'എന്തൊരു ചേലാണ്...' വീണ്ടും വൈറലായി മലയാളികളുടെ ഉണ്ണിയേട്ടൻ

ബോളിവുഡ് ഗാനങ്ങൾ ഏറ്റുപാടിയും അവയുടെ താളത്തിന് ചുവടുവെച്ചും ജനഹൃദയങ്ങൾ കീഴടക്കിയ ടിക് ടോക് - ഇൻസ്റ്റഗ്രാം സെൻസേഷനാണ് ടാൻസാനിയ സ്വദേശിയായ കിലി പോൾ. ഹിന്ദി ഗാനങ്ങൾ മാത്രമല്ല, കിലിയുടെ റീലുകളിൽ മലയാളം പാട്ടുകളും കാണാം. മലയാളികൾ പോലും മറന്നു തുടങ്ങിയ മലയാളം സിനിമാഗാനങ്ങൾ വരെ കിലി പോളിന്റെ ടൈംലൈനിൽ ഇടം പിടിച്ചതോടെ മലയാളികൾ കിലി പോളിനൊരു പേരുമിട്ടു, ഉണ്ണിയേട്ടൻ.

ഇപ്പോഴിതാ സൂപ്പർ ഹിറ്റായി പ്രദർശനം തുടരുന്ന മോഹൻലാൽ - തരുൺ മൂർത്തി ചിത്രമായ 'തുടരു'മിലെ ഗാനത്തിലൂടെ വീണ്ടും മലയാളികൾക്കിടയിൽ വൈറലായിരിക്കുകയാണ് കിലി പോൾ. "കണ്മണിപ്പൂവേ..." എന്ന ഗാനത്തിലുള്ള കിലി പോളിന്റെയും സഹോദരി നീമയുടേയും റീൽ വീഡിയോയാണ് ശ്രദ്ധനേടുന്നത്.

View this post on Instagram

A post shared by Kili Paul (@kili_paul)

"സത്യം പറ നീ മലയാളി അല്ലേ", "നിൻ്റെ അമ്മ വീട് പാലക്കാട് അല്ലേ", "ഉണ്ണിയേട്ടൻ"എന്നിങ്ങനെ നിരവധി കമന്റുകളാണ് മലയാളികൾ റീൽ വീഡിയോയിൽ കുറിച്ചിരിക്കുന്നത്. റീലുകളിലെ അഭിനയത്തിനൊപ്പം മലയാളം പാട്ട് പാടിയും കിലി പോൾ ശ്രദ്ധനേടിയിരുന്നു. 'പൂമാനമേ..ഒരുരാ​ഗ മേഘം താ' എന്ന ഗാനം പാടുന്ന കിലിയുടെ വീഡിയോ നേരത്തെ ശ്രദ്ധിക്കപ്പെട്ടിരുന്നു. 

2021 ൽ പുറത്തിറങ്ങിയ ഹിന്ദി ചിത്രമായ 'ഷേർഷാ' യിലെ 'രാത്താ ലമ്പിയ' എന്ന ഗാനത്തിന് കിലിയും സഹോദരിയും ചെയ്ത റീലാണ് ആദ്യം ട്രെൻഡിംഗായതും കിലി പോളിനെ ശ്രദ്ധേയനാക്കിയതും. തുടർന്ന് ഇളയദളപതി വിജയുടെ 'അറബിക് കുത്ത്', അല്ലു അർജുന്റെ പുഷ്പയിലെ 'സാമി', 'ഊ ആണ്ടവ' തുടങ്ങി ഒരുപിടി തെന്നിന്ത്യൻ ഗാനങ്ങൾക്കും കിലിയും സഹോദരിയും ചുവടുവച്ചിട്ടുണ്ട്. ടിക് ടോക്കിന്റെ നിരോധനത്തിന് പിന്നാലെ ഭാരതീയരോടൊപ്പം 'റീൽസി'ലേക്ക് ചേക്കേറിയ കിലിക്ക് ഇൻസ്റ്റാഗ്രാമിൽ മാത്രം ഇപ്പോൾ 10.4 മില്യൺ  ഫോളോവേഴ്സുണ്ട്. 

Read More

• തൃശ്ശൂർ പൂരത്തിന് തിടമ്പേന്തി ഡ്രാഗണും ഗോഡ്സില്ലയും; വൈറലായി ഒരു പൂരകാഴ്ച, വീഡിയോ
• "ജൂനിയർ വേടൻ പൊളിച്ചു," റാപ്പ് പാടി ഫെജോയെ ഞെട്ടിച്ച് കൊച്ചുമിടുക്കൻ; വീഡിയോ
• തൃശ്ശൂർ പൂരത്തിന് തിടമ്പേന്തി ഡ്രാഗണും ഗോഡ് സില്ലയും; വൈറലായി ഒരു പൂരകാഴ്ച, വീഡിയോ
• താജ് മഹലിനെ ഇളക്കി മറിച്ച് മലബാറിലെ പിള്ളേർ; സ്റ്റൈലൻ വരവ് വൈറൽ
• ഇവനാര് കാക്ക തമ്പുരാനോ? ആ വിളികേട്ട് കാക്ക കൂട്ടം പറന്നെത്തി; വൈറൽ വിഡിയോ
• കണിക്കൊന്ന പറിച്ചും പശുവിനെ മേയ്ച്ചും ട്രംപ്; 'ഡോണൾഡ് അച്ചായൻ' എന്ന് സോഷ്യൽ മീഡിയ