ബുമ്ര തന്നെ മികച്ച ബോളര്‍; ടെസ്റ്റ് റാങ്കിങില്‍ ഒന്നാം സ്ഥാനം നിലനിര്‍ത്തി

അടുത്തിടെ അവസാനിച്ച ബോര്‍ഡര്‍-ഗവാസ്‌കര്‍ ട്രോഫിയില്‍ 32 വിക്കറ്റ് നേടിയ ഇന്ത്യന്‍ വൈസ് ക്യാപ്റ്റന്‍ ജസ്പ്രീത് ബുമ്ര ഐസിസി ടെസ്റ്റ് റാങ്കിങില്‍ 908 പോയിന്റോട് കൂടി ബോളര്‍മാരുടെ പട്ടികയില്‍ ഒന്നാം സ്ഥാനം നിലനിര്‍ത്തി. ബുമ്രക്കൊപ്പം ആദ്യ പത്തില്‍ ഇന്ത്യയുടെ ഇടം കൈയ്യന്‍ സ്പിന്നര്‍ രവീന്ദ്ര ജഡേജയും ഉണ്ട്.

ഓസ്‌ട്രേലിയന്‍ ഫാസ്റ്റ് ബോളര്‍ സ്‌കോട്ട് ബോളണ്ടിനൊപ്പം പത്താം സ്ഥാനത്താണ് ജഡേജ. ഓസ്‌ട്രേലിയയുടെ ക്യാപ്റ്റന്‍ പാറ്റ് കമ്മിന്‍സ് രണ്ടാമതും സൗത്ത് ആഫ്രിക്കയുടെ ഫാസ്റ്റ് ബോളര്‍ കഗീസോ റബാഡാ മൂന്നാം സ്ഥാനത്തും ഉണ്ട്.വെസ്റ്റ് ഇന്‍ഡീസിനെതിരെ ആറ് വിക്കറ്റ് നേടിയ പാക്കിസ്ഥാന്‍ ഫാസ്റ്റ് ബോളര്‍ നൊമാന്‍ അലി ഒമ്പതാം സ്ഥാനത്തെത്തി.

ബാറ്റര്‍മാരുടെ ലിസ്റ്റില്‍ ആദ്യ ഏഴില്‍ മാറ്റങ്ങള്‍ ഒന്നുമില്ല. ഇംഗ്ലണ്ടിന്റെ ജോ റൂട്ടും (895 പോയിന്റ്) ഹാരി ബ്രൂക്കും (876 പോയിന്റ്) ഒന്നും രണ്ടും സ്ഥാനം നിലനിര്‍ത്തിയപ്പൊള്‍ 867 പോയിന്റുമായി ന്യൂസിലാന്‍ഡ് താരം കെയ്ന്‍ വില്യംസണ്‍ ആണ് മൂന്നാം സ്ഥാനത്ത്. 847 പോയിന്റുള്ള ഇന്ത്യയുടെ യശസ്വി ജയ്‌സ്വാള്‍ നാലാം സ്ഥാനം നിലനിര്‍ത്തിയപ്പൊള്‍ 739 പോയിന്റുള്ള ഋഷഭ് പന്ത് ഒരു സ്ഥാനം നഷ്ടപ്പെട്ട് പത്താം സ്ഥാനത്തെത്തി.

അതേസമയം ഓള്‍ റൗഡര്‍മാരുടെ പട്ടികയില്‍ ആദ്യ പത്തില്‍ മാറ്റം ഉന്നും ഉണ്ടായില്ല. 400 പോയിന്റുമായി ഇന്ത്യയുടെ രവീന്ദ്ര ജഡേജ തന്നെയാണ് പട്ടികയില്‍ ഒന്നാമന്‍. സൗത്ത് ആഫ്രിക്കയുടെ മാര്‍ക്കൊ യാന്‍സണും(294 പോയിന്റ്) ബംഗ്ലാദേശിന്റെ മെഹ്ദീ ഹസനും(284 പോയിന്റ്) രണ്ടും മൂന്നും സ്ഥാനത്തുണ്ട്.