നിവിൻചേട്ടാ ഓടിക്കോ; എംഫോർ ടെകിനൊപ്പം സോഷ്യൽ മീഡിയയുടെ ഹൃദയം കീഴടക്കി മലയാളി ഫ്രം ഇന്ത്യ ടീം

'മലയാളി ഫ്രം ഇന്ത്യ' എന്ന ചിത്രവുമായി മലയാള സിനിമയിലേക്ക് ഗംഭീര തിരിച്ചുവരവിന് ഒരുങ്ങുകയാണ് നിവിൻ പോളി. 'ജനഗണമന'യ്ക്ക് ശേഷം ഡിജോ ജോസ് ആന്റണിയും ലിസ്റ്റിൻ സ്റ്റീഫനും വീണ്ടും ഒന്നിക്കുന്ന ചിത്രം കൂടിയാണ് 'മലയാളി ഫ്രം ഇന്ത്യ.' ചിത്രത്തിന്റെ പ്രെമോഷനായി സോഷ്യൽ മീഡിയാ പ്ലാറ്റ്ഫോമുകളിൽ സജീവമാകുകയാണ് അണിയറ പ്രവർത്തകർ.

കേരളത്തിലെ പ്രശസ്ത യൂട്യൂബ് ചാനലായ 'എംഫോർ ടെകി'ൽ പ്രെമോഷനായെത്തിയ മലയാളം ഫ്രം ഇന്ത്യ ടീമിന്റെ ഒരു വീഡിയോയാണ് സോഷ്യൽ മീഡിയയിൽ ശ്രദ്ധനേടുന്നത്. രസകരമായ പരീക്ഷണങ്ങളും 'ഡിഐവൈ' വീഡിയോകളും പങ്കുവയ്ക്കുന്ന ജനപ്രിയ യൂട്യൂബ് ചാനലാണ് ജിയോ മച്ചാന്റെ എംഫോർ ടെക്. 

സോഡിയം മെറ്റലും ലിക്യുഡ് നൊട്രജനും ഉപയോഗിച്ച് പരീക്ഷണം നടത്തുന്നതാണ് വീഡിയോ. സോഡിയം മെറ്റൽ വെള്ളവുമായി റിയാക്ടു ചെയ്യുന്നത് കണ്ട് പേടിച്ച് ഒളിക്കുന്ന നിവിനെ വീഡിയോയിൽ കാണാം. വീഡിയോയുടെ ഭാഗങ്ങൾ സോഷ്യൽ മീഡിയകളിൽ വൈറലാകുകയാണ്. നിരവധി രസകരമായ കമന്റുകളാണ് വീഡിയോയ്ക്ക് ലഭിക്കുന്നത്.

വർഷങ്ങൾക്ക് ശേഷം എന്ന ചിത്രത്തിലെ നിവിൻ പോളിയുടെ കഥാപാത്രം തിയേറ്ററുകളിൽ മികച്ച പ്രതികരണമാണ് നേടിയത്. ചിത്രത്തിന്റെ വിജയ ശേഭയിൽ തിളങ്ങി നിൽക്കുന്ന നിവിന്റെ പുതിയ ചിത്രത്തിനായി ഏറെ പ്രതീക്ഷയോടെയാണ് ചലച്ചിത്ര പ്രേമികൾ കാത്തിരിക്കുന്നത്.

നിവിൻ പോളി നായകനായി എത്തുന്ന ചിത്രത്തിൽ ധ്യാൻ ശ്രീനിവാസൻ,  അനശ്വര രാജൻ, സെന്തിൽ കൃഷ്ണ എന്നിവരും പ്രധാന വേഷത്തിലെത്തുന്നുണ്ട്. മേയ് ഒന്നിനാണ് ചിത്രം തിയേറ്ററുകളിലെത്തുന്നത്. 'ജനഗണമന'ക്ക് തിരക്കഥ ഒരുക്കിയ ഷാരിസ് മുഹമ്മദ് തന്നെയാണ് 'മലയാളി ഫ്രം ഇന്ത്യ'യുടെയും തിരക്കഥ നിർവ്വഹിക്കുന്നത്. ഛായാഗ്രഹണം സുദീപ് ഇളമൻ, സംഗീതം ജെയ്ക്സ് ബിജോയ്‌.

Read More

• 'ഇതു ചെറുത്,' വേണ്ടിവന്നാൽ ഈ സ്കൂട്ടറിൽ വീടും കയറ്റും
• ഇതൊന്നും എംവിഡി കാണുന്നില്ലേ; കാഴ്ചക്കാരെ അമ്പരപ്പിച്ച് തലതിരിഞ്ഞ് ഓടുന്ന കാർ
• കമന്റിട്ടാൽ ഉണ്ണിയേട്ടനെ വിവാഹം കഴിക്കുമെന്ന് മലയാളി യുവതി; ഞാൻ മോതിരവുമായി വരട്ടെ എന്ന് കിലിപോൾ
• പൂസായാൽ പൂക്കുറ്റി തലയിലും കത്തിക്കും; വൈറലായൊരു വിഷു ആഘോഷം
• ചൂടു കൂടിയതോടെ റോഡിലൂടെ ഐസുകട്ട വലിച്ചുകൊണ്ട് വിദേശി; വീഡിയോ
• യുകെയിലേക്ക് പോയ സച്ചിന്റെ പ്രണയത്തിനു പിന്നെ എന്തു സംഭവിച്ചു; പ്രേമലു 2ന്റെ കഥയിതാ