കണ്ണൂരിൽ കാര്യങ്ങൾ കളറാണ്; അതിവേഗത്തിൽ പൂർത്തിയാകുന്ന NH 66 ന്റെ ദൃശ്യങ്ങൾ

ഭാരത്മാല പദ്ധതിയിൽ ഉൾപ്പെടുത്തി നിർമ്മാണം പുരോഗമിച്ചുകൊണ്ടിരിക്കുന്ന എൻ എച്ച് 66 ന്റെ കണ്ണൂർ ജില്ലയിലെ നിർമ്മാണം അതിവേഗം പുരോഗമിക്കുകയാണ്. കണ്ണൂരിന്റെ മുഖഛായ മാറ്റുന്ന രീതിയിലുള്ള ആറുവരി പാതയാണ് കണ്ണൂരിൽ എൻ എച്ച് 66 ന്റെ ഭാഗമായി ഒരുങ്ങുന്നത്. പയ്യന്നൂർ നഗരസഭാ മേഖലയിൽ നിർമ്മാണ പ്രവർത്തികൾ ഏതാണ്ട് അവസാന ഘട്ടത്തിലാണ്. 

പയ്യന്നൂരിൽ വെള്ളൂർ പാലത്തിന് സമീപമുള്ള പാതയിൽ ക്രാഷ് ബാരിയറിന്റെ പണികളടക്കം പൂർത്തീകരിച്ചതായി നിർമ്മാണ പ്രവർത്തികളുടെ ആകാശദൃശ്യങ്ങൾ പങ്കുവെച്ചുകൊണ്ട് വ്ളോഗറായ അബുകീം തന്റെ യൂട്യൂബ് പേജിലൂടെ പറയുന്നു. കഴിഞ്ഞ ഡിസംബറിലെ നിർമ്മാണ അവസ്ഥയിൽ നിന്നും ഈ മേഖലയിൽ നിർമ്മാണ പ്രവർത്തനങ്ങൾ അതിവേഗത്തിൽ നടന്നതിന്റെ മാറ്റങ്ങൾ പ്രകടമാണെന്ന് ദൃശ്യങ്ങൾ ചൂണ്ടിക്കാണിച്ചുകൊണ്ട് അബുകീം പറയുന്നു. ഈ മേഖലയിലാകെ കോൺക്രീറ്റ് സംരക്ഷണ ഭിത്തിയുടെ പണികളാണ് നിലവിൽ പുരോഗമിക്കുന്നത്.

ഈ മേഖലയിലെ നിർമ്മാണത്തിന്റെ മറ്റൊരു സവിശേഷതയായി അബുകീം ചൂണ്ടിക്കാട്ടുന്നത് പൂർണ്ണമായും സംരക്ഷണ ഭിത്തിക്കായി ആർ ഇ പാനൽ ഒഴിവാക്കിക്കൊണ്ട് കോൺക്രീറ്റ് ഭിത്തികളാണ് നിർമ്മിക്കുന്നത് എന്നതാണ്. വെള്ളൂരിലെ അണ്ടർ പാസിന്റെ പണികളും ദ്രുതഗതിയിൽ തന്നെയാണ് പുരോഗമിക്കുന്നത്. വെള്ളൂർ മേഖലയിൽ നിന്നും അടാട് മേഖല വരെയാണ് നിർദ്ദിഷ്ട പയ്യന്നൂർ ബൈപാസിന്റെ ദൂരം.

ഈ ദൂരത്തിനിടയിൽ പയ്യന്നൂർ പുഴയുടെ തീരത്തുകൂടിയാണ് ബൈപാസ് കടന്നുപോകുക. ആറുവരിപ്പാത പൂർത്തിയാകുമ്പോൾ ഈ വഴിയുള്ള യാത്ര അതിമനോഹരമായിരിക്കുമെന്നും ഈ മേഖലിൽ നിലവിൽ ഗർഡറുകൾ സ്ഥാപിക്കുന്ന പ്രവർത്തികളാണ് നടന്നുവരുന്നതെന്നും ആകാശദൃശ്യങ്ങൾ പങ്കുവെച്ചുകൊണ്ട് അബുകീം വിശദീകരിക്കുന്നു.

Read More

• ചെറുവത്തൂരിൽ വികസനം ചെറുതല്ല; ആറുവരിപ്പാതയുടെ ആകാശദൃശ്യങ്ങളിലൂടെ
• കേരളത്തിലെ ആദ്യ ആറുവരിപ്പാത ഉദ്ഘാടനത്തിനൊരുങ്ങുന്നു
• കേരളത്തിന്റെ മുഖച്ഛായ മാറ്റി NH 66; കോരിത്തരിപ്പിക്കുന്ന ആകാശദൃശ്യങ്ങൾ, വീഡിയോ