ടിക്കറ്റെടുക്കാൻ കാശില്ല, യുവാവ് ട്രെയിന് അടിയിൽ തൂങ്ങിക്കിടന്നത് 250 കിലോമീറ്റർ; വീഡിയോ

ജീവൻ പണയപ്പെടുത്തി ട്രെയിനിൽ തൂങ്ങിക്കിടന്ന് യാത്ര നടത്തിയ യുവാവിന്റെ ദൃശ്യങ്ങളാണ് ഇപ്പോൾ സാമൂഹ്യ മാധ്യമങ്ങളിൽ വൈറലാകുന്നത്. ദനാപൂർ എക്‌സ്‌പ്രസ് ട്രെയിന് കീഴിലാണ് 250 കിലോമീറ്ററോളം യുവാവ് സാഹസികമായി തൂങ്ങിക്കിടന്നത്. മധ്യപ്രദേശിലെ ഇറ്റാർസിയിൽ നിന്ന് ജബൽപൂരിലേക്കായിരുന്നു യാത്ര.

ട്രെയിന്റെ ചക്രങ്ങൾക്കിടയിൽ തൂങ്ങിക്കിടന്നായിരുന്നു യാത്ര നടത്തിയത്. ജബൽപൂർ സ്‌റ്റേഷനു സമീപം റെയിൽവേ ജീവനക്കാർ പരിശോധന നടത്തുന്നതിനിടെയാണ് ചക്രങ്ങൾക്കിടയിലായി യുവാവിനെ കണ്ടെത്തിയത്. ട്രെയിന്റെ എസ്-4 കോച്ചിന് അടിയിലായി ഇയാൾ മറഞ്ഞിരിക്കുകയായിരുന്നു.

ഉടൻ തന്നെ ലോക്കോ പൈലറ്റിനെ വിവരം അറിയിക്കുകയും ട്രെയിൻ നിർത്തുകയും ചെയ്തു. ടിക്കറ്റെടുക്കാന്‍ പണമില്ലായിരുന്നുവെന്നും അകുകൊണ്ടാണ് ട്രെയിന് അടിയില്‍ തൂങ്ങിക്കിടന്ന് യാത്ര ചെയ്തതെന്നുമായിരുന്നു ചോദ്യം ചെയ്യലില്‍ വുവാവ് റെയില്‍വെ പൊലീസിനോട് വെളിപ്പെടുത്തിയത്. 

A man travelled 250 km from Itarsi to Jabalpur by hiding between the wheels of an express train without a ticket.#MadhyaPradesh#Train#ViralVideo#Jabalpur#Itarsi#IRCTCpic.twitter.com/cvU4digxLp

— Sambhava (@isambhava) December 27, 2024

അതേസമയം, ഇയാള്‍ മാനസിക വെല്ലുവിളി നേരുടുന്നതായി സംശയിക്കുന്നുവെന്ന് റെയില്‍വെ പോലീസ് അറിയിച്ചു. യുവാവിന്റെ പെരുമാറ്റത്തിലും സംസാരത്തിലും മാനസികാരോഗ്യ പ്രശ്നങ്ങൾ നേരിടുന്നതായി കണ്ടെത്തിയെന്ന് ഉദ്യോഗസ്ഥർ അറിയിച്ചു. യുവാവിനെ ട്രെയിന് അടിയിൽ നിന്ന് പുറത്തിറക്കുന്ന ദൃശ്യങ്ങൾ സാമൂഹ്യ മാധ്യമങ്ങളിൽ വ്യാപകമായി പ്രചരിക്കുന്നുണ്ട്.

Read More

• ലക്ഷം രൂപയുടെ സ്വർണ നാണയം, 75000 രൂപയുടെ ചിപ്സ്; ഇക്കൊല്ലം ഇന്ത്യക്കാർ ഓൺലൈനിൽ വാങ്ങിക്കൂട്ടിയത്
• 'ഴ' എളുപ്പത്തിൽ പറയാൻ ഒരു ട്രിക്കുണ്ട്; വൈറലായി യോർഗൻ സായിപ്പിന്റെ റീൽ
• 'എക്‌സ്‌ക്യൂസ് മീ, ഞാൻ ഒന്നു പൊയ്ക്കോട്ടേ'; വൈറലായി കുഞ്ഞൻ പെൻഗ്വിൻ
• ഭാരം 100 കിലോ; ഗേൾസ് ഹോസ്റ്റലിനു സമീപം കണ്ടെത്തിയ ഭീമൻ പെരുമ്പാമ്പെനെ രക്ഷപെടുത്തി; വീഡിയോ
• 'ഉമ്മച്ചി എന്താ മൂഡ്, പൊളി മൂഡ്;' വൈറലായി നഫീസുമ്മയുടെ മണാലി യാത്ര; വീഡിയോ