'ജോർജ് സാറാടാ... ഇത് എന്റെ പടം ആടാ'; മണ്ണിൽ പ്രകാശ് വർമ്മയെ വരച്ച് കലാകാരൻ; വീഡിയോ

ബ്ലോക്ബസ്റ്റർ വിജയമായി മാറിയിരിക്കുകയാണ് മോഹൻലാലിനെ നായകനാക്കി തരുൺ മൂർത്തി സംവിധാനം ചെയ്ത 'തുടരും'. ബോക്സ് ഓഫീസിലും റെക്കോർഡുകൾ തകർത്ത് മുന്നേറുകയാണ് ചിത്രം. സിനിമയുടെ വിജയത്തിനൊപ്പം അതിലെ കഥാപാത്രങ്ങളും പ്രശംസ നേടിയിരുന്നു.

മോഹൻലാലിനൊപ്പം വില്ലൻ കഥാപാത്രമായെത്തിയ പ്രകാശ് വർമ്മയും സോഷ്യൽ മീഡിയയിൽ നിറഞ്ഞു നിൽക്കുകയാണ്. ചെറുപുഞ്ചിരിയോടെ സൗമ്യനായെത്തി പിന്നീടങ്ങോട്ട് കൊടൂരവില്ലനായി തകർത്താടുകയായിരുന്നു പ്രകാശ് വർമ്മ അവതരിപ്പിച്ച ജോർജ് സാർ.

ഇപ്പോഴിതാ ജോർജ് സാറിന്റെ ചിത്രം മണ്ണിൽ വരയ്ക്കുന്ന് ഒരു വീഡിയോയാണ് സോഷ്യൽ മീഡിയയിൽ വൈറലാകുന്നത്. വെള്ളം ഉപയോഗിച്ച് മണ്ണിലാണ് ചിത്രം വരയ്ക്കുന്നത്. നയൻ സൂര്യ എന്ന കലാകാരനാണ് മനോഹരമായ ചിത്രത്തിനു പിന്നിൽ. ഇൻസ്റ്റഗ്രാമിൽ പങ്കുവച്ച വീഡിയോ 2 ലക്ഷത്തോളം കാഴ്ചകൾ നേടിയിട്ടുണ്ട്.

View this post on Instagram

A post shared by Nayan Surya (@nayansurya_)

അതേസമയം ആഗോള കളക്ഷനായി 200 കോടി ക്ലബിലെത്തയ തുടരും കേരളത്തില്‍ നിന്ന് മാത്രം 100 കോടി നേടുന്ന ആദ്യ ചിത്രമായി മാറിയിരുന്നു. ഇപ്പോഴിതാ വിദേശ കളക്ഷൻ 100 കോടിയിലേക്ക് എത്തുകയാണ് ചിത്രം. ഏഴ് കോടിയോളമുണ്ടെങ്കില്‍ വിദേശത്ത് 100 കോടി ക്ലബില്‍ തുടരും എത്തുമെന്നാണ് റിപ്പോര്‍ട്ട്. 93 കോടിയോളം രൂപയാണ് ചിത്രത്തിന്റെ നിലവിലെ വിദേശ കളക്ഷൻ എന്നാണ് വിവരം.

Read More

• മെറ്റ് ഗാലയിൽ തിളങ്ങി മോഹൻലാലും മമ്മൂട്ടിയും; ഒപ്പം മലയാളികളുടെ പ്രിയ താരങ്ങളും; വീഡിയോ
• 'റാമ്പിൽ തിളങ്ങി വിണ്ണിലെ താരങ്ങൾ,' അഞ്ഞൂറാൻ തൂക്കിയെന്ന് കമന്റ്; വൈറലായി വീഡിയോ
• 'ഇതെന്തോന്ന്... പിശാചുക്കളുടെ സംസ്ഥാന സമ്മേളനമോ?' പ്രണവിന്റെ പോസ്റ്റിൽ കമന്റുമായി ആരാധകർ
• 'സാറ്റുകളി തുടരും,' ചിരിപ്പിച്ച് ജോർജ് സാറും ബെൻസും; വൈറലായി തുടരും സ്പൂഫ് വീഡിയോ
• മഴ നനയാതിരിക്കാൻ ചേർത്ത് പിടിച്ചു; പകരംവയ്ക്കാനില്ലാത്ത സ്നേഹം