'തോറ്റത് ജീവിതത്തിൽ അല്ല,' മകന്റെ പത്താം ക്ലാസ് തോൽവി കേക്ക് മുറിച്ച് ആഘോഷിച്ച് മാതാപിതാക്കൾ; വീഡിയോ

ബോർഡ് പരീക്ഷാഫലം പ്രഖ്യാപിക്കുമ്പോഴെല്ലാം, സാധാരണയായി പുറത്തുവരുന്ന വാർത്തകൾ വിദ്യാർത്ഥികളുടെ വിജയവും അവരുടെ വിജയ വഴികളുമെല്ലാമാണ്. എന്നാൽ കർണ്ണാടകയിൽ നിന്നുള്ള ഒരു വ്യത്യസ്തമായ വാർത്തയാണ് ഇപ്പോൾ ശ്രദ്ധനേടുന്നത്. മകന്റെ പത്താം ക്ലാസ് പരീക്ഷയിലെ തോൽവി കേക്ക് മുറിച്ച് ആഘോഷിച്ചിരിക്കുകയാണ് ഒരു കുടുംബം.

കർണാടകയിലെ ബാഗൽകോട്ടിലുള്ള ബസവേശ്വർ ഇംഗ്ലീഷ് മീഡിയം സ്കൂളിലെ വിദ്യാർത്ഥിയായ അഭിഷേക് എന്ന 17 കാരനാണ് പത്താം ക്ലാസ് പരീക്ഷയിൽ പരാജയപ്പെട്ടത്. 600 ൽ 200 മാർക്ക് മാത്രമാണ് അഭിഷേകിന് നേടാനായത്. ആറു വിഷയങ്ങളിലും പരാജയപ്പെട്ടു.

VIDEO | Karnataka: Parents celebrate their son after he fails in Class 10 exam by cutting a cake to boost his morale in Bagalkote. He got 200 marks out of 600, which is 32 percent, below the passing marks. #Karnataka#Bagalkotepic.twitter.com/YJzSBm3Gvq

— Press Trust of india (@PTI_News) May 5, 2025

32 ശതമാനം മാർക്ക് മാത്രം നേടാനായ അഭിഷേകിനെ സുഹൃത്തുക്കൾ പരിഹസിച്ചതോടെയാണ് പരാജയം ആഘോഷിക്കാൻ പിതാവ് യെല്ലപ്പ തീരുമാനിച്ചത്. മകൻ പരീക്ഷകളിൽ പരാജയപ്പെട്ടെങ്കിലും ജീവിതത്തിൽ പരാജയപ്പെട്ടിട്ടില്ല എന്നാണ് പിതാവ് മാധ്യമങ്ങളോട് പറഞ്ഞത്. 'മകൻ 200 മാർക്ക് നേടിയതിൽ വളരെ സന്തോഷവാനാണ്. കുടുംബം മുഴുവൻ അവനോടൊപ്പമുണ്ടെന്ന സന്ദേശം നൽകാൻ ആഗ്രഹിച്ചു,' പിതാവ് പറഞ്ഞു.

അഭിഷേകിന് ഒരു വയസ്സുള്ളപ്പോൾ കാലിൽ ഗുരുതരമായ പൊള്ളലേറ്റുവെന്നും, അത് കുട്ടിയിൽ വലിയ ഞെട്ടലും ഭയവും ഉണ്ടാക്കിയെന്ന് പിതാവ് പറഞ്ഞു. ഈ സംഭവം അഭിഷേകിന്റെ ഓർമ്മ ശക്തിയെ കാര്യമായി ബാധിച്ചു. പത്താം ക്ലാസു വരെ പഠിച്ചതുതന്നെ ഒരു നേട്ടമാണെന്ന് അദ്ദേഹം കൂട്ടിച്ചേർത്തു.

Read More

• 'ചക്കരയുമ്മ,' സുൽഫത്തിന് പിറന്നാൾ ആശംസയുമായി ദുൽഖർ
• "പല്ലിക്ക് മേക്കപ്പ് ഇട്ടപോലെ ഉണ്ടല്ലോ," കമന്റിട്ടയാൾക്ക് ചുട്ട മറുപടിയുമായി രേണു സുധി
• പഹൽഗാം പരാമർശം; ഗായകൻ സോനു നിഗത്തിനെതിരെ കേസെടുത്ത് പൊലീസ്
• അന്ന് മൈനസ് ഏഴ് ഡിഗ്രിയിൽ ഞങ്ങൾ മരിച്ചുപോവുമായിരുന്നു: മരണത്തെ മുഖാമുഖം കണ്ട അനുഭവം പങ്കിട്ട് സാറയും ജാൻവിയും
• അന്ന് ദുൽഖറിന്റെ കട്ട ഫാൻ; ഇന്ന് ഡിക്യു പടത്തിൽ അസിസ്റ്റന്റ്
• ആറാം തമ്പുരാനിൽ നിങ്ങൾ കണ്ടത് എന്നെ തന്നെ; ഒടുവിൽ ആ രഹസ്യം വെളിപ്പെടുത്തി ഉർവശി