ഇവനാര് കാക്ക തമ്പുരാനോ? ആ വിളികേട്ട് കാക്ക കൂട്ടം പറന്നെത്തി; വൈറൽ വിഡിയോ

മൂന്ന് നാല് കൂട്ടുകാർ ഒരുമിച്ചിരിക്കുന്ന ഇടം. ഈ സമയം കൂട്ടത്തിലൊരാൾ കൂട്ടുകാരനോട് ചോദിക്കുന്നു, നിനക്കിപ്പോ ഇവിടെ കാക്കയെ കാണണമോ എന്ന്. ആ പരിസരത്തൊന്നും ആ സമയത്ത് ഒരു കാക്ക പോലും ഇല്ല. എന്നാ നീയൊന്ന് കാക്കയെ വരുത്തി കാണിക്ക് എന്നായി കൂട്ടുകാരന്റെ വെല്ലുവിളി. പിന്നെ കണ്ടത് 'പുരുഷു'വിന്റെ മാജിക് ആയിരുന്നു. 

ഒരു കാക്ക പോലും ഇല്ലാതിരുന്ന പറമ്പിലേക്ക് കൂട്ടത്തോടെ കാക്കൾ പറന്നെത്തി. കൂട്ടുകാരിൽ ഒരാൾ കാക്കയുടേത് പോലെ കരഞ്ഞാണ് ഈ കാക്ക കൂട്ടത്തേയെല്ലാം വിളിച്ചുവരുത്തിയത്. കാക്കയെ പോലെ കരഞ്ഞ് കാക്കളെ വിളിച്ചുവരുത്തിയ കൂട്ടുകാരുടെ മാജിക് ഇൻസ്റ്റഗ്രാമിൽ വൈറലായി കഴിഞ്ഞു. വയലോര എന്ന ഇൻസ്റ്റഗ്രാം അക്കൗണ്ടിൽ നിന്നാണ് വിഡിയോ പങ്കുവെച്ചിരിക്കുന്നത്. 

ആ വൈറൽ വിഡിയോ കാണാൻ ഇവിടെ ക്ലിക്ക് ചെയ്യു

ഒരു ലക്ഷത്തിലധികം പേർ ലൈക്ക് ചെയ്ത ഈ റീലിന്റെ വ്യൂസ് പത്ത് ലക്ഷം പിന്നിട്ട് കഴിഞ്ഞു. നിരവധി രസകരമായ കമന്റുകളുമാണ് വിഡിയോയ്ക്ക് അടിയിൽ വരുന്നത്. "നീ പെൺകാക്കയെ പോലെ കരഞ്ഞതിനാലാണ് കാക്കകൾ ഇങ്ങനെ കൂട്ടത്തോടെ വന്നത്, ഏത് മൂഡ്- കാക്ക മൂഡ്, ഇവൻ കാക്ക തമ്പുരാൻ തന്നെ, അവൻ വിളിച്ചാൽ കാക്ക എങ്കിലും വരാനുണ്ട്", ഇങ്ങനെയെല്ലാം പോകുന്നു വിഡിയോയ്ക്ക് അടിയിലെ കമന്റുകൾ. 

നിന്റെ സൂപ്പർ പവർ എന്താണ് എന്നാണ് മറ്റ് ചിലർക്ക് അറിയേണ്ടത്. ബാറ്റ്മാൻ ഒക്കെ മാറി നിൽക്കും ഈ 'ക്രൗമാനിന്' മുൻപിലെന്നാണ് മറ്റ് ചില കമന്റുകൾ. ഇങ്ങനെ ആയിരക്കണക്കിന് കമന്റുകളാണ് ഈ വിരുതന്മാരുടെ വൈറൽ വീഡിയോയ്ക്കടിയിൽ വന്നിരിക്കുന്നത്.  

Read More

• കണിക്കൊന്ന പറിച്ചും പശുവിനെ മേയ്ച്ചും ട്രംപ്; 'ഡോണൾഡ് അച്ചായൻ' എന്ന് സോഷ്യൽ മീഡിയ
• 'രോഹിത് ശർമ ഇടയ്ക്ക് ഡക്ക് ആകാറുണ്ട്;' ആരാധികയെ ഞെട്ടിച്ച് ബേസിലിന്റെ 'തഗ്' മറുപടി
• പടക്കം പൊട്ടിച്ചും പപ്പടം കാച്ചിയും റൊണാൾഡോയും സഞ്ജുവും; വൈറലായി വിഷു ആഘോഷം; വീഡിയോ
• "ചേച്ചിമാരെ കണ്ടു പഠിച്ചതായിരിക്കും, ഒറ്റ സ്റ്റെപ്പും തെറ്റിച്ചില്ല," കൊച്ചുമിടുക്കിയുടെ ഡാൻസ് വൈറൽ; വീഡിയോ
• ക്ലാസ്മേറ്റ്സിലെ ആ കഥാപാത്രം ഞാനായിരുന്നു: ലാൽ ജോസ്v
• 'ധീരത' അല്പം കൂടിപ്പോയോ? ചീറ്റകൾക്ക് വെള്ളം കൊടുത്തയാൾക്ക് കിട്ടിയത് മുട്ടൻ പണി; വീഡിയോ