഞ്ഞു. 

Read More

• 'സഞ്ജു' എന്നൊരു വിളി, കുട്ടി ആരാധകന് തൊപ്പി സമ്മാനിച്ച് താരം; വീഡിയോ
• Rishabh Pant IPL: 'ലക്നൗവിൽ നിന്ന് പുറത്താക്കും'; എക്സിൽ കൊമ്പുകോർത്ത് ഋഷഭ് പന്ത്
• Mumbai Indians: ചാരത്തിൽ നിന്ന് ഉയർത്തെഴുന്നേൽപ്പ്; മുംബൈ അടിച്ചു കയറി വന്നത് ഇങ്ങനെ