Google Trend: ടിക്കറ്റ് ബുക്കിങ് ആരംഭിച്ചതിനു പിന്നാലെ 'എമ്പുരാൻ' ഗൂഗിളിലും ട്രെൻഡിങ്

മോഹൻലാലിനെ നായകനാക്കി നടൻ പൃഥ്വിരാജ് സംവിധാനം ചെയ്യുന്ന 'എമ്പുരാനാ'യുള്ള കാത്തിരിപ്പിലാണ് പ്രേക്ഷകർ. ടിക്കറ്റ് ബുക്കിങ് ആരംഭിച്ച് മണിക്കൂറുകൾക്ക് ഉള്ളിൽ തന്നെ റെക്കോർഡ് ടിക്കറ്റ് വില്പനയാണ് നടന്നത്. ബുക്ക് മൈ ഷോ'യിലെ ആദ്യത്തെ ഒരു മണിക്കൂറിലെ ടിക്കറ്റ് ബുക്കിങ്ങിൽ രണ്ടാം സ്ഥാനത്താണ് എമ്പുരാൻ.

ഒരു ലക്ഷത്തിനടുത്ത് ആളുകളാണ് ആദ്യ മണിക്കൂറുകളിൽ തന്നെ എമ്പുരാൻ ടിക്കറ്റ് ബുക്ക് മൈ ഷോയിൽ വാങ്ങിയത്. ഇതിനു പിന്നാലെ ഗൂഗിളിലും ട്രെൻഡിങ് ആയിരിക്കുകയാണ് എമ്പുരാൻ. നിരവധി ആളുകളാണ് ചിത്രത്തിന്റെ ടിക്കറ്റു തിരഞ്ഞ് ഗൂഗിളിൽ എത്തിയത്. ഗൂഗിൾ ട്രെൻഡിങ് ലിസ്റ്റിലും എമ്പുരാൻ സ്ഥാനം നേടി. 

മാര്‍ച്ച് 21ന് രാവിലെ 9 മണിയോടെയാണ് ഇന്ത്യയിൽ എമ്പുരാൻ അഡ്വാൻസ് ബുക്കിങ് ആരംഭിച്ചത്. ബുക്കിങ് തുടങ്ങി മിനിറ്റുകൾക്കുള്ളിൽ ബുക്ക് മൈ ഷോ ഹാങ്ങാവുകയും സെർവർ ഡൗൺ ആവുകയും ചെയ്തിരുന്നു. പല തിയേറ്ററുകളിലും ആദ്യഷോകൾ എല്ലാം ബുക്കായി കഴിഞ്ഞിട്ടുണ്ട്. ടിക്കറ്റെടുക്കാനായി തിയേറ്ററുകളിൽ തിരക്കുകൂട്ടുന്ന ആരാധകരുടെ ദൃശ്യങ്ങൾ സാമൂഹ്യ മാധ്യമങ്ങളിൽ ശ്രദ്ധനേടിയിരുന്നു.

Thrissur's Prestigious Lalettan's strong fort #Ragam - 5 days all shows sold out 🙏🔥

Informed Booking apps to open second week booking 🙏🔥

BOX OFFICE TOOFFAAN 🙏 pic.twitter.com/2cHbiO5nWn

— AB George (@AbGeorge_) March 21, 2025

 
മാർച്ച് 27ന് ആറു മണിയ്ക്കാണ് എമ്പുരാന്റെ ആദ്യ ഷോ ആരംഭിക്കുക. ഐമാക്സ് തിയേറ്ററുകളിൽ അടക്കം ഗംഭീര റിലീസ് ആയാണ് എമ്പുരാൻ സ്ക്രീനുകളിലെത്തുക. ഹോളിവുഡ്, ബോളിവുഡ് താരങ്ങള്‍ അടക്കം വന്‍ താരനിരയാണ് ചിത്രത്തിലുള്ളത്. മോഹൻലാൽ, മഞ്ജുവാര്യർ, ടൊവിനോ തോമസ്, സച്ചിൻ ഖേദേക്കർ, പൃഥ്വിരാജ്, ഇന്ദ്രജിത്ത്, ശിവദ, സായ് കുമാർ, ഫാസിൽ, സുരാജ് വെഞ്ഞാറമൂട്, കാർത്തികേയ ദേവ്, ഒസിയേൽ ജിവാനി, സത്യജിത്ത് ശർമ, ശുഭാംഗി ലത്കർ, ഐശ്വര്യ ഒജ്ഹ, നിഖാത് ഖാൻ, അലക്സ് ഒ'നെൽ , ബെഹ്സാദ് ഖാൻ, അനീഷ് ജി മേനോൻ, ജെയ്സ് ജോസ്, നൈല ഉഷ, ജിലു ജോൺ തുടങ്ങിയവരും ചിത്രത്തിലുണ്ട്.

Read More

• Empuraan: ഓടിയും ചാടിയും വീണും എമ്പുരാന് ടിക്കറ്റെടുക്കാൻ ആരാധകർ; വീഡിയോ
• സ്റ്റീഫനൊപ്പം മമ്മൂട്ടിയും, എമ്പുരാനിലെ 'കാമിയോ' വൈറൽ
• 'ഗോട്ടിനെ കണ്ടുമുട്ടി;' കോഹ്ലിക്കൊപ്പം ആർസിബി ജേഴ്സിയിൽ ഹനുമാൻ കൈൻഡ്
• ആറാട്ടണ്ണൻ അല്ല എൻ തമ്പിയെന്ന് പേളി, എനിക്കും ചിലത് പറയാനുണ്ടെന്ന് ശ്രീനിഷ്
• 'ഫോൺ കൈകൊണ്ട് തൊടരുതെന്നാ ടീച്ചർ പറഞ്ഞേ...' അമ്മയുടെ ഫോൺ വെള്ളത്തിലെറിഞ്ഞ് കുഞ്ഞ്; വൈറലായി വീഡിയോ