Google Trends: അശ്വിന്റെ തീരുമാനത്തിൽ അമ്പരന്ന് ആരാധകർ; ഗൂഗിളിൽ ട്രെന്റിങ്

ക്രിക്കറ്റ് താരം രവിചന്ദ്രൻ അശ്വിന്റെ വിരമിക്കൽ പ്രഖ്യാപനം ഞെട്ടലോടെയാണ് ആരാധകർ ഏറ്റെടുത്തത്. താരത്തിന്റെ അപ്രതീക്ഷിത തീരുമാനം അമ്പരപ്പിച്ചെന്ന് നിരവധി ആരാധകർ സോഷ്യൽ മീഡിയയിലൂടെ പ്രതികരിച്ചിട്ടുണ്ട്. 

ഇപ്പോഴിതാ, വിരമിക്കൽ പ്രഖ്യാപനത്തിനു പിന്നാലെ ഗൂഗിളിലും അശ്വിൻ ട്രെന്റിങാകുകയാണ്. ഗൂഗിളിന്റ കണക്ക് അനുസരിച്ച് രണ്ടു ലക്ഷത്തിലധികം ആളുകളാണ് താരത്തെ ഇതുവരെ തിരഞ്ഞത്. നലിവിൽ ട്രെന്റിങിൽ ഒന്നാം സ്ഥാനത്താണ് അശ്വിൻ.

ഓസ്ട്രേലിയയിൽ നടക്കുന്ന ഗാബ ടെസ്റ്റ് മത്സരത്തിനിടെയാണ് അശ്വിൻ അപ്രതീക്ഷിത വിരമിക്കൽ പ്രഖ്യാപനം നടത്തിയത്. 13 വർഷത്തെ ക്രിക്കറ്റ് കരിയറിനാണ് അശ്വിൻ തിരശീലയിടുന്നത്. 2010 ജൂണിലാണ് അശ്വിൻ രാജ്യാന്തര ക്രിക്കറ്റിൽ അരങ്ങേറ്റം നടത്തിയത്. 

106 ടെസ്റ്റിൽ ഇന്ത്യയ്ക്കായി 537 വിക്കറ്റ് വീഴ്ത്തിയിട്ടുണ്ട്. 3503 റൺസും നേടിയിട്ടുണ്ട്. ടെസ്റ്റിൽ 6 സെഞ്ചുറികൾ നേടിയിട്ടുണ്ട്. ടെസ്റ്റിൽ 37 തവണ അഞ്ച് വിക്കറ്റ് നേട്ടം കൈവരിച്ച താരമാണ്. ഇതിഹാസ താരം ഷെയ്ൻ വോണിനൊപ്പം രണ്ടാം സ്ഥാനത്താണ് അശ്വിൻ. 67 തവണ ഈ നേട്ടം കൈവരിച്ച മുത്തയ്യ മുരളീധരനാണ് ഒന്നാം സ്ഥാനത്ത്.

116 ഏകദിനത്തിൽ 156 വിക്കറ്റും 65 ട്വിന്റി 20 യിൽ 72 വിക്കറ്റും നേടി. ടെസ്റ്റ് ചരിത്രത്തിൽ ഏറ്റവും കൂടുതൽ മാൻ ഓഫ് ദി സീരീസ് പുരസ്കാരം നേടിയ താരമാണ് (11). ടെസ്റ്റ് ക്രിക്കറ്റിൽ അനിൽ കുംബ്ലെയ്ക്ക് ശേഷം ഏറ്റവും കൂടുതൽ വിക്കറ്റ് നേടിയ ഇന്ത്യൻ ബൗളറാണ്.  2011-ലും 2013-ലും ഇന്ത്യയുടെ ഏകദിന ലോകകപ്പ്, ചാമ്പ്യൻസ് ട്രോഫി ജയിച്ച ടീമിന്റെ ഭാഗമായിരുന്നു. 

Read More

• കരോൾ സംഘത്തിനൊപ്പം തകർപ്പൻ ഡാൻസുമായി പൊലീസുകാർ; കോയിപ്രം സ്റ്റേഷന് കൈയ്യടി
• 'എന്താ മര്യാദ;' ആനയുടെ വിനയം കണ്ട് അമ്പരന്ന് സോഷ്യൽ മീഡിയ; വീഡിയോ
• കല്യാണക്കുറിയിലും കരമടച്ച് വില്ലേജ് അസിസ്റ്റന്റ്; വ്യത്യസ്തനാണ് ഭജലാൽ
• "നോക്കൂ, ഇതാരാണെന്നു നോക്കൂ;" സഞ്ജുവിന്റെ വീഡിയോ പങ്കുവച്ച് ശ്രീശാന്ത്
• സർക്കാർ ജോലി മാറി നിൽക്കും; ഉബർ ഡ്രൈവറുടെ ശമ്പളം കേട്ട് ഞെട്ടി സോഷ്യൽ മീഡിയ
• മിന്നിത്തിളങ്ങി 50,000 ലൈറ്റുകൾ; ക്രിസ്മസിനെ വരവേൽക്കാൽ റോക്ക്ഫെല്ലർ ട്രീ റെഡി; വീഡിയോ
• ഇത് ഒമാനിലെ കൊച്ചുകേരളം; പാലക്കാട് അല്ലേയെന്ന് സോഷ്യൽ മീഡിയ; വീഡിയോ