/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/2025/05/16/3InJ1BoVO7A9waTtItDI.jpg)
എഐ നിർമ്മിത ചിത്രം (ഇൻസ്റ്റഗ്രാം/jayprints)
മാൻഹട്ടനിലെ പ്രശസ്തമായ മെറ്റ് ഗാല റെഡ് കാർപെറ്റിൽ എത്തിയ ഇന്ത്യൻ താരങ്ങളുടെ വീഡിയോകളും ചിത്രങ്ങളുമെല്ലാം ആരാധകർക്കിടയിൽ വലിയ രീതിയിൽ ആഘോഷിക്കപ്പെട്ടിരുന്നു. മലയാളത്തിന്റെ പ്രിയ താരങ്ങൾ മെറ്റ് ഗാലയിൽ എത്തിയിരുന്നെങ്കിൽ എങ്ങനെയുണ്ടാകുമെന്ന് ചിന്തിച്ചിട്ടുണ്ടോ?
മോഹൻലാലും മമ്മൂട്ടിയുമെല്ലാം മെറ്റ് ഗാലയിൽ തിളങ്ങുന്ന ഒരു എഐ വീഡിയോയാണ് ഇപ്പോൾ സൈബറിടത്ത് വൈറലാകുന്നത്. ഫഹദ് ഫാസിൽ, നിവിൻ പോളി, ടൊവിനോ തോമസ്, പൃഥ്വിരാജ് എന്നിവരും വീഡിയോയിലുണ്ട്. ഗംഭീര ഗെറ്റപ്പിൽ മെറ്റ് ഗാലയിലെത്തിയ താരങ്ങളെയാണ് വീഡിയോയിൽ കാണാനാവുക.
കൗതുകമുണർത്തുന്ന എഐ വീഡിയോകൾ പങ്കുവയ്ക്കുന്ന "jayprints" ആണ് വീഡിയോയ്ക്ക് പിന്നിൽ. ഇൻസ്റ്റഗ്രാമിൽ പങ്കുവച്ച വീഡിയോ ഇതിനകം വൈറലായി കഴിഞ്ഞു. രജനീകാന്ത്, കമൽഹാസൻ, വിജയ്, അജിത് കുമാർ തുടങ്ങി തമിഴകത്തെ സൂപ്പർ താരങ്ങൾ മെറ്റ് ഗാലയിലെത്തുന്ന വീഡിയോയും അക്കൗണ്ടിൽ പോസ്റ്റു ചെയ്തിട്ടുണ്ട്.
മെട്രോപൊളിറ്റൻ മ്യൂസിയം ഓഫ് ആർട്ടിലാണ് ഫാഷൻ ലോകം ഏറ്റവും ആവേശത്തോടെ നോക്കി കാണുന്ന മെറ്റ് ഗാല നടക്കുന്നത്. 'സൂപ്പർഫൈൻ: ടെയ്‌ലറിംഗ് ബ്ലാക്ക് സ്റ്റൈൽ' എന്നതാണ് ഈ വർഷത്തെ തീം. ഫണ്ട്‌റൈസിംഗ് ഇവന്റായാണ് മെട്രോപൊളിറ്റൻ മ്യൂസിയം ഓഫ് ആർട്ട് മെറ്റ് ഗാല സംഘടിപ്പിക്കുന്നത്. ഏഴു നൂറ്റാണ്ടുകൾ പഴക്കമുള്ള ഫാഷൻ ശേഖരം സംരക്ഷിക്കുന്നതിനാണ് മെറ്റ് ഗാലയിൽ നിന്നു ലഭിക്കുന്ന വരുമാനം ചെലവഴിക്കുന്നത്. അതിനാൽ തന്നെ, മെറ്റ് ഗാലയിലേക്ക് ക്ഷണം ലഭിച്ചാലും താരങ്ങളും അതിഥികളുമെല്ലാം അവരുടെ സീറ്റുകൾക്ക് പണം നൽകേണ്ടതുണ്ട്.
Read More
- 'ഇതെന്തോന്ന്... പിശാചുക്കളുടെ സംസ്ഥാന സമ്മേളനമോ?' പ്രണവിന്റെ പോസ്റ്റിൽ കമന്റുമായി ആരാധകർ
- വിവാഹ വാഗ്ദാനം നല്‍കി വഞ്ചിച്ചു; വരനെ വിവാഹ വേദിയിലിട്ട് തല്ലിച്ചതച്ച് യുവതി; വീഡിയോ
- 'സാറ്റുകളി തുടരും,' ചിരിപ്പിച്ച് ജോർജ് സാറും ബെൻസും; വൈറലായി തുടരും സ്പൂഫ് വീഡിയോ
- മഴ നനയാതിരിക്കാൻ ചേർത്ത് പിടിച്ചു; പകരംവയ്ക്കാനില്ലാത്ത സ്നേഹം
- വേടനൊപ്പം മണിച്ചേട്ടനും ഉണ്ടായിരുന്നെങ്കിൽ; വൈറലായി എഐ വീഡിയോ
- 'ബാ... ഇവിടെ വന്ന് ഇരിക്കെന്നേ...,' കൊച്ചുമിടുക്കൻ വിളിച്ചയാളെ കണ്ട് ഞെട്ടി സോഷ്യൽ മീഡിയ
Stay updated with the latest news headlines and all the latest Lifestyle news. Download Indian Express Malayalam App - Android or iOS.