ഭക്ഷണം വിളമ്പാൻ വൈകി; വധുവിനെ ഉപേക്ഷിച്ച് മുറപ്പെണ്ണിനെ വിവാഹം കഴിച്ച് വരൻ

ഭക്ഷണം വിളമ്പാൻ വൈകിയതിൽ പ്രകോപിതനായ വരൻ വധുവിനെ ഉപേക്ഷിച്ച് മറ്റൊരാളെ വിവാഹം കഴിച്ചു. ഡിസംബർ 22ന് ഉത്തർപ്രദേശിലെ ചന്ദൗലിയിലാണ് വിചിത്രമായ സംഭവം. വിവാഹത്തിനെത്തിയ വരനും സംഘവുമാണ് ഭക്ഷണം വിളമ്പാൻ വൈകിയെന്ന് ആരോപിച്ച് വിവാഹത്തിൽ നിന്ന് ഇറങ്ങിപ്പോയത്.

പരാതിയുമായി വധുവിന്റെ ബന്ധുക്കൾ പൊലീസിനെ സമീപിച്ചതോടെയാണ് സംഭവം പുറത്തറയുന്നത്. വിവാഹത്തിന് മണിക്കൂറുകൾ മുൻപ് വരന്റെ കുടുംബ തങ്ങളിൽ നിന്ന് ഒരു ലക്ഷ രൂപ കൈപ്പറ്റിയിരുന്നുവെന്നും വധുവിന്റെ ബന്ധുക്കൾ ആരോപിച്ചു.

വരന് ഭക്ഷണം വിളമ്പാൻ താമസമുണ്ടായെന്നും, സുഹൃത്തുക്കൾ ഇതുപറഞ്ഞ് ഇയാളെ കളിയാക്കിയെന്നും എൻഡിടിവി റിപ്പോർട്ട് ചെയ്തു. പ്രകോപിതനായ വരൻ, വധുവിൻ്റെ വീട്ടുകാരെ അസഭ്യം പറയുകയും പിന്നീട് അപ്രത്യക്ഷനാകുകയും ചെയ്തു. വിവാഹം ഉപേക്ഷിച്ച വരൻ അടുത്ത ദിവസം മുറപ്പെണ്ണിനെ വിവാഹം ചെയ്തുവെന്നും റിപ്പോർട്ടിൽ പറയുന്നു.

വരന്റെ ഭാഗത്തു നിന്ന് ഇരുന്നൂറോളം ആളുകൾ വിവാഹത്തിൽ പങ്കണ്ടടുക്കാനെത്തിയിരുന്നു. വിവാഹച്ചടങ്ങുകൾ സംഘടിപ്പിച്ച വകയിൽ ഏഴു ലക്ഷത്തോളം രൂപ നഷ്ടമുണ്ടായതായി വധുവിന്റെ അമ്മ പറഞ്ഞു. വരന്റെ വിവഹം കഴിഞ്ഞെന്ന് അറിഞ്ഞതോടെയാണ് കുടുംബം പൊലീസിനെ സമീപിച്ചത്.

Read More

• ആരാധകർക്ക് ഫ്ലയിങ് കിസ് നൽകി കുഞ്ഞു റാഹ; പൊട്ടിച്ചിരിച്ച് രൺബീറും ആലിയയും
• ടിക്കറ്റെടുക്കാൻ കാശില്ല, യുവാവ് ട്രെയിന് അടിയിൽ തൂങ്ങിക്കിടന്നത് 250 കിലോമീറ്റർ; വീഡിയോ
• ലക്ഷം രൂപയുടെ സ്വർണ നാണയം, 75000 രൂപയുടെ ചിപ്സ്; ഇക്കൊല്ലം ഇന്ത്യക്കാർ ഓൺലൈനിൽ വാങ്ങിക്കൂട്ടിയത്
• 'ഴ' എളുപ്പത്തിൽ പറയാൻ ഒരു ട്രിക്കുണ്ട്; വൈറലായി യോർഗൻ സായിപ്പിന്റെ റീൽ
• 'എക്‌സ്‌ക്യൂസ് മീ, ഞാൻ ഒന്നു പൊയ്ക്കോട്ടേ'; വൈറലായി കുഞ്ഞൻ പെൻഗ്വിൻ
• ഭാരം 100 കിലോ; ഗേൾസ് ഹോസ്റ്റലിനു സമീപം കണ്ടെത്തിയ ഭീമൻ പെരുമ്പാമ്പെനെ രക്ഷപെടുത്തി; വീഡിയോ
• 'ഉമ്മച്ചി എന്താ മൂഡ്, പൊളി മൂഡ്;' വൈറലായി നഫീസുമ്മയുടെ മണാലി യാത്ര; വീഡിയോ